和牛B 的成長日記

今次介紹俾大家嘅餐廳，係我常去嘅熊仔主題餐廳。 以前 熊小館 舊店係位於荃灣嘅，而家熊小館就只有九龍灣一間。 係好適合親子常去嘅九龍灣MegaBox入面，較高嘅樓層。 價錢都合理，而食物質素就普通啦。 唔算話超級好食，但和牛B好鍾意去呢到。 餐廳四周圍都會有熊啤啤嘅裝飾擺設 餐廳座位亦算多，空間都算闊落。 餐廳嘅兩位熊大哥 ^ 每張台都會有一隻小熊啤擺設 和牛B好鍾意呢到，除咗有好多熊啤啤之外，就係因為呢到有一個小小嘅兒童遊戲區供免費玩樂。 入面有廚房玩具、積木車、圖書、熊啤啤公仔。 ^ 木製廚房玩具 ^ 兒童圖書、漫畫都有 ^ 仲可以同熊啤啤影相留念 (舊照一張) 玩到咁上下，食物已經到齊了。 我哋點咗一份兒童餐B 俾和牛B，兒童餐都好豐富，另外仲配一杯果汁。 ^ 兒童餐B ($68) ^ 兒童餐 餐牌 ^ 餐湯及蒜蓉包 ^ 白菌西冷牛扒 $72 ^ 香草醬乾蕃茄野菌闊條麵 $69 【Cafe MED 熊小館@九龍灣】  地址：九龍九龍灣宏照道38號企業廣場5期Megabox 11樓 電話：3421 2213 營業時間：11:30am. - 10pm. -------------------------------------------------- 歡迎聯絡我&和牛B:  chungying56@hotmail.com F acebook 專頁 :  和牛 B 嘅成長專頁 I nstagram :  wagyubmami

細個嘅時候，我屋企有一本好厚嘅百科全書，入面咩都有。 但最吸引我嘅，就係關於太陽、銀河系同埋宇宙嘅知識。 所以，最近以宇宙為題，創作咗一個簡單教材，再配合活動式嘅設計，讓和牛B可以輕鬆愉快咁認識宇宙嘅星球。 素材只有2頁，非常簡單。 工具: 間尺 (建議使用鐵尺) 透明膠紙 雙面膠紙 透明線 透明膠片 漿糊筆 剪刀 界刀 步驟:  1) 利用界刀刀背，進行壓線工序，於下列粉紅色虛線位置壓線。 2) 然後開始進行剪掉不需要部分。(剪去外邊，及中間白色長方形部分) 3) 沿壓線摺疊 4) 將第2張紙，沿中間部份之虛線一分為二 (下面部分為認識教學用之圖卡) 5) 將人物及星球全部剪出 6) 預先揀好相片，剪裁。再用漿糊筆，將頭像貼上人物公仔面部位置。 7) 剪出你所需要的透明線長度 8) 利用膠紙將透明線貼於星球背面 9) 利用針於紙上穿個洞，讓透明線穿過 10) 透明線穿過後，於頂部打結 11) 星球部分已完成 12) 最後利用透明膠片，剪開4份。 13) 利用雙面膠紙，貼於膠片上，再貼上人物 14) 決定好人物出現位置，再用界刀界開所需位置，以便膠片穿過 活動式部分已完成 15) 最後用漿糊筆，於三邊塗上漿糊再貼好 16) 完成! 索取教材【 立即按此 】 -------------------------------------------------- 歡迎聯絡我&和牛B:  chungying56@hotmail.com F acebook 專頁 :  和牛 B 嘅成長專頁 I nstagram :  wagyubmami                         -------------------------------------------------- 姊妹合作**Precious M accessories** 利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。