文章

顯示從 5月, 2022 起發佈的文章

【食譜分享】超簡易! 自製雙色雪糕 (非雪糕機) | 食譜 + 影片教學

圖片
以前和牛B細個,想俾佢淺嚐雪糕。 但又唔放心俾佢食街外嘅雪糕,所以我就自己整。 而家妹妹2歲幾,想俾佢淺嚐一下。 所以,我又再次自己整雪糕俾兩姊妹食。 和牛B大個女,所以可以食朱古力味,而妹妹仲細只係俾好少佢食。 我就另外再整雲尼拿味,做雙色雪糕~ 兩姊妹都可以食~~ 而我自己整嘅雪糕食譜,係唔需要加生雞蛋。 所以幼兒、小朋友都可以食。 而且仲係好容易整,唔需要雪糕機都做得到~ 材料仲好簡單,以下會分享雲尼拿味同朱古力味雪糕嘅材料及做法~ 另外,仲拍了影片,方便大家 [  YouTube影片教學 ] 雲尼拿雪糕材料: 淡忌廉...300g 煉奶...100g 雲尼拿油...一瓶蓋 朱古力雪糕材料:  淡忌廉...300g 煉奶...65g 朱古力粉...30g 雲尼拿油...一瓶蓋 (隨個人喜好,亦可加入朱古力碎) 做法: 1. 將所有材料加入淡忌廉。 2. 用打蛋器將淡忌廉,打至杰身。 *如果係朱古力雪糕 3. 放入食物盒,冰櫃雪6-8小時,即成。 雪糕加上脆筒,真係超級正!! 兩個女都話好好食,當然啦,妹妹係淺嚐一兩啖~ ========== ================== 記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.instagram.com/wagyubmami/ ============================ 和牛B & 和牛媽媽 YouTube Channel  https://www.youtube.com/c/Wagyubmami ============================ 我的網店C.Mozo Store https://cmozostore.mallogram.com/zh-hk/

【親子露營】兩日一夜 x 下大雨體驗 x 448農莊 | 季尾露營

圖片
上篇提及,因為天氣開始熱。 所以,我哋嘅露營活動又嚟到季尾啦~~ 本篇係分享另一個真心正嘅場地 [ 448農莊 ] 。 不過,此場地只接待會員。 ^ 落大雨嘅露營體驗 小朋友都話鍾意呢到,因為嚟到呢到露營,小朋友仍然可以到448農莊參觀、任玩場內嘅遊樂設施。 舊文重溫:  https://wow.esdlife.com/space.php?uid=26217&do=blog&id=453674 今次係第二次露營遇上落雨,對上一次係短暫性落雨。 當日嚟到農莊,天陰密雲。 ^ 營地有多個露營場地,我哋今次被安排到山上,位置不錯 恍如置身外國一樣,空氣亦很好! 今次已經係第四次露營,所以已經有點經驗。 超多食嘅妹妹,已經好期待佢嘅餐點。 不過,大阪燒似乎唔太適合佢呢~ ^ 戶外煮食,另有一番風味,我好享受!! ^ Chill一下先~ 今次煎牛扒炒蘑菇及番茄長通粉。 晚上當小朋友都瞓晒,又係大人們食宵夜嘅時間! 朋友整嘅部隊鍋,超正呀!! 第二朝,和牛B嘅早餐西多士。 我嘅呃唔到Like版All day breakfast。 今次露營,半夜開始就一直落大雨冇停過.... 瞓醒溫度仲跌咗好多度... 落雨,唔可以出去玩,只可以留喺營入面或者天幕下玩。 好彩我哋嘅營,有一個大廳,可以俾佢哋喺入面玩。 一般Check out時間係中午12點,但係場主好好人。 預早一晚已經同我哋講,聽日有排落雨,你哋唔洗急住走,停雨先慢慢收嘢啦。 所以...我哋等...等等.... 食埋午餐,見開始細少少雨,就馬上執拾行李及收營了。 感想:  448農莊露營場地真心好,因為只招待會員。 所以,夜晚我真係唔需要擔心隔離營一直吹水、猜枚到凌晨3點。 重申: 戶外露營我真心想感受大自然,聽到昆蟲叫聲、大自然嘅聲音瞓覺。 而唔係要聽人吹水講心事同帶枚呢.... 448農莊入面有多個洗手間、沐浴地方。 以下呢個粉紅色鐵皮屋,係女廁連沐浴地方。 (係即熱式電熱水爐) 【448農莊@元朗】 地址: 元朗欖口村欖堤東路 https://www.facebook.com/448農莊-460686987458293 【露營】露營物品、用品介紹及分享 | 新手入坑 【親子露營】露營初體驗 x 秋季親子活動 x 兩日一夜 | 新手露營 【親子露營】兩日一夜 x 有型地農莊 | 季尾露營 ====

【親子露營】兩日一夜 x 有型地農莊 | 季尾露營

圖片
天氣一熱,親子露營活動我哋就會停。 因為始終係戶外活動,就算夜晚都會擔心小朋友瞓覺出晒汗,好熱。 所以,露營又嚟到季尾啦~~ 稍後要等天氣涼,我哋會再去過~ 最後跟大家分享兩個場地,本篇先介紹「有型地農莊」。 場地位於天水圍,大家經常會問多唔多蚊、有冇豬屎味、有冇廁所、浴室? 由於我哋都會帶住小朋友去收費露營場,所以有企理廁所及浴室都係優先考慮。 ^ 沐浴花灑有3格,門後有數個掛鈎。 ^ 廁格有3個。 ^ 女廁及浴室 (儲水式電熱水爐) ^ 男廁及浴室 (一開即著電熱水爐) 至於有冇豬屎味,真係要實地去過先知道~ 因為有啲場地,近豬場會有豬屎味,再加上當日大唔大風。 ^ 亦有公用休憩空間 蚊患方面,我覺得戶外活動一定有的,所以防蚊用具係唔可以帶少的。 今次呢個 場地我覺得有好,亦有唔好嘅地方。 我哋當日去,每個營之間嘅分隔空間都算多。 所以,瞓覺嘅時候都唔會好受其他人影響。 明白,總會有人話「要瞓覺就返屋企瞓啦」。 但去戶外露營,都係想感受一下大自然,聽住昆蟲叫聲、大自然嘅聲入睡。 (而非人類發出嘅嘈吵聲、喧嘩聲 (如: 猜枚) 等) ^ 感受大自然 空間足夠俾小朋友跑、跳、玩樂。 場地亦可以租燒烤爐。 我覺得唔好嘅地方,就係去要洗手間或沖涼的話,必須要推開營地大閘,過條小馬路先去到。 ^ 搬家式的親子露營 (哈) 我哋去嘅收費場地,都係自己準備裝備,自己搭營。 不停食嘅妹妹~ 帶住小朋友的話,呢一張露營摺櫈真心好坐,就算大人坐喺到煮食亦都好方便,高度係剛好! 購買連結: https://papaya-shop.hk/collections/outdoor/products/4560464257168 另外,每次露營都係不停地食的我們... 每一次出發前,都要預先諗定大人、小朋友菜單 (第一日午餐、下午茶、晚餐、宵夜; 第二日早、午餐)。 特別係帶著幼兒,菜單更加要分開煮。 所以,唔想帶太多嘢,菜式一定要諗清楚計劃好。 ^ 朋友嘅燒和牛,超正!! ^ 日式炒麵 ^ 麻辣雞煲 ^ 從12蚊店購入嘅煮飯神器,一人份量 而每一次露營,都會遇上新挑戰,因為永遠都會帶漏嘢。 今次,我哋忘記帶鑊剷,所以早餐炒蛋要用匙~ 但係,完全冇問題! 分享完美食,當然都需要清潔餐具、廚具吧。 營地入面,有洗碗、洗食材嘅地方。 也有提供洗潔精,不過我通常會自己攜帶。 最後,我最鍾意營地