和牛B 的成長日記

我雖然好鍾意扮靚，但其實我都同男仔一樣，好熱愛Figure同埋首版模型o架。 而世界知名嘅珍藏人偶品牌Hot Toys原來已經誕生咗18年啦!! 為咗隆重其視出世18年，Hot Toy仲喺尖沙咀開咗全新主題專門店「Rebel Base狂熱基地」，2018年11月5日正式開張。  今日趁住收工時間Me Time一下，自己去咗朝聖~ 新店以科幻及超現實嘅太空設計為概念打造而成，店舖入面每一個角落都做得非常細緻。 亦有足夠嘅空間感，而店舖入面有齊「Marvel」、「Star Wars」及「DC Comics」等產品。 1:1原大嘅雕像，除咗有美國隊長，仲有鐵甲奇俠及無限手套。 店裡內外都一樣咁多Figure展示出嚟，真係超吸引呀!!! 仲有由Hot Toys自家設計嘅Cosbaby迷你珍藏人偶陳列櫃，擺滿了最受歡迎嘅Movbi以及Cosbaby嘅珍藏品。 超多鐵甲奇俠，但係佢哋全部都係唔同o架~ 而Hot Toys迷仲可以即場選購珍藏嘅figure。 仲有3D玻璃透視帷幕牆，播放最新LED影像系統技術嘅虛擬動態影像。 新店仲有逾80款1;6比例、1:4比例、1:1比例、Cosbaby及電影精品等Figure出售。 開業限定商品 「Marvel Studirs 十周年」- 鐵甲奇俠Mark XLVI (概念版) 1:6比例合金珍藏Figure ($2,388)，仲有「米奇90周年」金色版Cosbaby(S) 迷你珍藏Fighure (價錢: $138)。 限定商品陸續有嚟，仲有「怪獸與葛林戴華德之罪 Cosbaby(S) 迷你珍藏Fighure。 有一個鍾意玩Figure嘅媽媽，和牛B自然都有福了。 不過，俾佢玩咗一輪，我都馬上將呢隻金色版米奇收返入盒，好好珍藏了~ 店舖地址: 九龍尖沙咀海港城港威商場4樓4017號舖 營業時間: 星期一至日: 11am - 9pm 電話: 2323 7716 -------------------------------------------------- 歡迎聯絡我&和牛B:  chungying56@hotmail.com F acebook 專頁 :  和牛 B 嘅成長專頁 I nstagram :  wagyubmami                         --------------------------

上年其實曾經同大家分享過一次澳門大熊貓館，不過當時係落雨天，周圍都濕笠笠。 我哋就只有參觀咗大熊貓館、小熊貓館同埋其他嘅小動物。 隔一年我哋再次到訪「石排灣郊野公園」大熊貓館，正值好天氣。 時間大概11時半左右，太陽都開始猛烈，幸好有少少風啦。 對鍾意動物嘅和牛B嚟講，呢個景點絕對係必到嘅。 呢到亦有一種迷你海洋公園睇動物嘅感覺，當然只限睇動物部份啦~ 如果唔參觀大熊貓館嘅話，就唔需要額外俾入場費。 免費區有小熊貓館、猴子籠、小湖有天鵝、火烈鳥等。 若參觀大熊貓館嘅話，可到精品店購買入場券。 13歲或以上(包括成人)$10/位一小時。 打算去參觀嘅話，亦要留意下午1時至2時會休館呢。 購票時，就算小朋友係12歲或以下都要通知職員哦~ 呢個湖有黑、白天鵝。另一邊仲有火烈鳥、鴨等。 其他免費動物區，有多個品種嘅猴子類動物。 有松鼠猴，身手超級敏捷!!! 呢到都有和牛B好鍾意嘅「金金」川金絲猴，藍色面嘅猴子。 和牛B睇得超開心呀~ 珍稀動物館，入面住咗小熊貓~ 買齊入場券，依照參觀時間就可以馬上去參觀了。入場記得將飛交俾職員，佢會撕走飛尾。 格局好似香港海洋公園嘅大熊貓舊館，但就光猛好多嘅。 懶洋洋嘅大熊貓 正在努力食竹葉嘅大熊貓 入場後，記得要遵守場內嘅規則，不要喧嘩、影相唔好用閃光燈、拍玻璃等。 陽光充足嘅大熊貓館，仲有好涼快嘅冷氣。 大熊貓館外有唔少影相嘅靚位~ 兒童遊樂設施 設施方面，遊戲組分成兩個，此區比較適合幼兒玩樂。 攀爬設施 仲有氹氹轉 滑梯組 另一個區適合5歲或以上小童玩樂，以攀爬、繩網遊戲為主。 可以鍛練力量與膽量。 和牛B只係爬咗呢一節就唔敢玩了~唔緊要啦，再大啲一定玩得到~ 經典跳飛機遊戲 鐵皮火車 火車係唔會郁嘅，但係小朋友 扮揸火車依然係玩得好開心。 飛機模型 迷你大三巴 園區地圖 仲有免費嘅工作坊玩，不過官方網站無相關資料顯示。 所以要去到現場先至知道活動時間表呢。 精品店: 大熊貓、小熊貓及其他動物嘅紀念品。 小食亭:  玩咗一陣，太陽實在太曬啦，去小食亭食少少嘢休息一陣就離開了。 【注意事項】 進行戶外活動，記得預先搽好防曬霜，戴闊邊帽。 亦做好防蚊措施，定時飲水補充水份。 亦避免長時間曝曬，要搵地方避太陽呀。 【澳門大熊貓館@路環】 熊貓館開放時間： 10am - 5pm (**最後入場時間4:45pm) 門票： 熊貓館購票成人每節$1