和牛B 的成長日記

疫情之下，大家好耐都冇得返鄉下旅行.... 最近D2 Place就將天台花園打造成日本風嘅打卡點，主題「初夏の祈願庭」。 成個天台都好日本，亦以淺藍色粉蝶花為主題。 呢到「打卡」同「求旅行感」真係一流呀!! 我哋當日係平日，送咗和牛B家姐返學之後，食完早餐就嚟到呢到。 朝早10時正開放， 所以冇咩人，影相都好靚呀!! 天台花園有七個打卡景點，將日本最出名嘅元素融入其中。 淺藍色打造嘅千鳥居 被粉蝶花海包圍嘅富士山及湖景 經修圖後，裁切過張相，效果更好呢!! 更有遊日嘅照片一樣~~ 日本兒童節必懸掛嘅鯉魚旗海 花園大道 祈願字句嘅LED御守牆 神社造型嘅打卡位 ^ 希望世界和平，全球疫情快啲受控，回復正常!! 淺藍色嘅花樹，企埋去影相真係超靚!! *搭升降機至14樓行樓梯再上，就會到達天台花園。 *溫韾提示* 疫情期間，記得戴好口罩，勤用消毒搓手液/ 潔手。 勿摸眼、口、鼻，記得保持適當社交距離。 「初夏の祈願庭」@D2 Place 日期： 2021年 5 月 4 日至 5 月 30 日  開放時間： 早上 10 時至下午 9 時 地點：九龍荔枝角 D2 Place 一期天台花園 ＜＜免費入場＞＞ * 逢星期六、日下午 1 時至 6 時設有免費派發 350 毫升支裝io n water 活動，數量有限，送完即止。 -------------------------------------------------- 歡迎聯絡我&和牛B:  chungying56@hotmail.com MeWe專頁:  https://mewe.com/p/和牛b的成長日記 F acebook 專頁 :  和牛 B 嘅成長專頁 I nstagram :  wagyubmami

前文都同大家分享過自從疫情後，我在家落廚嘅機會都多咗好多，其實都幾頭痛呢.... 後期，到和牛B都正式復課。 我哋讀嘅學校為咗安全起建，都取消了茶點時間。 因為咁我每日都希望和牛B食到飽飽先返學，希望佢唔會餓親。 來到今天，再跟大家分享第二週嘅早餐款式~ 同樣都係 以焗爐為主，可以話放晒入焗爐就可以行開做其他嘢~~ 唔洗睇火，咁麻煩~ 重溫第一週早餐提案 >> 馬上看 星期一: 士多啤梨窩夫 星期二: 一口蜜糖吐司 星期三: 原味(雲呢拿)Pancake卷 星期四: 芝士火腿方包卷 星期五: 蟹柳粟米蛋沙律方包塔 詳細做法已經寫好俾大家參考一下~ 星期一: 士多啤梨窩夫 材料: Pancake粉200g、雞蛋、水120ml、雲呢拿油(一瓶蓋 )、士多啤梨少量 做法:  1. 加入pancake粉、雞蛋、水及雲呢拿油拌勻至無粉粒。 2. 士多啤梨洗淨，切粒、切件備用。 3. 格仔餅機預熱，然後加入Pancake漿。 4. 數分鐘後就完成，再加上士多啤梨就可以食了。 星期二: 一口蜜糖吐司 材料: 方包一塊、蜜糖適量、朱古力漿 (裝飾用) 做法:  1. 將方包剪粒，再掃上蜜糖 2. 放入焗爐150 °C焗5分鐘 3. 取出後，砌好擺位再加上朱古力漿裝飾，完成。 星期三: 原味(雲呢拿)Pancake卷 材料:  Pancake粉200g、雞蛋、水120ml、雲呢拿油(一瓶蓋 )、藍莓少量、 朱古力漿 (裝飾用) 做法:  1.  加入pancake粉、雞蛋、水及雲呢拿油拌勻至無粉粒。 2.  藍莓 洗淨備用。 3. 長方形煎pan預熱，倒入適量pancake漿 (足夠覆蓋長方形煎pan)，待邊沿位置開始熟慢慢卷起pancake。 4. 最後加上朱古力漿、 藍莓作裝飾，完成。 星期四: 芝士火腿方包卷 材料: 火腿一塊、芝士一塊、方包一塊 做法:  1. 火腿煎熟備用 2.  將芝士、火腿放上方包上 4. 將方包捲成條狀，大力壓實，切成數件完成 星期五: 蟹柳粟米蛋沙律方包塔 材料: 蟹柳一條、粟米粒適量、雞蛋一隻、方包一塊、沙律醬適量 做法:  1. 將雞蛋烚至全熟，放涼剥殼，剪碎備用 2. 將蟹柳放入沸水，輕輕煮熟，放涼剪碎備用 3. 利用圓形曲模，為方包造型備用 3. 粟米加入蛋碎，再加入適量沙律醬拌勻，加入圓形方包片上 4. 粟米加入蟹柳碎， 再