文章

顯示從 10月, 2019 起發佈的文章

【二寶孕記】妊娠糖尿測試之飲糖水 (一)

圖片
上一胎陀住和牛B嘅時候,我有妊娠糖尿。 所以今胎QE幫我準備咗兩個「飲糖水」嘅期俾我,姑娘話如果我第一次飲完就顯示我有妊娠糖尿,咁第二個期就唔需要返嚟了。 若果,第一次飲完我過到關呢,第二個期就如乖乖出席。 孕期去到第13週嘅時候,我就要返到QE進行妊娠糖尿測試「飲糖水」。 要空腹進行,當日都好早時間係上午9點半。 去到排隊登記,然後就抽一次血,驗空腹嘅血糖含量。 抽完血,就可以拎住姑娘俾嘅紀錄冊去領取「糖水」一支,要喺限時10分鐘之內飲晒。 以我經驗,唔可以好急咁不停飲。因為好容易會嘔,不過今次飲我覺得係甜到有少少醃喉嚨!! 飲完之後,將個樽交還俾姑娘,姑娘就會開始同你計時2小時。 姑娘寫好時間後,姑娘就叫我出去行下,限時之內返返嚟排隊抽血就可以了。 然後,我就離開醫院出去行下街。 返嚟再抽一次血,之後姑娘會派發梳打餅一包同埋一盒奶。 休息一陣,無唔舒服就可以走~~ 如果,驗到有妊娠糖尿稍後醫院就會致電聯絡。 不過,我今次好好彩,我等咗3星期都無電話。所以,我25週嘅時候要返去再飲一次糖水啦~ 簡易流程--> 空腹抽血 飲糖水 抽血 走得 其實妊娠糖尿又會有咩影響呢? 其實妊娠糖尿對孕婦同埋BB都係有危險,如果血糖控制得唔好。可能會導致胎兒過大,令生產出現困難,甚至難產,或需提早剖腹生產;同時亦會增加畸胎、胎死腹中、羊水過多、早產等風險。 而BB出生時受感染和出現黃疸嘅機會亦都會增加,亦有呼吸窘迫症及「血糖過低」嘅危險,日後長大亦有較高機會患上糖尿病及心血管疾病… 不過,就算唔好彩患上咗妊娠糖尿,都唔需要太擔心。因為一般可以透過飲食嚟控制,少食多餐,少糖鹽、少芡汁、少煎炸為主,又或者依營養師嘅建議分配食物種類及控制分量,適當選用澱粉質、水果及奶類食物,以吸收足夠而均衡的營養。同時配合簡單運動如散步、游泳等來控制病情。 如果嚴重嘅話,醫生或會建議孕婦注射胰島素嚟穩定血糖… 而妊娠糖尿多數都係暫時性嘅,大部分媽媽生完BB之後,血糖水平都會回復正常。不過,曾經患上妊娠糖尿嘅媽媽,日後患上糖尿病嘅機會都會相對較高。 所以,產後都要繼續注意日常嘅飲食習慣及體重控制,同埋每年都要做檢查,check住啲血糖呀!! 【二寶孕記】第二次QE產檢分享 - 早期唐氏篩查 【二寶孕記】醫院預約登記方法 及 第一次QE產檢分享 【二寶孕記】孕媽媽選擇護膚品、化妝品須知 【二寶孕記

【全新放電】超大室內兒童遊樂場 x 玩沙玩水 x 波波池 Campfire Play

圖片
最近 去咗位於黃埔快將新開嘅大型親子餐廳及遊樂場玩, 呢到真係好大呀! 加埋餐廳部份,呢到有成35,000呎。 成個餐廳及 遊樂場區,都係 對住個海,好開揚,風景好好。 今次我哋主要去咗遊樂場區到玩,有玩水世界、沙池區、波波池、 角色扮演、繩網陣等。 繩網陣 訓練小朋友身手嘅好地方,彩色嘅繩網陣。 地下仲有其他適合幼兒玩樂嘅公仔,影相都一流呀! 角色扮演 仲可以扮演警察、軍人及水手。制服都好齊全,有齊帽、衫褲, 等小朋友有個愉快嘅體驗。 幼兒玩樂區 小朋友年紀較小的話,呢到亦設有幼兒區,區入面都係以軟墊設計, 亦係以船同海洋為主題。 水世界 玩水區加入STEAM元素,超好玩呀! 有2個水池,水池都由唔同嘅組件而成。每個位都有小驚喜, 小朋友都玩得好開心。 可以話係一個小小水樂園呢~ 沙池區 進入沙池區前,必須先除襪仔再進入。 沙好幼滑,仲有唔少嘅玩沙工具。 仲有個小滑梯,沙亦唔痴手,玩完離開輕拍手腳, 就可以乾乾淨淨離開。 波波池 藍白色嘅波波池海,睇落真係好舒服,仲有一條木製嘅滑梯。 樓梯設計亦非常貼心,係軟墊嘅樓梯,好安全呢。 ^ 藍白色嘅波波池海 互動城市 呢個區嘅遊戲,需要配合彩色嘅波波。將波波傳去唔同嘅地方。 電動車場 而呢到亦有男孩、女孩都鍾意玩嘅電動車場,可以盡情飛車! 巨型積木 讓小朋友發揮創意嘅巨型積木 價錢:  平日遊樂門票 ( 星期一至五 ) 每節時間 遊樂場門票 12:00nn. – 2:30pm. 3:00pm. – 5:30pm. 6:00pm. – 8:30pm. $250 (1 大 1 小 ) 額外成人加 $100/ 位 時票 $180 假日「玩 + 食」自助餐 星期六、日及公眾假期 每節時間 半自助餐 成人 小童 / 長者 1-12 歲 / 65 歲以上 9am. - 11:30am. 半自助早餐 $380 $270