文章

顯示從 3月, 2022 起發佈的文章

【和牛B個妹。Login成長日記】幼兒散光、斜視問題 (二) | 香港眼科醫院

圖片
文分享過,我家妹妹到香港眼科醫院接受檢查及診斷嘅病情及流程。  [  上文重溫  ] 本篇係關於我哋第二次,再到香港眼科醫院跟進斜視問題。 我哋第二次嘅覆診期,非常快。 呢方面以公立醫院嚟講,我真係預料之外,感恩可以快啲幫妹妹治療!! 今次覆診,主要係到視覺 矯正部進行檢查。 而每次覆診記得提前15分鐘到達進行登記處及繳費,然後再到詢問處取排板。 今次,只需到同層 視覺 矯正部取籌號,輪候診症。 當日等候時間都長,我前面有3個籌號,我大概等咗1小時左右。 幸好,妹妹一直瞓晏覺。 到我哋嘅時候,佢已經養足精神啦~~ 入到去主要問返妹妹斜視情況, 1. 幾時發現 2. 生活習慣 3. 覺得係點樣先會出現斜視 然後,開始進行檢查。 測試眼睛斜視嘅問題,再解說及教我哋同妹妹做眼部運動。 不過,醫生同今次嘅 矯視師講嘅嘢有少少唔同... 佢話妹妹眼睛斜視唔係望遠嘢好明顯,望近嘢比較明顯... (剛剛相反) 而針對斜視做嘅眼部運動, 矯視師話並 唔係要強化眼內肌肉,而係要訓練妹妹眼睛識得平衡睇嘢。(醫生話強化眼內肌肉) 所以,我聽到有少少一頭霧水... 最後,都係先建議我同妹妹做下眼部運動。 同時矯視師話,妹妹及早發現只要勤做眼部運動,可以醫治到斜視嘅機會好高。 矯視師同時 唔建議妹妹戴眼鏡,除非有好差嘅近視、遠視就一定要戴啦。 而 矯視師亦話,佢哋唔會同妹妹驗眼。 再講出下個約期係,醫生會診症。 同時,亦唔排除醫生會要求妹妹一定要配鏡嘅可能。 另外,安排三個月後再同妹妹跟進斜視問題。 診金: 新症 $135 舊症 $80 【關於妹妹斜視問題文章】 第一篇:  幼兒眼睛問題「斜視」| 健康院轉介眼科醫院 第二篇:  幼兒散光、斜視問題「斜視」(一) 【和牛B個妹。Login成長日記】訓練BB獨立自己進食 【和牛B個妹。Login成長日記】疫情下的寶寶。戴口罩訓練 【和牛B個妹。Login成長日記】一至三個月大嬰兒發展 【和牛B個妹。Login成長日記】1歲半健康院檢查 【和牛B個妹。Login成長日記】技能解鎖 – 刷牙 【BB成長日記】二寶與大寶嘅成長分別 | BB大不同 【二寶媽媽】湊B心得。第二胎比第一胎照顧得更輕鬆 【BB成長日記】疫症下的QE新生嬰兒黃膽 | 私家醫院跟進服務公院收費 【二寶孕記】疫症下生BB,政府醫院生BB (QE) 陪產? 探病? ====

【和牛B個妹。Login成長日記】幼兒散光、斜視問題 | 香港眼科醫院

圖片
上文分享過,我家妹妹眼睛嘅問題。 [ 上文重溫 ] 我都係第一次嚟到眼科醫院,今次妹妹亦係新症。 所以我哋可以直接去到5號窗辦理手續,辦理手續須出示小朋友出世紙/身份證明文件、最近三個月住址證明(我用我嘅銀行信)、及醫生轉介信正本。 而今次去到眼科醫院跟進,診金為$135。 之後,職員就將「病歷紀錄冊」交俾我,入面夾好妹妹嘅醫生轉介信。 然後上到一樓,去診症室交低,等拎 牌版。 拎到牌板之後,就要落返去地下嘅視覺矯正部等候視光師嘅初步檢查。 檢查完,再將 病歷紀錄冊交返一樓診症室,之後再會見醫生。 就安排同妹妹滴放大瞳孔藥水,作進一步檢查。 妹妹都好叻女,因為前前後後加埋滴咗4次藥水... 佢都好叻女,雖然後尾有少少反抗,但最後佢都做得到! 不過,姑娘有提到小朋友咁細用呢啲藥水,或會出現下面嘅情況。 所以,叫我一定要留意住妹妹今日嘅情況!! 完成4次藥水,又需再到地下 視覺矯正部等候視光師嘅檢查。 今次視光師用一個節單儀器,就幫妹妹度到有冇近視、遠視同散光... 然後,視光師話妹妹散光都幾嚴重,有200度同250度...!! 小朋友有散光,係因為眼球形狀問題,所以呢個係天生... 之後,再來到醫生進一步檢查。 醫生檢查後,佢同我講一次散光問題,而醫生話散光係冇得根治。 只可以控制,所以妹妹都需要開始配戴眼鏡... 另外,妹妹亦診斷為有「間歇性外斜視」。 原來係妹妹眼部肌肉鬆弛,所以我哋由而家開始需要同佢做一啲眼部肌肉訓練遊戲。 醫生仲話...嚴重嘅話係需要做手術去治療!!! 配合妹妹嘅眼部(外斜視)情況,呢組眼部肌肉訓練遊戲其實好簡單。 大概一隻手臂距離開始,拎住小物件吸引小朋友。 要小朋友眼睛望實小物件,然後小物件慢慢移向小朋友眼睛前,令小朋友眼睛呈現「鬥雞」,保持5秒,就可以重新再嚟。 ^ 引導小朋友眼睛望實小物件 ^ 然後小物件慢慢移向小朋友眼睛前, 呈現「鬥雞」狀況。 最後,大家如果有留意到小朋友 睇嘢亦會瞇起眼、經常捽眼、側頭或者側頸。 小朋友或者有可能係視力上出現小問題,要及早就醫哦!! ^ 與斜視相關之資訊 ^ 與惰視眼相關之資訊 疫情期間要去醫院,其實我都好擔心... 但係,考慮到妹妹眼睛嘅問題。 我哋都唔想拖,希望儘早就醫。 去到醫院,儘量唔俾小朋友除口罩進食飲水。 同時間,等候時間亦比較長。 所以,建議如果小朋友仲可以用Hip Seat盡

【和牛B個妹。Login成長日記】幼兒眼睛問題「斜視」| 健康院轉介眼科醫院

圖片
  想當年和牛B細個嘅時候,我哋都有懷疑和牛B有斜視眼問題。 舊文重溫:  【幼兒健康】關於幼兒的斜視、鬥雞眼。健康院與眼科專科醫生 ^ 歲半嘅時候,健康嘅眼睛。 不過,當時只係我哋多心。 但作為家長,對小朋友健康有關嘅事,如有懷疑一定要係睇醫生,讓 醫生斷症。 而家眼睛問題又再次發生,就係兩歲嘅妹妹。 係3個月前,我哋發現妹妹眼睛有啲問題。 就係斜視問題,情況亦頻密咗。 所以,我都打算喺兩歲嘅時候返健康院覆診,跟進之前產生嘅小問題,再同姑娘講搵醫生跟進。 兩歲再去到健康院,流程跟平時一樣。 度高、磅重,等見姑娘。 姑娘都係望一望妹妹眼睛,問少少眼睛情況。 然後,就再出大堂等候見醫生。 ^ 妹妹眼睛間中也會出現的情況 醫生用電筒照下妹妹眼睛,冇特別講妹妹現時,情況同問題... 同時間,我自己就準備好相片俾醫生睇。 醫生望完相,就馬上話「我會寫封轉介信俾你去眼科醫院」。 最後,我收到轉介信就可以走了。 自己上網登記或親身登記亦得,而且非常方便! 我成功網上登記後,大概一星期左右就收到醫院電話通知約期。 ^ 下載「HA Go」登記。   ^ 網上登記後,會收到申請編號之SMS。 成功收到約期,就要記得當天必須帶齊最近三個月住址證明,小朋友出世紙/ 身份證明文件,醫生轉介信正本。 【和牛B個妹。Login成長日記】訓練BB獨立自己進食 【和牛B個妹。Login成長日記】疫情下的寶寶。戴口罩訓練 【和牛B個妹。Login成長日記】一至三個月大嬰兒發展 【和牛B個妹。Login成長日記】1歲半健康院檢查 【和牛B個妹。Login成長日記】技能解鎖 – 刷牙 【BB成長日記】二寶與大寶嘅成長分別 | BB大不同 【二寶媽媽】湊B心得。第二胎比第一胎照顧得更輕鬆 【BB成長日記】疫症下的QE新生嬰兒黃膽 | 私家醫院跟進服務公院收費 【二寶孕記】疫症下生BB,政府醫院生BB (QE) 陪產? 探病? ========== ================== 記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.instagram.com/wagyubmami/ ===========================

【食譜分享】是晚西餐 Pizza + Pizza Express 麵包球

圖片
冇堂食,唔想叫外賣。 因為好多時,出面嘅Pizza都比較濃味,小朋友選擇好少。 所以,今晚就同兩個女一齊做Pizza同埋Pizza Express出名嘅麵包球。 不過,我用P仔嘅蒸焗爐,所以焗得唔係太靚... 【厚批Pizza 食譜】 材料:  中筋麵粉 300g 雞蛋一隻 酵母 4g 砂糖 15 g 鹽 2g 水 150ml 油 15 g 做法:  1 .將 所有材料倒入廚師機  (水分數次加入 ),搓成光滑嘅麵團,然後室溫發酵 1小時 (約兩倍大)。 2. 取出排氣,再切割成需要嘅份數,搓圓後再鬆弛 10 分鐘 3 . 把麵團搓成所需大小,繼續靜置 20-30 分鐘 4. 塗上番茄醬,(如果想番茄味濃啲,可以搽厚啲)。再放 上你喜歡嘅食材,最後於表面上灑上芝士碎/ 芝士片 (因為剛巧嘅屋企嘅 Mozzarella 芝士碎用晒,所以只能用芝士片)。 ^ 特製俾妹妹嘅Pizza 5. 焗爐 200 度焗,約 15-18 分鐘。  (由於每部焗爐,或因焗爐之新舊或品牌熱力或會有分別,所以要注意會否焗燶。) 【Pizza Express 麵包球  食譜】 材料: 高筋粉 140g  牛奶 94g 糖 6g 鹽 2g 酵母 3g 做法: 1. 將所有材料放入廚師機 (牛奶分數次加入),搓成麵團, 然後室溫發酵 1小時 (約兩倍大)。 2. 拿出麵團排氣,分割成10小個,搓圓,蓋上保鮮紙,室溫發酵30分鐘。 3. 篩上高筋麵粉,放入已預熱焗爐,用180度焗10-15分鐘即成。  (由於每部焗爐,或因焗爐之新舊或品牌熱力或會有分別,所以要注意會否焗燶。) 至於醬料方面,我將牛油放軟再加入香草碎。 麵包球沾香草牛油醬,已經好惹味了~~ 我覺得自己整更健康之餘,其實小朋友都會好鍾意。 因為我屋企有個好鍾意食包類嘅妹妹,好埋為食嘅和牛B,製作期間妹妹都表現得超級好奇~ 我兩位小助手,非常幫得手~ ========== ================== 記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.instagram.com/wagyubmami/ ====================

【媽媽心聲】半夜自由、抖氣時間 | 訓練媽媽的意志力與毅力

圖片
老實講,媽媽都係人,會攰同埋有思想... 好多時媽媽嘅自由時間,就係BB嘅休息時間。 日間當BB休息瞓覺嘅時候,媽媽就要爭取時間做家務,如果快手快腳... BB又合作,媽媽或者會有短暫嘅小休時間。 如果BB唔合作,唔瞓覺/ 醒瞓,媽媽就會連小休時間都冇.... 夜晚嘅時候,如果BB合作好快瞓著。 媽媽就可以好輕鬆,走出房呼吸自由空氣。 但BB唔合作,超黏身/ 醒瞓... 媽媽往往都好需要力氣或堅強意志力,先可以起身享受自由時間... 有時,我好想等妹妹瞓咗就出能休息... 但妹妹好黏身,我少少動作佢都會醒... 在黑房陪瞓時間愈長,我嘅意志力愈來愈變得薄弱... 最後,還是一覺瞓天光... 我覺得每晚能夠撐到BB瞓咗,再落到床享受自由時間嘅媽媽。 其實真係好勁,意志力好堅定好強呢!! 因為日頭已經好忙碌,到夜晚明明超眼瞓超攰,但為咗自由時間,幾眼瞓都會撐落去!! 真心強!! ========== ================== 記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.instagram.com/wagyubmami/ ============================ 我的網店C.Mozo Store https://cmozostore.mallogram.com/zh-hk/