文章

顯示包含「bloggermama」標籤的文章

【食譜分享】是晚西餐 Pizza + Pizza Express 麵包球

圖片
冇堂食,唔想叫外賣。 因為好多時,出面嘅Pizza都比較濃味,小朋友選擇好少。 所以,今晚就同兩個女一齊做Pizza同埋Pizza Express出名嘅麵包球。 不過,我用P仔嘅蒸焗爐,所以焗得唔係太靚... 【厚批Pizza 食譜】 材料:  中筋麵粉 300g 雞蛋一隻 酵母 4g 砂糖 15 g 鹽 2g 水 150ml 油 15 g 做法:  1 .將 所有材料倒入廚師機  (水分數次加入 ),搓成光滑嘅麵團,然後室溫發酵 1小時 (約兩倍大)。 2. 取出排氣,再切割成需要嘅份數,搓圓後再鬆弛 10 分鐘 3 . 把麵團搓成所需大小,繼續靜置 20-30 分鐘 4. 塗上番茄醬,(如果想番茄味濃啲,可以搽厚啲)。再放 上你喜歡嘅食材,最後於表面上灑上芝士碎/ 芝士片 (因為剛巧嘅屋企嘅 Mozzarella 芝士碎用晒,所以只能用芝士片)。 ^ 特製俾妹妹嘅Pizza 5. 焗爐 200 度焗,約 15-18 分鐘。  (由於每部焗爐,或因焗爐之新舊或品牌熱力或會有分別,所以要注意會否焗燶。) 【Pizza Express 麵包球  食譜】 材料: 高筋粉 140g  牛奶 94g 糖 6g 鹽 2g 酵母 3g 做法: 1. 將所有材料放入廚師機 (牛奶分數次加入),搓成麵團, 然後室溫發酵 1小時 (約兩倍大)。 2. 拿出麵團排氣,分割成10小個,搓圓,蓋上保鮮紙,室溫發酵30分鐘。 3. 篩上高筋麵粉,放入已預熱焗爐,用180度焗10-15分鐘即成。  (由於每部焗爐,或因焗爐之新舊或品牌熱力或會有分別,所以要注意會否焗燶。) 至於醬料方面,我將牛油放軟再加入香草碎。 麵包球沾香草牛油醬,已經好惹味了~~ 我覺得自己整更健康之餘,其實小朋友都會好鍾意。 因為我屋企有個好鍾意食包類嘅妹妹,好埋為食嘅和牛B,製作期間妹妹都表現得超級好奇~ 我兩位小助手,非常幫得手~ ========== ================== 記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.in...

【媽媽心聲】半夜自由、抖氣時間 | 訓練媽媽的意志力與毅力

圖片
老實講,媽媽都係人,會攰同埋有思想... 好多時媽媽嘅自由時間,就係BB嘅休息時間。 日間當BB休息瞓覺嘅時候,媽媽就要爭取時間做家務,如果快手快腳... BB又合作,媽媽或者會有短暫嘅小休時間。 如果BB唔合作,唔瞓覺/ 醒瞓,媽媽就會連小休時間都冇.... 夜晚嘅時候,如果BB合作好快瞓著。 媽媽就可以好輕鬆,走出房呼吸自由空氣。 但BB唔合作,超黏身/ 醒瞓... 媽媽往往都好需要力氣或堅強意志力,先可以起身享受自由時間... 有時,我好想等妹妹瞓咗就出能休息... 但妹妹好黏身,我少少動作佢都會醒... 在黑房陪瞓時間愈長,我嘅意志力愈來愈變得薄弱... 最後,還是一覺瞓天光... 我覺得每晚能夠撐到BB瞓咗,再落到床享受自由時間嘅媽媽。 其實真係好勁,意志力好堅定好強呢!! 因為日頭已經好忙碌,到夜晚明明超眼瞓超攰,但為咗自由時間,幾眼瞓都會撐落去!! 真心強!! ========== ================== 記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.instagram.com/wagyubmami/ ============================ 我的網店C.Mozo Store https://cmozostore.mallogram.com/zh-hk/

【家居收納】實用廚房置物架 x 整理 x 多用途 | 廚房篇

圖片
在職媽媽的我,日日要返工放工又要湊女... 生活真係超忙.... 屋企冇請鐘點整理屋企,再加上老公成日話我「冇啲手尾」... 所以,屋企經常都會一片混亂... 今次介紹返,呢個係我嘅廚房!! 係咪好震撼,好刺激你嘅眼球呢!! 其實住咗兩年,換咗無數個碗碟晾乾架。 不過,好多時洗碗碟機洗完我冇執返入櫃.... 又或者手洗洗碗碟,晾幾日都唔收返入櫃.... 呢個空間,又要置物,又要準備食材真係睇見都好頭暈~~ 所以,我每次落廚都要將啲嘢搬來搬去,又或者屈就一下去切菜準備。 最近,疫情嚴重長時間留喺屋企。 見到呢個畫面,仲要經常煮飯... 終於令我的起心肝,去改變我嘅廚房環境!! 我喺淘寶買咗呢一款頂天立地嘅置物架,佢可以話合符我要求。 可以晾乾碗碟,可以置物 (包括調味料、刀架、帖板架、掛鈎) 佢有多個款式,有兩層款、三層款。 我比較貪心及需求大,所以我買咗三層款。 【  購買鏈結  】 關鍵字: 【 顶天立地置物架厨房窗户挂架碗碟沥水架伸缩免打孔收纳窗台水槽架】 我呢款三層有兩層大半格係可晾乾碗碟,底部仲有盛水盤。 旁邊有一個置物架,一家四口的我晾乾碗碟部份勉強夠用。 **P.S 賣家寄溜帖板架俾我..... T^T 添置咗呢個架之後,我每次煮飯都可以好輕鬆。 因為有空間,可以俾我切菜準備食材。 產品大概6 - 7KG重,嚟到需要自己組裝。 不過,非常容易,不成問題。 而每一層都可以按自己需要,而調整距離、高度。 另外,我仲添置咗煲蓋架。 因為我屋企廚房比較細,所以需要好多收納法寶幫自己整理好空間。 【  購買鏈結  】 關鍵字: 【  锅盖架不锈钢免打孔厨房锅盖收纳神器放炒锅盖架子橱柜下挂置物架   】 此煲蓋架嘅好處係,唔需要轉窿或打釘,都可以輕鬆設置。 S字形設計,只要配入櫥櫃底就可以了。 而家廚房空間多咗,整齊咗好多呢~ ========== ================== 記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.instagram.com/wagyubmami/ ==========================...

【食譜分享】飯後甜品 x 茶點。簡易氣炸沙翁

圖片
今次分享一個好簡易嘅食譜,當茶點或飯後甜品亦得。 就係沙翁啦,而灑喺面嘅砂糖或糖粉,亦可以自己控制落幾多。 材料 : 高筋麵粉  100 克 無鹽牛油  70 克 雞蛋  3 隻 水  150 毫升 做法 : 1.  雞蛋打發備用。 2. 無鹽牛油及水放入鍋開火煮溶,熄火。 3. 將高筋麵粉倒入 (2) ,拌勻至無粉粒。 4. 將雞蛋分 3 次倒入 (3) ,拌勻。   5.Pansonics Healthy Fry mode 預熱。 6. 用匙將 (4) 分成 6 個球,放入焗盆,焗 10 分鐘取出反轉再焗 9 分鐘。   7. 灑上適量砂糖或糖粉,即成!   ========== ================== 記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.instagram.com/wagyubmami/ ============================ 我的網店C.Mozo Store https://cmozostore.mallogram.com/zh-hk/

【食譜分享】小饅頭 x 小茶點 | 炸饅頭 (12m+食譜)

圖片
最近因為疫情嚴重,又再度停課了!! 減少外出,盡量留在家中。 小朋友除咗上網課之外,待在家中嘅父母就變得好忙。 不過,再忙我都好想做自己鍾意嘅嘢。 鍾意整嘢食嘅我,鍾意食嘢嘅和牛b同妹妹。 ^ 是日茶點「炸 饅頭」 所以,經歷多次石頭包、失敗的我。 我再次研究,如何成功自家製饅頭!! 其實整饅頭、麵包都好,最緊要就係麵團打得好 (有薄膜)、發酵至少發2次!! 說話不多,馬上分享饅頭食譜給大家~ **食譜適合12m以上幼兒,不過幼兒就唔好食炸饅頭,食住原味先啦~ 材料 : 1.  中筋麵粉  250g (如果冇的話高筋粉同低筋粉以1:1比例混合亦可以) 2.  砂糖  20g 3.  酵母  3g 4.  油  8g 5.  鮮奶  135ml 做法 : 1.  將( 1)-(4) 全部倒入廚師機,分數次加入鮮奶。 2.  用最低速打 5 分鐘,再用速度 2 打 5 分鐘,檢查麵團是否唔黏,能拉薄膜。如果仲黏,且未能拉薄膜,需再用廚師機打麵團。 3.  麵團打好後,放室溫發酵, 30 分鐘。 ( 如天氣凍,我係放入 Panasonics  蒸焗爐用發酵功能 ) ^ 已發酵一次的麵團 4.  將麵團切成你想要的件數,搓好饅頭,再次發酵 30 分鐘。 ^ 搓好形狀,待第2次發酵的麵團 ^ 已完成第2次發酵 5.  我用 Panasonics 蒸焗爐,以 High Steam  功能蒸 25 分鐘。 如果氣炸的話,先取出饅頭。 再選 Panasonics 蒸焗爐 嘅 Health Fry 功能,預熱後放入去炸 5-7 分鐘,或氣炸鍋炸,就完成! ========== ================== 記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.instagram.com/wagyubmami/ ============================ 我的網店C.Mozo Store https://cmozostore.mal...