【親子好去處】暑假必玩! 長隆野生動物世界遊玩攻略
第一篇都有提及經kkday買嘅62折優惠住宿套票，係包咗幾個樂園嘅門票。行程緊密又豐富，但係嚟到廣州長隆，就一定要到長隆野生動物世界，酒店仲有免費穿梭巴士可以直達園區南門入口，非常方便呀。
重點分享! 來到長隆野生動物世界一定要坐佢哋嘅空中纜車以及特色小火車。纜車有2個站，一個站喺天鵝湖落，落車可以去搭小火車。另一個站就係圍繞樂園一圈，喺起點落車。
讓大家參考一下，我哋當日大概上午9:45入場，入場後馬上到纜車站 (纜車開放時間10am-5pm)。我哋於天鵝湖站落車，再去搭小火車。
纜車一卡建議坐6人，如果好似我哋一家四口圍例，就會有機會同其他人一齊坐。纜車從高空俯視整個動物世界，沿途都有好風景呀~ 如果圍繞一圈的話，仲可以經過野生動物園區。
小火車係會進入野生動物園區，以大規模野生動物種群放養為特色。入面有袋鼠、白虎、馬來膜、斑馬、長頸鹿、駱駝、白犀牛、黑熊、劍羚、亞洲象、角馬、駝羊、羊駝等。如果係港車北上，仲可以付費自駕車入去。
動物園除咗可以睇動物之外，仲可以購買飼料餵佢哋食嘢。
必餵長頸鹿!! (飼料RMB 50/份)
第一次咁樣睇河馬，好多魚仔圍住河馬pat pat~
場內動物品種真係超多，近500種珍奇動物，包括大熊貓、考拉(樹熊)、老虎、白老虎、川金絲猴、長鼻猴、阿拉伯狒狒、天鵝湖、黑蜘蛛猴、白頰長臂猿、黑猩猩、火烈鳥、細尾獴、長頸鹿、亞洲象、金牛岭等等，實在不能盡錄呀!!
估唔到動物園入面仲有機動遊戲玩，妹妹超開心呀!
仲有唔同嘅角色人物，同遊客影相留念。
平時比較少見到嘅樹熊
仲有科莫多龍區!!
位於百老山就有超過150隻白老虎，佔全世界過半數的數量都在長隆，遊客仲可以觀看白虎跳水、遊水的過程。
鍾意恐龍的話，一定要行呀~
如果小朋友驚的話，最尾有霸王龍真係會超驚! 因為都好逼真㗎，環境配上霸王龍哮叫聲，真係會好驚!
沿路會間中有恐龍哮叫聲，以及有裝置能動的恐龍擺設。
霸王龍區，真係超逼真㗎!!
動物寶寶區，入面有好多仲係幼兒階段嘅動物。
工作人員正在教導猩猩BB學爬樹，覓食。
第一次喺以呢個方式睇馬騮仔~好可愛嘅小手同小腳板呀!
園區入面，都有好幾個科普節目，呢個主要係介紹大象。
玩到冇晒電嘅妹妹。
園內有好多小商店、餐廳、小食亭。
所以絕對放心，玩一天絕對不成問題。
長隆野生動物世界地圖:
▼如果經kkday預訂入住長隆熊貓酒店低至62折，包入場券▼
https://www.kkday.com/zh-hk/product/157857?cid=14923
前往長隆方法:
直通巴士: 有15個上車地點選擇，都方便，車程大概3小時 (視乎出發地點)。
(太子砵蘭街、尖沙咀海港城、大圍、沙田、荃灣德海街、將軍澳健明邨、將軍澳東港城、油塘大本型、牛頭角下邨、觀塘馬蹄徑、黃大仙中心、上環信德中心、灣仔史釗域道、銅鑼灣時代廣場)
車費及乘車時間: https://www.kkday.com/zh-hk/transportation/greater-bay-area?cid=14923
高鐵: 從香港港鐵柯士甸站出，轉乘高鐵至廣州南站車程大概1小時，另外打車大概20分鐘車程就會到達長隆度假區了。
*高鐵價錢要視乎係一等、二等以及時段，靚時間(即:繁忙時段)收費都會略為貴啲，但舒服方便，有洗手間)
u 住在長隆：長隆熊貓酒店
記得關注我哋，留意最新玩樂景點呀~
記得Like & Follow我哋Facebook同IG呀!
http://www.facebook.com/80smami/
http://www.instagram.com/wagyubmami/
https://www.youtube.com/@wagyubbmami/
留言
發佈留言