文章

顯示從 9月, 2021 起發佈的文章

【主題餐廳】兒童遊樂區 x 雀鳥鸚鵡觀賞 | 香港區

圖片
好耐之前路經呢到,已經好想入去試。 不過當時又剛食飽...所以我哋只好將餐廳,列入我哋想去嘅餐廳清單入面。 幾年後我哋終於再嚟到呢區,今次就可以順便過嚟食個午餐。 餐廳係位於香港區柴灣嘅「薯仔屋電影餐廳」(Small Potato Movieland),餐廳旁邊仲有戲院Cinema City。 座位都有幾十張台,亦有梳化位,亦有BB櫈提供。 我哋揀咗窗邊位置,仲可以見到餐廳外嘅雀鳥、鸚鵡。 餐牌都有唔少選擇,仲有兒童餐。 兒童餐價錢都抵食,$58包埋飲品,兒童餐有兩個選擇。 餐廳入面仲有一個小小嘅兒童玩樂區角落。 呢個區真係唔大,大概只能容納2個小朋友。 所以,大家唔好抱住好大期望呀。 餐廳多人的話,相信真係要耐心等候哦。 入面有小廚房、玩具、圖書館免費睇。 ^ 廚房玩具 ^ 男孩最愛嘅工程玩具 ^ 圖書、繪本 進入遊戲區前,記得留意指引哦~ ^ 夾公仔機、彈波波贏雪糕遊戲(每局$2)。 餐廳入面仲有唔少電影人物、動畫電影人物嘅figure。 而餐廳外面仲有雀鳥、鸚鵡。 **注意** 不要嚇打或伸手摸 雀鳥、鸚鵡。 點餐方面,餐廳係自助形式。 落單需要親自到收銀處,同時餐廳只收現金哦。 我哋點咗2份餐,一份兒童餐。 ^ 小B餐 卡邦尼意粉、蜜汁芝士腸、西蘭花、芝士舖天薯條、飲品一杯及迷你雪糕 ^ 美國安格斯牛肉漢堡配薯條,除咗有安格斯牛肉,仲有煙肉、番茄。 ^  鐵板黑椒汁肉眼扒配薯菜 $88, 味道比較重味偏咸呢... 仲有以下嘅優惠;  <餐牌> 【薯仔屋電影餐廳 Small Potato Movieland 】 地址: 香港柴灣柴灣道333號永利中心地下J舖B單位 電話: 28827278 營業時間: 星期一至日: 10:30am. - 10pm. https://www.facebook.com/SmallPotatoMovieland http://www.smallpotatomovieland.com.hk/ ============================ 記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.instagram.com/wagyubmami/ ===

【食譜分享】可愛熊貓、熊仔造型曲奇 | 詳細影片教學

圖片
我同和牛B都鍾意食甜品,亦都鍾意一齊落廚。 今次,就同和牛B一齊整得意可愛嘅動物造型曲奇。 和牛B仲可以帶返學校做茶點,整嘅時候好落力。 焗好之後,都非常欣賞,好鍾意食。 食材: 低筋麵粉...140g 無鹽牛油...70g 糖霜........50g 蛋液........25g 朱古力粉...8g ^ 詳細影片做法 做法: 1. 無鹽牛油室溫放軟,加入糖霜拌勻。 2. 將蛋液、低筋麵粉過篩倒入(1)拌勻及搓成麵團。 3. 麵團分成小半 (所需之份量) 再加入朱古力粉搓勻。 4. 麵團放入雪櫃5分鐘。 5. 取出麵團進行造型,完成造型後,放入焗爐160 °C焗20-25分鐘。 6. 焗好後,取出曲奇放涼。 **溫韾提示** 每個焗爐或會有新/舊之影響爐溫,建議烘焗時不時留意曲奇變化,以免焗燶。 ============================ 記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.instagram.com/wagyubmami/ ============================ 我的網店C.Mozo Store https://cmozostore.mallogram.com/zh-hk/

【和牛B個妹。Login成長日記】一至三個月大嬰兒發展

圖片
孕期唔長唔短,仲記得陀B最辛苦一定係頭3個月。 轉眼BB就出世啦,父母們又要重新適應生活。 如果係新手爸媽,冇經驗真係會毫無頭緒唔知點算好!! 等我分享一下關於BB每個發展階段嘅小資料啦~~ BB一出世頭一至兩個月,通常都係食飽就瞓,瞓飽就食。 ^ 喊、換片、食奶 記得每次餵完奶,一定要掃風同埋留意瞓咗覺嘅BB有冇吐奶情況!! 到BB滿3個月大,佢哋慢慢會開始會有以下嘅能力。 活動方面:  佢哋開始可以流暢、自如地擺動身體及四肢,有時仲會用力咁伸直雙腳或者踢腿。 頸仔開始夠硬,可以趴。同時能夠抬起頭,仲會用前臂支撐身體。 扶BB坐起身嘅時,佢哋頸仔夠硬。 已經可以抬起頭,而且頭仔仲唔會晃嚟晃去。 開始將手放到嘴邊吸吮,食手或者食手指。 亦開始識放鬆手指,打開手掌,同時亦識抓住喺手旁嘅物件。 會用力擺動身體同手,去嘗試觸摸懸垂/身旁嘅物件。 視覺方面: BB會開始觀察四周圍嘅環境,會注視人嘅臉孔 (即係認人)。 能夠認出熟悉嘅人,視線亦會追隨熟悉嘅人而移動。 視線和頭部亦會追隨物件而左右轉動。 聽覺及語言方面:  頭部會隨聲音嘅方向轉動,鍾意聽 音樂。 聽到熟悉嘅聲音會笑,聽到媽媽嘅聲音會笑得更加開心。 開始模仿或發出某些聲音,如「咕咕」聲和「呀呀」聲。 社交溝通方面:    會以微笑與人溝通,特別係鍾意對住熟悉嘅人笑。 妹妹見到和牛B家姐通常都會笑得好開心,因為家姐好鍾意逗佢玩~ 仲會開始模仿照顧者嘅表情。 而且仲會用哭鬧、發出咕咕聲、同唔同嘅表情同身體語言去表達自己嘅情緒及需要。 佢哋開始喜歡同人玩,但當你停止嘅時候佢或者會覺得未玩夠,就會喊~ 而作為家長,BB係一張白紙。 亦只係剛剛嚟到世界3個月左右,所以對世界好陌生,亦需要有安全感。 其實父母多啲 安撫BB,佢哋就會有安全感。 同時都可以 培養佢對你嘅信任,從而建立自信。 之後就可以令佢能夠逐步離開我哋嘅懷抱去學習同埋探索,發展成一個獨立、有自信嘅人。 呢段嬰兒時期,對BB日後發展好重要。 建議多抱抱BB,同BB傾計、唱歌,同佢玩 不過以上資料都係俾大家參考一下,始終每個BB都唔同都係獨一無二。 所以發展速度、身體發育情況都唔同。 分享只係想俾大家知,大概發展情況會係咁樣。 讓新手父母可以大概了解到BB每個階段嘅情況及需要。 【和牛B個妹。Login成長日記】1歲半健康院檢查 【和牛B個妹。Login成長