【戶外好去處】偽姆明屋 x 放電 x 維港癲噹開心村 x 玩在荃灣海濱
最近假日都會嚟到荃灣區，荃灣有咩好玩?
除咗好多商場外，其實亦有唔少好去處。
唔想行商場的話，好天氣嘅時候可以進行戶外活動。
有兒童遊樂場、打卡景點樣樣有齊。
落雨的話有商場，仲有免費兒童遊戲室。
今次分享嘅地點係「荃灣海濱公園」。
1) 打卡: 偽姆明屋、吊橋、瀑布
高塔仲可以行上去睇風景
高塔開放時間: 7am. - 6pm.
眺望公園風景
^ 吊橋
^ 有瀑布、池塘。
而成個荃灣海濱公園，入面有好多兒童遊樂設施。
2) 維港癲噹開心村
「維港癲噹開心村」嘅影相打卡位，分佈於整個荃灣海濱公園入面。
如果想影晒，可以由頭行到尾哦~
我分享嘅，係其中一段路嘅打卡位。
3) 荃灣體育館
天氣熱或者下雨天都可以考慮，去「荃灣體育館」嘅室內兒童遊戲室。
*留意*
遊戲室設有人數上限及遊戲時段，但疫情期間或設有相應措施及人流管制等。
出發前，建議先詳細了解哦。
--------------------------------------------------
留言
發佈留言