文章

顯示從 2月, 2019 起發佈的文章

【放電好去處】坪石兒童遊樂場《恐龍公園》。超大、超好玩、超放電

圖片
放假要四圍去玩已經成為咗我嘅習慣,今日我哋帶咗和牛B去九龍區嘅公園。 呢到其實我一直都好想帶和牛B嚟,但一直都唔到時間。 呢個公園,真係超好玩,係估唔到屋邨入面都會有咁大型嘅免費遊樂場。 我講梗嘅係位於彩虹嘅坪石兒童遊樂場 (主題:遠古恐龍時代)。 公園細分咗3個區域,而公園嘅走動空間都好大,玩樂設施亦都好足夠。 適合幼兒,亦適合5-12歲小童玩,而公園當然都設有男、女洗手間。 先嚟個熱身,呢區比較簡單,體力運用方面比較少,適合幼兒玩樂。 ^ 有兩組滑梯,而滑梯都唔係高身。 ^ 鍛鍊肌肉遊戲 ^ 從玩樂中學習 ^ 鍛鍊眼、腳協調遊戲,當然都需要膽量吧 ^ 可以一大班小朋友玩,亦適合親子遊玩嘅「搖搖船」 ^ 影相靚位 ^ 旋轉遊戲 來到第二個區,呢個絕對係重點玩樂區。 有種探險嘅感覺,因為恐龍有關嘅裝飾特別多,有仿恐龍化石、石洞,仲有城堡!! 城堡嘅遊戲適合幼兒及5-12歲小童玩樂,有力量型、挑戰膽量型嘅遊戲。 玩樂設施由上至下,由左至右都有,城堡仲有4組滑梯,有高、低、旋轉式亦有。 ^ 鍛練手、腳肌肉,手妥協調嘅繩網陣 ^ 衝城門啦~~ ^ 綠色恐龍旋轉滑梯 ^ 適合幼兒嘅滑梯組 ^ 挑戰自己、力量與膽量嘅滑梯組,只要爬上樓梯就會到達。 ^ 滑梯比較高身及窄身 ^ 城堡底層遊戲,角色扮演 ^ 城堡底層遊戲,鼓。 第二區另外一組較簡單嘅小城堡,適合幼兒玩樂。 ^ 活動空間超大 最後一個區域,韆鞦及幼兒區。 ^  韆鞦有四個,其中一個非常安全。 ^ 傳聲遊戲 ^ 幼兒玩樂區 稱得上為恐龍公園,公園內當然有唔少同恐龍有關嘅裝飾吧~ ^ 恐龍化石 ^ 石洞 ^ 珍珠~ ^ 七彩恐龍蛋 前往方法: 港鐵彩虹站步行約7分鐘(經坪石邨往山上走) 公園設有停車場; 星期一至五(公眾假期除外):$8/ 每小時 星期六、日及公眾假期:$9/每小時 【彩虹@坪石兒童遊樂場】 地址:九龍平山彩石里 開放時間:早上6時至晚上11時 -------------------------------------------------- 歡迎聯絡我&和牛B:  chungying56@hotmail.com F acebook 專頁 :  和牛 B 嘅成長專頁 I nstagram :  wagyubmami                         ----------------