和牛B 的成長日記

最近爸爸上網睇到介紹，有間以鏟泥遙控車做主題嘅cafe，可以一嘗地盤佬咁話。 不過，個人覺得呢到唔可以話係Cafe，當日到店店內只有提供紙包/樽裝飲品及玩遙控車嘅遊戲店。有啲似機舖咁，但就純玩鏟泥遙控車。 場地設計：沙池+鏟泥車=童心大爆發 沙地地盤場景真係超吸引，一睇到入面有十幾部細細部嘅鏟泥車，就好想落場試下玩嘅衝動! 可能係童年冇得玩呢啲，而家終於有機會一嘗做地盤佬嘅心願!  沙池唔係普通沙咁簡單，入面仲有幾隻色嘅金幣散落其中。喺限時內用遙控鏟泥車將金幣掘出，集齊唔同顏色就可以換禮物，成個過程都好刺激又有挑戰性。 ^ 禮物櫃 我本身對遙控車冇乜經驗，但店員好有耐性，佢會逐步教我哋點操作。教識後，先開始計時玩。由起初嘗試控制方向，到後來成功掘出第一枚金幣，成個過程都令人好有滿足感!  最開心係可以同小朋友一齊挑戰，睇下邊個掘得最多！ 收費方面: (確實收費請參考英雄傳官方IG) 星期一至四:  一人一車$60/30分鐘 (包1份飲品) 一人一車$110/1小時 (包1份飲品) 學生優惠: 一人一車$90/1小時 (頭30分鐘$60/30分鐘，之後30分鐘半價，包1份飲品) 一家三口$180/1小時（ 包3份飲品)及2車 *注: 一家三口可加$50一部兒童車 (最新升級遙控) *先租先得，場內只有2部! 星期五、六、日及公眾假期: 一人一車$80/30分鐘 (包1份飲品) 一家三口$180/30分鐘 (包3份飲品)及2車 *注: 一家三口可加$50一部兒童車 (最新升級遙控) *先租先得，場內只有2部! 店內提供的飲品，要有飲品券先可以換領~ 【 英雄傳 】 地址: 九龍長沙灣深水埗元州街152號 營業時間:  星期一至星期四: 中午12:00至晚上10:30 星期五/六/日/公眾假期: 中午12:00至晚上11:30 https://www.instagram.com/heroes.sandbox/ ----------------------------------------------------- 我哋發掘最新、至好玩嘅好去處呀。 https://www.facebook.com/ 80smami/ http://www.instagram.com/ wagyubmami/ https://www.youtube.c...

西沙GO PARK喺今年年初已經正式開幕， 我哋終於有時間過嚟行下街玩下啦~~ 係一個集安全、創意同放電於一身嘅親子好去處，尤其係佢嘅三大免費兒童遊樂區，真係值得一讚!!  當日仲好好彩，見到雨後彩虹呀! 西沙GO PARK三大免費兒童遊樂區，總面積超過4萬平方呎，設施分佈喺地面同二樓，設計針對唔同年齡層： 1. 歷奇天地（地面）    - 主題：森林歷險    - 設施：7條滑梯、5.4米高旋轉滑梯、親子鞦韆、攀爬架、彈跳床、噴水裝置    - 特點：空間感十足，設有遮蔭座椅，家長可以輕鬆睇住小朋友玩 2. 晴空公園（2樓）    - 主題：觀景＋滑梯    - 設施：5.5米高長滑梯連觀景台    - 特點：可以俯瞰整個園區，風景靚，打卡一流 3. 兒童遊樂場（2樓）    - 主題：可愛小熊    - 設施：滑梯、繩網    - 特點：適合年紀較細嘅小朋友，設計安全又吸引 好玩之處 - 設施新淨、設計有創意，小朋友玩得開心，家長又放心 - 免費入場，無需預約，彈性高 - 設有遮蔭位、躺椅、飲水機，照顧到家長需要 - 鄰近有餐廳、咖啡店，玩完即刻醫肚 交通方式一覽 雖然位置喺馬鞍山西沙海映路，但交通其實幾方便： - 港鐵大學站出發 ：搭九巴287（循環線）或城巴582或搭小巴807K直達海映路 - 港鐵烏溪沙站出發 ：搭城巴581或小巴807K - 自駕 ：沿西沙路轉入海映路，場內設有停車場，消費滿$200可享1小時免費泊車 - 的士 ：直接講「西沙GO PARK，海映路9號」即可 【西沙GO PARK】 地址 ：馬鞍山海映路9號 開放時間 ：每日10:00–22:00 ----------------------------------------------------- 我哋發掘最新、至好玩嘅好去處呀。 https://www.facebook.com/ 80smami/ http://www.instagram.com/ wagyubmami/ https://www.youtube.com/@ Wagyubmami/

今次一行人十人北上遊玩，玩到夜咗.. 想食火鍋，但間間都等位...見《芸山季》直入唔洗等，我哋就去試試佢。 由於我哋人多，餐廳就安排咗廂房俾我哋。 今次第一次食，原來第一煲嘅野菌雞湯，店員都建議我哋先飲用一碗!! 原來湯底係用咗18種雲南名貴野生菌及走地雞熬製，熬出嚟的湯，真係好香菌味，仲可以吃到大片嘅牛肝菌! 如果本身都鍾意食菇菌類，都係一個唔錯選擇。 湯底超濃郁，真心正!!! 除咗火鍋料之外，仲有小食、串燒可以點。 串燒真心正，encore咗2次!! 炸鮮奶，都唔錯，新鮮熱辣辣。 小酥肉，都一樣係好好食，同樣encore咗~~ 牛選擇唔算多，個人覺得牛肉唔算好靚，一般。 仲有嫩雞肉，唔錯。 紫菜腐皮卷，脆卜卜，浸一下火鍋湯即食! 正呀! 整體嚟講, 都唔錯。 《芸山季》 - 皇庭廣場店：深圳福田區福華三路118號皇庭廣場2層2號 - 寶能環球匯店：深圳羅湖區寶安北路寶能環球匯5層5004-5005號 - 星河WORLD COCO Park店：深圳龍崗區梅坂大道星河WORLD COCO Park L4C 023A室 - 歡樂港灣店：深圳寶安區海府路歡樂港灣東岸3樓L3-006室 - 海雅繽紛城店：深圳寶安區寶民一路海雅繽紛城5樓L510-8號 - 仁恆夢中心店：深圳龍崗區愉龍路仁恆夢中心L1層W02商鋪 ----------------------------------------------------- 我哋發掘最新、至好玩嘅好去處呀。 https://www.facebook.com/ 80smami/ http://www.instagram.com/ wagyubmami/ https://www.youtube.com/@ Wagyubmami/

深圳景點其實都算多，今次我哋用一日時間去環遊世界!  講梗係去咗深圳著名景點「深圳世界之窗」呀!! 大人細路都好開心，因為好多地方影相打卡，仲有機動遊戲玩!  兩個女第一次環遊世界，仲可以見識到迷你版世界各地景點 ! 如:  法國巴黎鐵塔、 印度泰姬陵、埃及金字塔、意大利比薩斜塔等。 但係千祈唔好以為行程只有微縮版世界名勝打卡景點，其實場內仲有好多適合親子、情侶嘅設施。如: 兒童遊樂場、機動遊戲 (旋轉咖啡杯、激流衝浪、過山車、碰碰車等)、觀光小火車、觀光吊車、巡遊表演、阿爾卑斯冰雪世界等。 深圳世界之窗佔地48萬平方米，場內分為8大區域，包括: 世界廣場、亞洲區、美洲區、非洲區、大洋洲區、歐洲區、雕塑園及國際區，總共超過130個景點及遊樂設施！ 其實一日有少少走馬看花，真心推薦，不過四月天氣已經開始熱。 但仍有計劃前往，最緊要記得帶風扇仔、遮、帽，搽防曬及蚊怕水。 另外，園區入面仲設有中大型玩水設施「恐龍水上世界」(暫時未開放)，所以再熱啲入嚟玩，係可以玩埋水。 *記得帶備毛巾、替換衣物呀 剛才都有提及，場內設有兒童遊樂場、機動遊戲 (旋轉咖啡杯、激流衝浪、過山車、碰碰車等)、觀光小火車、觀光吊車、巡遊表演、 阿爾卑斯冰雪世界 等。 ^ 巡遊表演 當中機動遊戲，有部份是免費有部份是需額外付費。 機動遊戲、玩樂設施:  空中花園遊覽車 ── 360度俯瞰歐洲區景色 必玩項目之一，可以從高空欣賞園區內部份景點。 斯巴達勇士訓練營 (兒童遊樂場, 公園) 此區遊玩設施都多，都超級放電! 追夢樂園 (旋轉木馬) 穿越歐羅巴 (觀光小火車) 沿路軌穿梳景區，遊覽風景，每節大概10-15分鐘。 暹羆小飛象 (旋轉咖啡杯) 米開朗琪羅奇遇 (乘車射槍遊戲)  入面場景以童話故事為主，都係好童趣可愛~ 碰碰車 (付費) 水上單車 (有腳踏船或電動款可選，付費項目) 阿爾卑斯冰雪世界 (額外付費項目) 除以上遊戲之外，仲有超刺淘激流大峽谷(14米高空俯衝)，刺激之餘一定濕身，及 馬丘比丘迷城合家歡過山車等。 深圳世界之窗係位於深圳南山區華僑城，由香港出發而家都有幾個方法前往。 只要搭乘深圳地鐵，都能馬上直達，非常方便! 1. 港鐵羅湖站，過關後轉乘深圳地鐵1號線，於「世界之窗」站下車，J出口一出就係世界之窗正門口。 2. 港鐵落馬洲站...