【放電好去處】兒童遊樂場、山坡滑梯、餵羊、爬蟲館、野餐 | 玩足1日
和牛B由細到大，放假嘅時候我哋都會帶佢出戶外玩。
所以佢都好鍾意去戶外玩，以及親親小動物同大自然。
最近再去以前和牛B細個有去過嘅農莊玩~~
大致上轉變唔太大，不過驚喜位多咗好多!!
我哋今次再去就係元朗區嘅448農莊，呢到有停車場。
所以，我哋駕車去都好方便。(文末有詳細地址及前往方法)
農莊嘅活動時間表，建議大家可以預先影低~
如果冇影低都唔緊要，因為活動前15分鐘，農莊職員就會用廣播通知大家去集合。
448農莊園區分佈都好多，所以以下我會分為遊樂、動物、打卡分類為大家詳細介紹。
一進入農莊，就有一片色彩繽紛嘅花海!!
絕對係一個好靚嘅打卡位呀!!
有一大片草場，草場上跑跳，農莊仲有提供三輪車、車仔遊玩等。
^ 超型嘅懷舊汽車車仔~
^ 啱晒佢哋兩姊妹玩嘅三輪車
^ 幼兒最愛嘅車仔
而我相信去到448農莊，必影嘅一定係呢架紅色退役巴士!
而呢架巴士，亦絕對係448農莊嘅Icon!!
除咗可以企前面影相打卡之外，仲可以走入巴士影相~
^ 扮揸巴士
^ 上層仲改裝成梳化同台
^ 農莊地圖
遊玩設施都多，呢到仲設有沙池區。
入面有提供玩沙工具~
仲有戶外嘅兒童遊樂場設施，都足夠小朋友放電呀~
設施亦適合幼兒遊玩~
仲有3間得意可愛嘅小朋友屋仔~
此外，仲有動力沙遊戲區。
有戶外兒童遊樂設施，呢到亦有有蓋兒童遊樂設施。
兩姊妹玩得超開心呀~
兒童遊樂設施旁，仲有一部鋼琴可以俾訪客彈奏一曲~
離開有蓋兒童遊樂設施區，再往山上走走~
呢到又有一間好有特式嘅屋仔~
妹妹二話不說，就衝咗入屋啦~
呢到一定要玩!! 就係呢條建於山坡嘅七彩長滑梯啦!!
超刺激!! 最初和牛B都不停話好驚唔玩，結果到我哋準備離開回家之際。
和牛B就話好想試下玩...
結果，玩完一次佢來回跑上山跑左3次!!
佢超級開心，仲超放電呀!
另外，仲有海盜船鞦韆!!
如果鍾意做小手工嘅小朋友，農莊入面亦有小手工(需額外付費)。
不得不提，去過多個農莊。
我今次都係第一次見，莊主會親力親為，同訪客一齊玩團體活動、仲有唱遊時段!!
大家都相當投入，而且小朋友完成任務仲有小禮物。
所以，和牛B都玩我好開心，好落力!!
親親小動物
來到了小動物部份，448農莊入面有好多動物。
而農莊每日嘅餵羊時間有兩節，如果想餵羊咩咩嘅話，就要留意當日時間表同集合地點啦~
飼料由職員派發，亦係免費。
農莊除咗有羊咩咩之外，仲有動物區，動物區有魚、兔仔、爬蟲館、雀鳥及小動物等。
而佢哋亦為每種動物，作出介紹。
例如品種名，特式、習性等都會列出。
令訪客都可以對該動物更了解!!
爬蟲館嘅生物，豹紋守宮都係近年好人氣嘅寵物!!
^ 豹紋守宮亦即係壁虎
呢到有4條變色龍!!
佢哋仲好活潑添呀!!
仲有唔同種類嘅龜。
^ 白色嘅球蟒 (蛇)
^ 泰加蜥，好大隻!!
戶外區仲有雀鳥、兔仔。
^ 以前我記得有2隻兔仔，不過而家得返一隻喺呢間屋仔。
^ 綠鬣蜥
另外，仲有一處有蓋嘅小動物館。
入面有天竺鼠及兔仔。
此外，戶外區仲有盾臂龜區。
而農莊亦設有餵飼盾臂龜時段，有興趣嘅訪客都可以參加餵龜活動。
飼料同樣係由農莊提供，免費的哦~
農莊其他設施
雖然呢個位係「山水洗手區」，但係都擺滿盤栽，真係好有心思!!
洗手間
打卡位~
場內有數多癲噹公仔~
老公見到馬上就位過去影相~(哈)
然後，妹妹轉眼就亂入咗 (哈)「爸爸，你做咩?」
呢個影相位，我都覺得好有心思!!!
呢個角度，企喺老爺車前影相，其實都好有外國風!!
^ 好靚嘅圖畫!!
走進小花園，有小矮人公仔，不過仲爭個白雪公主 (哈)
花園入面，都有一間玩具小屋~
野餐區
呢個區域我覺得好好，場地有加設有蓋蓬，讓訪客可以自攜野餐墊或於場內租借。
玩攰咗，都可以喺呢到休息，食少少嘢抖下。
近入口處有少量食物出售，有杯麵、薯片、汽水。
如果想玩足一日的話，還是建議自己為小朋友準備食物。
小食亭/ 服務中心
親親大自然
今日嚟到和牛B仲發現到草地上呢一條毛毛蟲!!
我都係第一次見呢個款式嘅毛毛蟲，真係一個唔錯嘅體驗同經歷!!
一齊感受大自然嘅美妙!!
448農莊入面有好多花，所以蝴蝶都好多!!
玩完之後如果要搭車離開嘅話，農莊亦有提供Call的士嘅電話~ (好貼心呢~)
前往方法:
駕車:
可以駛至元朗體育路去到欖口村路，再轉入欖堤東路盡頭就到448農莊
GPS: 尋找、欖堤東路
轉乘的士:
上車時可以同司機講 「欖口村，欖提東路一直入到盡頭」
開放時間:
星期三至日: 9:30am. - 5:30pm. (逢星期一、二休息)
收費:
周未假日: $100/人 （曾來過的舊客$80） （三歲以下免費、團體除外）
平日: $50/人 （假期除外）三歲以下免費
預約查詢請WhatsApp 6684-1448，周末假日因有人數限制，請預約優先入場
**2022年1月1日將會有新收費**
**溫韾提示**
疫情關係，記得戴好口罩，記得勤洗手。
勿摸眼、口、鼻。
郊外戶外活動，記得做好防蚊措施，搽/噴防蚊水，
【448農莊@元朗】
地址: 元朗欖口村欖堤東路
============================
記得Follow埋我哋Facebook、MeWe同Instagram呀
https://www.facebook.com/80smami
https://mewe.com/p/和牛b的成長日記
http://www.instagram.com/wagyubmami/
============================
我的網店C.Mozo Store
https://cmozostore.mallogram.com/zh-hk/
留言
發佈留言