和牛B 的成長日記

某日去朋友屋企玩發現咗呢本好書 《媽媽上班的時候會想我嗎?》 ，和牛B聽過故事之後，佢就好鍾意呢本書，每晚都會叫我又或者牛爸講俾佢聽。 呢本書係韓國作者金永鎮嘅作品，睇完我真係好有共鳴、好感觸、好感慨。 我感慨嘅係，故事入面嘅媽媽都好似我一樣，會因為趕時間忽略咗和牛B嘅心情，令到和牛B唔開心之餘，自己又會感到好奈疚。每日都好想快啲做完工作，儘快放工返屋企見和牛B。 而故事入面嘅小女孩，亦因為媽媽唔了解自己心情而唔開心同時唔識得表達俾媽媽知，所以演變成扭計。 孩子一日一咁成長，係媽媽最大嘅滿足。媽媽亦係孩子最大嘅支柱，而孩子與媽媽，係彼此相互支持嘅力量。 而呢本書絕對係在職爸媽最好嘅親子共讀圖書，一來可讓小朋友知道其實爸媽返工嘅時候，好似故事書入面嘅媽媽一樣，會掛住小朋友，而作為父母就要多從小朋友角度去了解佢哋嘅心情。 香港公共圖書館都有得借o架，大家可以去借閱或者買返屋企收藏。 https://webcat.hkpl.gov.hk/lib/item?id=chamo:3414649&fromLocationLink=false&theme=WEB -------------------------------------------------- 歡迎聯絡我&和牛B:  chungying56@hotmail.com F acebook 專頁 :  和牛 B 嘅成長專頁 I nstagram :  wagyubmami                         -------------------------------------------------- 姊妹合作**Precious M accessories** 利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。

當我生咗和牛B之後，我部手機長期都係處於「靜音」狀態。部電話嘅鈴聲到底係點樣嘅呢? 我已經完全忘記咗，但行出街聽到有電話鈴聲就會馬上神經質，睇下係咪自己響。但，我部手機早已俾我毒啞咗，長期靜音mode。 身邊總有人會話我，成日打俾你都唔聽電話，通常鬧得最多o個個一定係我老公。 仲話「搵你救命就死得啦」。冇錯，叫救命嘅，你不如直接打999啦，咁會最好效率。 旁人一定唔會明點解我要教靜音，返工就話唔好騷擾到同事啫，平時都靜音部電話唔響有乜意思。但 作為一個媽媽，我最驚電話喺唔適當嘅時候響起。 做媽媽真係好忙，照顧初生o個陣根本冇停手，換片、餵奶、泵奶，到BB瞓咗覺都仲有家務要做，做完淨返落嚟嘅時間 先係媽媽嘅自由時間/ 休息時間。如果就喺呢個時候，手機響起，對一個媽媽嚟講揀直就係大懲罰。因為BB驚醒咗嘅話，又要唔知花幾多時間先可以成功哄睡/ 到下一輪睡覺時間。 所以由和牛B一出世之後，我就將部電話直接調教至靜音功能。 日子耐咗，我都習慣咗一部唔響嘅手機。 加上我頻密嘅影相習慣，就更加唔想影一張相響一下，有聲嘅話咁咪會俾人知，我瘋狂得好緊要?  -------------------------------------------------- 歡迎聯絡我&和牛B:  chungying56@hotmail.com Facebook 專頁 :  和牛 B 嘅成長專頁 I nstagram :  wagyubmami                         -------------------------------------------------- 姊妹合作**Precious M accessories** 利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。

產後兩年半有多，我如在職場上打拚。為的就是維持生活開支，亦不想讓老公一個人硬撐下去。 產後復工初期，非常不習慣要離開和牛B 10小時。10小時裡每分每秒都會掛住和牛B，但為免讓婆婆造成困擾，所以我在上班的時候都不會打電話或whatsapp追問最新狀況。 間中姨媽都會send最新狀況我看，例如和牛B的對話及相片、影片等。都能給予我不少工作的動力，讓我能好好地撐下去。 這兩年半以來，我一般都是下班才能見到和牛B數小時就回家了。 最近，和牛B的說話愈來愈多。這晚，因為我下班後去了排隊看醫生，所以比平時遲了大概1小時回家。她對我說「媽咪，我等咗你好啦，你睇咗醫生?」聽到呢一句話，好想拋開一切去擁抱她，亦不停在內心掙扎，不停問自己「點解我要返工?!」、「點解我要返工呀?!」。 現實生活改變不了，我唯有概嘆及在放工後、假日我多點抽時間陪伴她吧。 最常聽到朋友說的是，「慳啲咪一樣生活到，亦做到FTM囉」，但以香港物價來說，樣樣都是錢的時候，而最嚴重的絕對是屋租的問題。 各位在職媽媽，加油呀！ -------------------------------------------------- 歡迎聯絡我&和牛B:  chungying56@hotmail.com Facebook 專頁 :  和牛 B 嘅成長專頁 I nstagram :  wagyubmami                         -------------------------------------------------- 姊妹合作**Precious M accessories** 利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。