和牛B 的成長日記

唔知大家平日夜晚有冇坐定定追睇「愛。回家」呢？ 我就每日都準時入座收睇，因為返咗一日工好攰，睇「愛。回家」真係好放鬆。 而最近「愛。回家」入面嘅龍力王Terry（ 演員李偉健），仲幫 荃灣千色匯設計咗一系列同新年有關嘅人物同主題，名為 「新春愛家。緣」。 唔講唔知原來 Terry（ 演員李偉健），除咗喺演員之外仲係漫畫家嚟。 今次「新春愛家。緣」嘅主題係打造出唔同嘅電視台拍攝場景、360照相館，仲有新春限定嘅週末工作坊，整咗一個獨一無二嘅揮春。而荃灣千色匯有3大必到影相位； 巨型公仔箱拍出全家【撈喜】360˚照片  位於荃灣千色匯一期1樓Starbucks對出，有一個 2.2米高嘅巨型電視機裝置內與李偉健一家四口「撈起」及食團年飯。 和牛B見到台上啲食物，都展現出佢為食嘅一面呀~ 影完大概1分鐘，相片馬上就曬咗出嚟。 如果Scan 埋QR code，仲可以將360嘅相上傳到社交平台添呀。 賀年全家【撈喜】360照相館  日期： 2019年2月2、3、7、9、10、16及17日 (年初三、星期六及日)  只要以電子貨幣即日消費 (即信用卡、易辦事、八達通、支付寶、Visa payWave、Apple Pay或Android Pay)滿港幣$100或以上，憑一張商戶發出的即日電子機印發票，連同相符的正本電子貨幣顧客付款存根，即可換領賀年360全家【撈喜】照相館門券，享用360˚照相機拍攝服務，即時打印照片及將照片上載至社交媒體，與親友分享節日的歡樂時光。 時間：10:00am–10:00pm  賀年廠景現場 及 舞獅打卡熱點 呢到仲有模仿電視台拍攝煮食節目「食得好」現場，你都可以扮主播呀~ 旁邊仲有導演櫈 亦唔少得 新年常見嘅舞獅 ~ 父女檔一齊扮醒獅~~ 「DIY 漫畫揮春設計」週末工作坊   早前我哋去咗千色匯到玩DIY漫畫揮春設計，新年同聖誕我一樣都好著重。有得DIY揮春，梗係想俾和牛B落手落腳去玩去創作啦。 工作坊已提供所有用具、材料。 當日有2位導師即場教我哋整，我哋揀咗「如珠如寶」作為我哋嘅揮春字句。 再依照導師嘅樣品去繪畫填色，最後就係裝飾自己嘅揮春。 獨一無二嘅DIY漫畫揮春話咁快就完成咗，和牛B仲好有滿足感。 換領日期︰1月18日至2月16日 換領時間︰10:00am–10:00pm 換領地點︰荃灣千色匯 I（1樓禮賓部）  以電子貨幣即日消費滿港幣$

悠閒嘅假日，今次我哋去咗元朗區好特式嘅好去處。 全部嘅商舖都係由貨櫃堆砌而成，雖然係貨櫃組成。 但環境一樣好Trendy，好似去咗韓國咁，有好多影相呃Like位。   臨近新年，場內仲掛上紅燈籠，擺放咗巨型嘅大風車陣，仲有舞獅公仔俾大家影相留念。 呢到唔算好大，但係我覺得呢到有好多香港特式嘢、適合放狗、小朋友放電。  因為入面有Play House波波池、攤位遊戲、手作市集、特式攤位、仲有2間食店同士多。  新年熱鬧嘅舞獅，可以隨便拍照留念。 超巨型風車 必影影相靚位 《去嗰到》攤位遊戲、手作市集商店。 入面有簡單嘅攤位遊戲，撈鴨仔、掟彩虹、射擊遊戲等。  射擊遊戲 撈鴨仔遊戲 掟彩虹 日式抽獎遊戲 仲有好多特式嘅市集攤檔 手作日系口水肩 香港傳統嘅花牌工藝，亦有手工藝品出售。 買嚟送俾朋友，真係夠晒特別同夠晒體面!! 仲有夠晒創意嘅舞有揮春 呢到仲有小朋友最愛嘅波波池，「盈樂園 R-Play House」 特式嘅種子池 波波池、滑梯組 仲布夾公仔機，以及鞋櫃。 入場費 亦有賀年相關嘅用品、揮春。 亦有士多。 場內設施，除了男、女洗身間外，亦設有育嬰室。 離開 盈匯坊，向錦上路西鐵就可以到達元朗錦上路跳蚤市場。 跳蚤市場乜都有得買，糧油雜貨、玩具、精品、手工藝品乜都有。 而呢到最吸引小朋友嘅，絕對係呢間有好多遊戲玩嘅檔口啦~ 前往盈匯坊方法： 西鐵錦上路B出口，沿天橋直行，過咗天橋繼續向前行， 盈匯坊喺左手邊。 【盈匯坊＠元朗錦上路】  地址 : 元朗錦上路盈匯坊 (錦上路站B出口)  -------------------------------------------------- 歡迎聯絡我&和牛B:  chungying56@hotmail.com F acebook 專頁 :  和牛 B 嘅成長專頁 I nstagram :  wagyubmami                         -------------------------------------------------- 姊妹合作**Precious M accessories** 利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。