和牛B 的成長日記

  相信每個小朋友都一定有最心愛嘅寶貝毛公仔，我哋都係。 妹妹之前喺精品店，遇上了一隻仿真度幾高嘅貓貓毛公仔。 佢超級鍾意，愛不釋手。 誰知精品店已經冇新貨，只剩下陳列品嘅貓貓公仔。 見到妹妹咁鍾意...我哋都照買咗返屋企。 由於貓貓公仔入面嘅物料，唔可以濕水，所以我哋就只能用消毒噴霧消毒。 但貓公仔嘅毛，就已經係一舊舊。 其實好唔值...不過妹妹真係太鍾意...我哋都照買咗啦。 妹妹當佢真貓一樣照顧，睇書、瞓覺、玩都會帶埋貓貓。 ^ 仲幫貓貓戴頭飾 ^ 每晚一定要攬住瞓覺~ 養寵物都要日日梳毛，所以我就用密齒梳。 開始幫貓貓(公仔)梳毛，不過真係要恆心... 始終毛毛已經打結打到一舊舊，真係要慢慢梳。 亦因為佢係公仔，都唔能夠太暴力，否則會扯甩晒啲毛。 未打理前... 打理後，毛毛明顯都順滑返。 我嘅小法寶，密齒梳 順、逆方向都要梳 超愛貓貓(公仔)的妹妹，貓貓係佢嘅小寶貝。 ========== ================== 記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.instagram.com/wagyubmami/ ============================ 和牛B & 和牛媽媽 YouTube Channel  https://www.youtube.com/c/Wagyubmami ============================

  今年妹妹3歲生日，我哋決定同佢去Staycation慶祝生日。 由於妹妹好鍾意Moana，所以我哋為咗配合主題。 就揀咗去迪士尼探索家度假酒店玩返2日1夜，其實陀住妹妹嗰年，我哋都住過一次。 唔知隔咗咁多年，又會唔會好唔同呢? ^ 迪士尼探索家度假酒店大堂 今次係爸爸負責訂酒店，訂蛋糕。 【關於蛋糕清單:】 https://www.hongkongdisneyland.com/restaurant-menu/cake-album.pdf *Moana角色主題的生日牌，係我自己整的，非酒店提供* 首次使用KKday APP訂購，輸入優惠碼「APP15HK」即減$15 https://www.kkday.com/zh-hk/product/113671?cid=14923 房型都係官網上看到嘅款式，我哋高層望園景。 事隔三年再嚟到，酒店依然新淨、舒服。 ^ 我哋亦有向酒店要求加床欄，check in後再有職員幫我哋加上床欄。 ^ 浴室係花灑企缸，化妝間就係開放式嘅。 ^ 個人衛生用品 (牙刷、化妝棉、棉花棒套裝都在小鐵盒入面) 仲有妹妹嘅生日小禮物~ 今次係俾生日驚喜妹妹，所以同老公前後腳。 佢先取房間匙咭，跟住我就同和牛B上房佈置。 Moana魔海奇緣嘅主題，配上探索酒店嘅風格，真係好夾!! [  Moana 生日旗 淘寶購買連結  ] 另外買咗啡色氣球，再畫出椰殼海盜 (Kakamora) 樣貼上氣球~ 一切準備好，就換返爸爸上酒店房俾終極驚喜~ 爸爸換上魔海奇緣入面Maui服飾，一開房門就見到Maui啦~~ 妹妹見到之後，著住Maui衫嘅爸爸~ 有少少受寵若驚 (哈哈) 開心拆禮物嘅妹妹~ 我哋於酒店訂蛋糕，仲可以拜託酒店員工在我要求的時間，將蛋糕送到酒店房間。 又係一個超級驚喜嘅生日慶祝環節~ 每次住酒店，兩個女指定要睇嘅迪士尼卡通片~ 我哋鍾意帶小朋友嚟呢到Staycation，係因為酒店本身都有好多適合小朋友玩嘅免費設施。 重點係，我住「迪士尼探索家度假酒店」都可以憑房卡去到「迪士尼樂園酒店」入面免費玩。 入住酒店記得要mark實酒店入面嘅 [  活動時間表  ]呀，我哋當日去咗酒店活動玩。 超級驚喜，我哋係唔知道原來有迪士尼朋友同我哋一齊玩同埋影相留念!! 「迪士尼探索家度假酒店」入面小朋友必去嘅一定係2樓嘅 海底奇兵小天地，呢個係一間Play