文章

顯示包含「和牛B」標籤的文章

北上親子遊 | 深圳出發1小時 x 2000呎親子樂園+水上樂園

圖片
今年暑假,我哋快閃北上玩咗2日1夜~但係玩完之後發現,絕對需要3日2夜行程先夠!! 我哋今次去咗東莞五星親子酒店「東莞塘廈三正半山溫泉酒店」,地點都尚算方便。由香港出發到深圳,再從深圳出發打車大概1小時就到達! 基本上嚟到呢到,只需要喺園區已經好夠玩! 酒店有水上樂園、滑梯、泳池、 沙灘、 38個特色溫泉泡池,仲有室內2,000呎親子樂園,小朋友真係玩到唔捨得走! 我哋今次喺KKday Book咗 池畔家庭房,自助早餐及自助晚餐,都係$2XXX左右,價錢已包溫泉、水上樂園、室內親子樂園門票。 https://www.kkday.com/zh-hk/product/160193?cid=14923 池畔家庭房打開房門露台門,行幾步就可以落泳池,真係有種泰國Villa Feel!! 對小朋友嚟講,絕對係一個好好嘅體驗。玩完水,包返毛巾就可以馬上去浴室沖涼暖身。 (*安全至上,玩完水返房後,切記要鎖好門呀。) 由於我哋今次只係玩咗2日1夜,首先因為我哋比較晏先到達酒店,所以我哋完全玩唔晒啲設施。來到酒店,check-in後馬上去房間換泳衣再出發去水上樂園玩。 ^ 酒店大堂 附上酒店地圖 水上樂園同泳池有分開唔同區域,玩水嘅地方都好多!!  ^ 仲可以即場租用電子水槍玩 ^ 必玩必租嘅電動浮板,超好玩! 但就略為貴咗少少。 另外仲有沙灘區,鍾意玩沙玩水,就啱晒啦!! 而酒店入面除咗泳池、水上樂園,仲設有溫泉區。 溫泉區同樣都係日、夜都會開放,但要注意開放時間,因為太夜都會關閉的。 而每個溫泉都有唔同嘅功效及溫度,所以可以揀返自己鍾意嘅去浸。 仲有桑拿房,乾同濕都有。 基本上2日1夜入住期間,冇幾多時間個人係乾爽,因為都係玩水、浸溫泉。 但係小朋友,絕對係超級開心呀! 整體住宿,酒店房間舒適、乾淨、滿意。 餐飲方面,正常發揮,唔係非常好食,亦唔係難食,選擇都算多。 但如果本身package唔包餐飲,用美團外送都係一個唔錯選擇。 我覺得呢到絕對可以再計劃再嚟玩,而且仲要係玩3日2夜,先可以玩盡整個園區嘅設施。 【KKday網上優惠】 https://www.kkday.com/zh-hk/product/160193?cid=14923 【和牛b的成長日記】 記得Like我哋Facebook及設定為搶先看,收睇我哋發掘最新、至好玩嘅好去處呀。 https://www...

二寶成長日記 | 兒童眼科斜視手術 x 公立醫院日間手術

圖片
大概由妹妹2歲多,我就發現妹妹有間歇外斜視問題,當時由健康院檢查後,轉介眼科醫院跟進。至今妹妹已5歲,眼科醫院亦已跟進大概已經2-3年了,眼見妹妹間歇外斜視問題,亦無大改善。 眼科醫生就建議可以做手術去改善問題,醫生亦有提及斜視本身並唔會影響視力,但會影響外觀 (自信問題),仲會影響立體感,而某些工作如果欠缺立體感係未能擔任,如: 飛機師。  醫生亦有同我哋提及手術成功率,成功率高。但少部份唔成功的話又會有咩情況出現 (如: 由外斜視變成鬥雞眼),另外隨住時間眼部肌肉亦會有鬆弛回復斜視情況等。 此外,由於年紀細,手術需全身麻醉去進行。 家長要自行決定冒唔冒險去做,做手術風險一定有。 而我哋我哋最終決定做手術幫妹妹改善問題,等妹妹會有自信及立體感問題。 手術前,需再約見眼科醫生及麻醉科醫生進行詳細健康評估及簽署手術同意書。 (當日必須帶備小朋友出世紙證明書正本) 由於屬簡單手術,所以手術完成後都係可以即日出院,無需留院。 重點! 手術前數天如果有身體不適,如: 發燒、傷風、感冒,就需要聯絡醫院改期進行手術。 當日手術流程: 前一晚12時開始禁食,期間只能飲少量清水。 到達醫院,登記後,會量體溫、量血壓。姑娘會再跟我哋再次詢問健康狀況,有沒有藥物、食物敏感問題及同意書簽名。稍後再與麻醉科醫生再一次核實健康狀況,有沒有藥物、食物敏感問題及同意書簽名。 最後眼科醫生會再檢查一次眼鏡、量度斜視角度及再核實一次健康狀況,有沒有藥物、食物敏感問題及同意書簽名。 整個過程,醫生、護士都好有耐性、細心。 護士仲好溫柔同妹妹講,一陣會俾啲香味佢聞,叫佢自己揀味道。 手術前半小時左右,護士就幫妹妹雙手手背塗上麻醉膏,方便打痘是唔覺得痛。 妹妹非常緊張,擔心同驚,但係佢好叻女。 終於進入手術室啦,幾個護士都好有耐性、溫柔同妹妹傾計,分散佢注意力唔好睇住打痘。 又雖然搽咗麻醉膏,但妹妹都感覺到有少少痛,但佢冇喊,只係同咗我講「媽咪,我隻手有啲痛...」然後,轉眼麻醉科醫生,就叫妹妹戴住罩吹波波,幾十秒後,妹妹就閉上眼瞓咗啦!! 而我就跟住護士離開手術室,等候妹妹完成手術! 當時護士話手術大概1小時就會完成,但實除上妹妹大概30分鐘多少少就完成咗!! 妹妹麻醉藥力未過,所以仍然睡著。 眼睛明顯見到,有一層厚厚嘅Gel喺眼到,其實係止痛藥膏。 妹妹清醒後,佢眼睛因為止痛膏黏住,所以打唔開...

深圳親子遊 | 一日環遊世界 x 機動遊戲 x 推薦景點。深圳世界之窗

圖片
深圳景點其實都算多,今次我哋用一日時間去環遊世界!  講梗係去咗深圳著名景點「深圳世界之窗」呀!! 大人細路都好開心,因為好多地方影相打卡,仲有機動遊戲玩!  兩個女第一次環遊世界,仲可以見識到迷你版世界各地景點 ! 如:  法國巴黎鐵塔、 印度泰姬陵、埃及金字塔、意大利比薩斜塔等。 但係千祈唔好以為行程只有微縮版世界名勝打卡景點,其實場內仲有好多適合親子、情侶嘅設施。如: 兒童遊樂場、機動遊戲 (旋轉咖啡杯、激流衝浪、過山車、碰碰車等)、觀光小火車、觀光吊車、巡遊表演、阿爾卑斯冰雪世界等。 深圳世界之窗佔地48萬平方米,場內分為8大區域,包括: 世界廣場、亞洲區、美洲區、非洲區、大洋洲區、歐洲區、雕塑園及國際區,總共超過130個景點及遊樂設施! 其實一日有少少走馬看花,真心推薦,不過四月天氣已經開始熱。 但仍有計劃前往,最緊要記得帶風扇仔、遮、帽,搽防曬及蚊怕水。 另外,園區入面仲設有中大型玩水設施「恐龍水上世界」(暫時未開放),所以再熱啲入嚟玩,係可以玩埋水。 *記得帶備毛巾、替換衣物呀 剛才都有提及,場內設有兒童遊樂場、機動遊戲 (旋轉咖啡杯、激流衝浪、過山車、碰碰車等)、觀光小火車、觀光吊車、巡遊表演、 阿爾卑斯冰雪世界 等。 ^ 巡遊表演 當中機動遊戲,有部份是免費有部份是需額外付費。 機動遊戲、玩樂設施:  空中花園遊覽車 ── 360度俯瞰歐洲區景色 必玩項目之一,可以從高空欣賞園區內部份景點。 斯巴達勇士訓練營 (兒童遊樂場, 公園) 此區遊玩設施都多,都超級放電! 追夢樂園 (旋轉木馬) 穿越歐羅巴 (觀光小火車) 沿路軌穿梳景區,遊覽風景,每節大概10-15分鐘。 暹羆小飛象 (旋轉咖啡杯) 米開朗琪羅奇遇 (乘車射槍遊戲)  入面場景以童話故事為主,都係好童趣可愛~ 碰碰車 (付費) 水上單車 (有腳踏船或電動款可選,付費項目) 阿爾卑斯冰雪世界 (額外付費項目) 除以上遊戲之外,仲有超刺淘激流大峽谷(14米高空俯衝),刺激之餘一定濕身,及 馬丘比丘迷城合家歡過山車等。 深圳世界之窗係位於深圳南山區華僑城,由香港出發而家都有幾個方法前往。 只要搭乘深圳地鐵,都能馬上直達,非常方便! 1. 港鐵羅湖站,過關後轉乘深圳地鐵1號線,於「世界之窗」站下車,J出口一出就係世界之窗正門口。 2. 港鐵落馬洲站...