文章

顯示從 11月, 2018 起發佈的文章

【兔迷必到】比得兔雪國聖誕村。參觀英倫風大宅/免費寄聖誕卡

圖片
曾經係兔奴嘅我,又點會唔鍾意Peter Rabbit呢?  今年聖誕Peter Rabbit好溫韾咁來到將軍澳中心同大家過聖誕, 溫馨大宅仲會展出唔少手稿複印本及珍藏,仲有英倫風郵局可以免費寄聖誕卡。 場內一共有5大個影相靚位,啱晒Peter Rabbit迷盡情影相打卡。 Peter Rabbit溫韾大宅 Peter Rabbit故事入面嘅溫韾大宅搬到嚟將軍澳中心,巨型紅蘿蔔餐椅及英式餐桌,旁邊仲有巨型繪本。 Peter Rabbit回憶展廊 大宅放滿了Peter Rabbit嘅家族回憶。仲有作者Beatrix Potter的手稿畫作及複印版。 Peter Rabbit 珍藏展品 Peter Rabbit 聖誕期間限定郵局 郵局內仲有提供免費嘅Peter Rabbit印章, 只要到將軍澳中心VIP Club會員專櫃,即可獲取Peter Rabbit聖誕卡一張。 喺聖誕卡上填寫正確地址,投入郵局旁的郵筒,更可免費投寄。 每日數量有限,送完即止。 Peter Rabbit 期間限定店 作為Peter Rabbit迷,千祈唔可以錯過限定商品店。 真係超奴多、超級齊Peter Rabbit嘅精品呀!! 超罕見嘅Peter Rabbit結婚公仔 較新嘅Peter Rabbit手挽袋 Peter Rabbit餐具餐盤 Peter Rabbit 廚房用品 Peter Rabbit 免費閱書天地 可以免費重溫經典Peter Rabbit故事23冊, 每逢星期六、日仲有故事姐姐為小朋友講故事。 日期:12月15、16、22、23、29、30日 時間:4-6pm 地址: 將軍澳中心G/F中庭 (近Jurlique)  VIP會員獨享Peter Rabbit 限定禮品 VIP會員憑指定積分即可換領Peter Rabbit瓷器碟乙隻或 瓷器飯碗乙個或玻璃微波爐盒乙個。 【比得兔雪國聖誕村 @將軍澳中心】 開放日期 2018年11月20日 - 2019年1月1日 地點 將軍澳中心G/F中庭 (近Jurlique)  開放時間10am-10pm -------------------------------------------------- 歡迎聯絡我&和牛B:  chungying56@hotmail.com F acebook 專頁 :  和牛 B 嘅成長專頁 I nstagr

【叮噹迷必到】終於可以見到隨意門啦!!「多啦A夢秘密道具研究所」@奧海城

圖片
「多啦A夢」(叮噹)係陪住我長大嘅卡通片之一,多啦A夢有好多法寶,咁有邊樣又係你最想要嘅呢?? 隨意門、時光機都係我最想要嘅嘢。 由2018年11月20日,奧海城將會率開放「 研究所實驗室」(拍照區)及「 多啦A夢未來百貨公司 」(精品購買區)。而11月24日隆重開放「 秘密道具測試站」(遊戲區)俾一眾粉絲去玩。 所以鍾意多啦A夢嘅你,千祈唔好錯過! 「 研究所實驗室」(拍照區) 有大家好熟悉嘅大雄房間,最記得就係跳入櫃桶就可以坐時光機啦~ 同 多啦A夢一齊 坐時光機~你想返去幾時呀??  多啦A夢嘅隱形斗篷,你又想唔想要呢?? 呢到仲有聖誕必影靚位~ 如果想玩 「 秘密道具測試站」, 大家只要喺商場內,以即日電子消費滿$500或以上,或以Olympian Kids 300積分,即可換領研究所「萬事通行證」一張,參與研究所嘅遊戲。 隨意門測試站 我哋用隨意門到底會去咗邊到呢? 我哋去咗落梗雪嘅歐洲呀~~ 而每節時段都會有唔同主題唔同地方~ 仲有「動畫噴霧測試站」,參加者可在電腦上揀選鍾意嘅畫框,再填上喜歡嘅顏色及裝飾,限時內完成。作品就會顯示到屏幕上~ 每節只限4位參加者。 專心嘅和牛B~ 搵唔搵到自己嘅作品呀? 空氣炮測試站,呢個遊戲超得意好玩~ 要玩合參加者嘅反應速度同埋聲音去玩。 只要完成三項不同遊戲,即可以參加獎賞遊戲一次,仲有機會獲得多啦A夢秘密道具禮品一份。禮品數量有限,先到先得,送完即止。 我哋有3次機會,技術唔好~只係夾到一個獎品~哈哈~ 場內仲有多啦A夢嘅精品售賣機,仲有啲聖誕限定款~ 場內仲有經典情節入面嘅人物拍照區,成個商場都有多啦A夢,你哋又搵齊未?  【多啦A夢秘密道具研究所@奧海城】 秘密道具測試站 日期:2018年11月24日至12月23日 (逢星期六及日) & 2018年12月24日至2019年1月1日 時間:中午12時至晚上9時(截止參加時間為8:30pm) 地點:奧海城2期地下主題中庭商場即日電子消費滿HK$500或以上,或以Olympian Kids 300積分,即可換領研究所「萬事通行證」一張,參與研究所的測試項目。 研究所實驗室 日期:2018年11月20日至2019年1月1日 時間:中午12時至晚上9時 (截止參加時間為8:30pm) 地點:奧海城2期地下主題中庭設置多項秘密道具讓大家任影,定必成為聖誕打卡熱門地點