和牛B 的成長日記

繼續都係在家解悶嘅玩意分享，今次同兩個寶貝女玩嘅係仿真雪。 材料都好容易買到，而且屋企亦有機會會有。 不過，當然唔可以同真雪比啦~ 我呢個仿真雪唔會融，亦唔會凍，所以唔怕凍傷小朋友雙手。 不過，幼兒玩樂嘅時候一定要睇實。 唔可以食，而且一個唔小心會一地都係嘅~ 材料:   1. 梳打粉及粟粉 1:1比例 (例: 100g : 100g) 2. 水...適量 做法:   1. 將梳打粉及粟粉倒在一個器皿中，沒有先後次序，混埋一齊就可以了。 2. 將水慢慢加入，每次加少少，再用手將粉及水混和至乾爽，不黏手，沒有粉塵即可。 放於手中，不黏手亦沒有粉塵即表示成功。 和牛B同妹妹都有唔同玩法，和牛B可以加入公仔作情景玩具。 而對於年幼嘅妹妹(2歲)，玩法有少少唔同。 可以教佢認知，即: 居住在雪地嘅動物，亦可以用字母圖案印於仿真雪上，學字母。 ^ 學字母 亦可以讓幼兒用雙手感受，感有唔同嘅質地。 起初妹妹有少少抗拒仿真雪嘅質感同埋覺得污糟，後來佢都好鍾意玩。 ^ 利用字母模具，印出字母 2020年出世嘅妹妹，一直在疫情嘅環境下生活。 冇太多機會參與外間舉辦嘅Playgroup... 唯有，自己諗諗辦法啦... 希望疫情快啲緩和，也希望大家身體健康、平平安安! 【在家抗疫生活】Messy Play。Painting 污糟貓 | 創意畫室 ========== ================== 記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.instagram.com/wagyubmami/ ============================ 我的網店C.Mozo Store https://cmozostore.mallogram.com/zh-hk/

雖然今日出面嘅天氣好好，但係因為疫情太嚴重，都唔敢出去玩... 唯有留喺屋企，發掘有咩好玩啦!!   前幾日執屋，我就執返一堆顔色出嚟 ‼️ 今次輪到你啦~~ 讓大家參考一下~~   不過我相信呢個玩意，冇幾多媽媽會敢玩... 因為好難控制，二嚟怕污糟!! 但大部份小朋友都鍾意嘅玩意 ‼️   因為佢哋可以自由發揮，而以我經驗佢哋最後通常連自己都畫埋嘅...   今次，我本身想佢哋打對面坐，將顏料畫喺膠面到。 如我所料，佢哋最後都係畫埋自己，仲變咗花臉貓! (哈) 不過，唔緊要啦沖涼就可以了!!   保鮮紙捆綁櫈腳，成為透明畫紙。   而今次我用嘅顔料係Crayola  嘅 washable    fingerprint  顔料，比較容易洗、清潔。 所以，清理時都比較方便。 如果小朋友比較細嘅話就要注意，小朋友有冇將顏料放入口。 又或者我建議使用食物顔料，詳細介紹大家可以參考我嘅   舊文章 。 擺好佈局，幫小朋友穿好圍裙、手袖就可以開始遊戲啦~ **如果怕地下污糟難清潔，同時可以舖地墊或膠台布。 一開始妹妹只係用手指沾顏色畫，有少少厭惡感，但之後都覺得很好玩~ 家姐最鍾意玩Messy Play，因為佢喜歡小破壞，沒有規限佢最鍾意！ 相信好多小朋友都唔鍾意被規限，對吧？ 自由、發揮佢想畫想做嘅事。 自己發掘唔同嘅玩法，玩完手掌就用返畫筆畫。 年幼嘅往往會模仿家姐嘅行為 今次一齊玩Messy Play，冇諗過會如此寧靜，兩姊妹好和平一齊玩，冇吵鬧。 而家和牛B亦好照顧妹妹 所以，妹妹都掌握到用畫筆「亂畫」技術 (哈)。 正經地畫咗一陣，佢哋開始出現人體彩繪 (哈)。 雖然好瘋狂，不過佢哋好開心!! 今日又係困獸鬥，但睇住佢哋咁有創意，先唔好理污糟，我鬧人時間都少咗呀~ 其實俾佢哋玩嘅空間唔多，準備嘅嘢亦唔算好多。 咁又玩咗一個鐘，都係放鬆一下大家嘅神經。 畫畫，亦可以放鬆心情。 ========== ================== 記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.instagram.com/wagyubmami

在職媽媽的我，日日要返工放工又要湊女... 生活真係超忙.... 屋企冇請鐘點整理屋企，再加上老公成日話我「冇啲手尾」... 所以，屋企經常都會一片混亂... 今次介紹返，呢個係我嘅廚房!! 係咪好震撼，好刺激你嘅眼球呢!! 其實住咗兩年，換咗無數個碗碟晾乾架。 不過，好多時洗碗碟機洗完我冇執返入櫃.... 又或者手洗洗碗碟，晾幾日都唔收返入櫃.... 呢個空間，又要置物，又要準備食材真係睇見都好頭暈~~ 所以，我每次落廚都要將啲嘢搬來搬去，又或者屈就一下去切菜準備。 最近，疫情嚴重長時間留喺屋企。 見到呢個畫面，仲要經常煮飯... 終於令我的起心肝，去改變我嘅廚房環境!! 我喺淘寶買咗呢一款頂天立地嘅置物架，佢可以話合符我要求。 可以晾乾碗碟，可以置物 (包括調味料、刀架、帖板架、掛鈎) 佢有多個款式，有兩層款、三層款。 我比較貪心及需求大，所以我買咗三層款。 【  購買鏈結  】 關鍵字: 【 顶天立地置物架厨房窗户挂架碗碟沥水架伸缩免打孔收纳窗台水槽架】 我呢款三層有兩層大半格係可晾乾碗碟，底部仲有盛水盤。 旁邊有一個置物架，一家四口的我晾乾碗碟部份勉強夠用。 **P.S 賣家寄溜帖板架俾我..... T^T 添置咗呢個架之後，我每次煮飯都可以好輕鬆。 因為有空間，可以俾我切菜準備食材。 產品大概6 - 7KG重，嚟到需要自己組裝。 不過，非常容易，不成問題。 而每一層都可以按自己需要，而調整距離、高度。 另外，我仲添置咗煲蓋架。 因為我屋企廚房比較細，所以需要好多收納法寶幫自己整理好空間。 【  購買鏈結  】 關鍵字: 【  锅盖架不锈钢免打孔厨房锅盖收纳神器放炒锅盖架子橱柜下挂置物架   】 此煲蓋架嘅好處係，唔需要轉窿或打釘，都可以輕鬆設置。 S字形設計，只要配入櫥櫃底就可以了。 而家廚房空間多咗，整齊咗好多呢~ ========== ================== 記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.instagram.com/wagyubmami/ ============================ 我的網店C.Mozo Store https://c

繼續都係疫情嚴重嘅生活.... 放假唔會帶小朋友四圍去，留喺屋企又可以做咩好呢? 和牛B有好動一面，亦有靜嘅一面。 佢好鍾意做手工、畫畫。 所以，我將封塵多年嘅手工材料櫃解封啦!! 今篇分享先同大家分享， 製作彩沙瓶 ，材料工具簡單。 材料: 透明玻璃瓶 (尺寸大小，隨個人喜歡) 鹽...適量  彩色粉筆 廢紙/ 摺紙 水晶膠/ 白膠漿 做法: 1. 首先利用廢紙 (剪成正方形) / 摺紙，摺出紙盒，方便盛載鹽及進行混色。 (摺紙盒步驟:  https://news.gamme.com.tw/1475217 ) 2. 將所需用之鹽，倒入紙盒中，利用彩色粉筆進行混色。 3. 利用廢紙卷成漏斗形，再將已混好顏色之彩沙(鹽)，倒入玻璃瓶裝飾。 4. 將不同色嘅彩沙拉 (鹽)，一層一層加上去，如果家裡有其他小物放入裝飾，仲更加精緻可愛。 5. 最後，於沙頂層加上水晶膠/ 白膠漿，以固定彩沙 (鹽)。 *如果冇水晶膠，可用白膠漿代替。 白膠漿於 乾透後，會變成透明色。 完成啦!! 和牛媽媽手工班 親子育兒 抗疫生活 抗疫日常 在家玩樂 在家興趣班 和牛B 簡單手工 ========== ================== 記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.instagram.com/wagyubmami/ ============================ 我的網店C.Mozo Store https://cmozostore.mallogram.com/zh-hk/