【升學準備】嚴選合適嘅英語課程 | 打好英文基礎 Phonics | 我的心得(一)
和牛B話咁快就升上K2，真係好快呀！而K2下學期，就會開始準備升小學嘅嘢。
而和牛B所讀嘅學校，唔係咩名牌學校。學校K1課程主力學好26個英文字母，學校亦有派發字卡並配有生字，但K1就未開始學習執筆寫字。
不過，現時以和牛b嘅程度。學校老師亦有建議和牛B要出去揾一啲英文班去學Phonics，學Phonics嘅好處係有助日後記生字。咁除咗出去學，老師都建議家長可以喺屋企同佢睇光碟學習、溫習。但老實講，我自己都唔識Phonics，所以就算有光碟，我都怕教錯佢啦。
^ 唔識睇多啲書，係咪就會學到? 當然唔係啦…
所以我就著手出去搵一啲英語教育中心，而坊間都有唔少學Phonics嘅英語教育中心選擇，但點揀先係最好呢。好多時，和牛B入咗課室試堂，佢到底學咗咩？老師教咗咩？坐喺外邊等落堂嘅我，其實真係咩都唔知㗎。到落堂問老師，老師最多會答表現如何。
而重點係，有時教育中心導師係外藉老師的話，自己英語唔好或者都未能完全溝通得上同聽得明。
但係導師只講上課表現，咁呢點只係俾我知，佢有無投入同專心，有無浪費學費啫。但報得英語課程，我都想和牛B有進步，基礎打得好，之後再讀上去，就唔會咁辛苦。
如果有一間教室，可以做到同家長協調到，讓家長喺空餘時間，同小朋友溫習返課堂學過嘅嘢，你話幾咁好呢？
^ 多做練習，都可以鞏固記憶
平時學校已經係三十多人一班，所以到底學到幾多，吸收到幾多真係唔清楚。老師又唔可以為咗一、兩個同學跟唔上而唔再教，等佢追到進度再教新嘢。
所以，選擇校外嘅英語教育中心上堂，我都期望係可以小班教學，等和牛B可以學有所成。
我哋之前有去過唔同教育中心試堂，但我發現和牛b投入度不大。試堂1小時，有一半時間喺熱身同適應上面，原因係導師係外藉老師，佢好怕金頭髮嘅外國人。對於家長嚟講，課程教學係唔錯嘅，但如果小朋友無辦法專心、唔投入、環境令佢壓力、唔舒服、唔享受課堂嘅話。其實佢根本學唔到、進步唔到，仲有可能令佢驚咗英文。
所以我都揾咗好多間，最近聽朋友講「明師教育」係唔錯嘅英語教育中心。有好多喺九龍塘讀名校嘅小朋友，都會嚟呢到學好英文，而口卑仲好好。所以，我都去了解咗。
「明師」唔同坊間教育中心，想報就隨時可以報名加入。「明師」嘅導師會先安排同小朋友見面，再單對單以輕鬆、遊戲方式同小朋友做測試。
最初，我都諗報課程都要做測試？
原來做測試，係想了解一下小朋友嘅英語程度，再安排合適嘅課程進度。「明師」唔會明知小朋友能力未到，而強谷小朋友學習。
當日去同導師會面，和牛B起初顯得好怕陌生，但好快就同導師熟絡，打成一片，好輕鬆就完成英語測試。導師非常友善，同埋語言上大家係溝通到，所以和牛B好快就放鬆落嚟，仲好鍾意呢到。
導師亦詳細同我哋講解課程嘅嘢，每次上完堂，導師仲會whatsapp返當日教嘅嘢俾我哋，會以錄音方式，原因係希望家長可以跟住導師嘅教法，同埋口音去同小朋友溫習。
而呢到係小班教學，大概1-4個小朋友。再按小朋友能力去教，唔會為追進度而強行教新嘢。
^ 打好基礎，第時可以睇得明成本英文書啦
聽到呢點，我覺得好好！有齊我所想嘅要求 ;
1.輕鬆、唔感到環境有壓力
2.小班教學
3.課堂後，老師會講返教咗啲咩
4.價錢合理
嚟梗，我哋都正式上第一堂了。
稍後再同大家分享，和牛B嘅感受同我嘅感受啦。
【和牛媽媽讀者優惠】- 報名即減$300
「明師教育」知道我有寫開文章分享心得，佢哋仲好好俾咗個【和牛媽媽讀者優惠】俾我。
喺報名或查詢嘅時候，記得同職員講係喺【和牛媽媽】到睇到介紹，報名時課程即減$300㗎。
(旺角總校) 九龍旺角彌敦道655號胡社生行22樓2209室
電話: 3568 6293 / 9684 8074
--------------------------------------------------
--------------------------------------------------
姊妹合作**Precious M accessories**
利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。
留言
發佈留言