文章

顯示從 2015 起發佈的文章

湊B日記 – 聖誕BB聚會 * 3人組

圖片
對上一次 3 人行 BB 聚 , 悠悠 B 當時大約 5 個月大 , 坐都未坐得穩陣 ~ 事隔兩個月再聚埋一齊 ~ 悠悠 B 已經坐定定去玩 ~ 今次悠悠有個少進步 , 就係佢開始懂得去認識身邊嘅人 , 阿媽好滾動 !! 因為悠悠你終於唔食花生 , 至少都會同其他朋友仔有 D 交流。   悠悠 , 你可唔可以溫柔 D, 唔好一手揸住朋友個咀仔呀 ? 呢個小組入面 , 最大嘅 BB 已經 10 個半月大 , 識爬識企識講 ”Apple”, 好叻呀 ~ 排第二大嘅係悠悠 B, 最細嘅 BB 而家已經 3 個半月大啦 ~ 不過未識坐 ~ 所以唯有瞓住 o 係到睇 D BB 姐姐玩先啦 ~ 悠悠開始好奇身邊嘅事物 – 人類,想要摸索一下 ~ 而今次 , 悠悠 B 仲第一次試坐 BB 單車「 iimo 」 , 近年呢款單車真係大熱 ! 所以 , 我都去了解一下呢部單車。   睇完官網嘅簡介 , 大約理解到佢貴嘅原因在於安全性方面 , 而另一款更加可以摺起收藏 , 適合香港比較狹少嘅屋。     不過 , 對我呢個懶人黎講 , 摺唔摺得埋都冇所謂 , 我絕對係懶到唔會摺埋架車嘅人。而且悠悠仲細 , 我諗我唔會買住 Lu, 遲d先再決定啦~~     湊 B 日記 – 自組 BB Playgroup  (兩個月前的聚會)   我的 Facebook 專頁 : 80's Mami - 悠悠B嘅成長專頁

湊B日記 – BB出第一隻牙仔

圖片
BB 生長速度真係好快 , 成日睇返初初出世嘅相好似冇幾耐咁 , 但係個樣已經唔同左好多 , 佢地大得真係好快 ! 最近 , 7 個半月大嘅悠悠 B, 已經出左一隻牙仔 !!   所以 , 最近悠悠 B 除左夜晚會比以前更醒瞓同扭計之外 , 其他冇咩分別。皮膚依然係濕疹 , 乾燥同痕癢。扭計其實已經唔係 d 咩問題 , 因為小朋友扭下計我覺得好正常 , 只係半夜勁扭 , 媽媽我真係會發癲 ~ 最令我煩惱 , 永遠都係濕疹呢個皮膚問題 !   講返隻牙仔先 , 其實悠悠到口腔探索期 , 已經好鍾意佢 D 手指仔 , 成日都食私家手指餅 ~ 每次去到任何嘅 BB gathering~ 都成為大家嘅焦點 , 因為 … 其他 BB 都會四圍爬 , 四圍摸 , 同摸索其他 BB, 但係悠悠就永遠都係坐 o 係到啜手指 ~   直至最近 , 情況都幾犀利 , 牙膠唔鍾意咬 , 手指就最鍾意 , 手指公已經食到有少少起繭。但係 , 冇辦法 , 真係阻止唔到。   你地冇睇錯 , 張相係見唔到牙仔 ga~ 因為影相時牙仔出得好少 , 所以我影極都影唔到 ~   而最近 , 終於都知點解佢咁鍾意食 , 不停食 , 無論身處何地 , 佢都要食手指。原因係因為佢出左一隻牙仔 , 所以牙肉痕。出牙仔 , 其實我都有以下擔心嘅野 ; 1.    夜奶後瞓著 , 會引致蛀牙。健康院建議 BB 夜奶後要清潔口腔先入睡 , 但係 , 鬼唔知阿媽係女人咩 … 但係 BB 瞓著左 , 真心怕清潔口腔會整醒佢地 … 2.    埋身食奶會咬到 nipple ( 已經咬左我幾次 !! 救命 … 悠悠向我私酷刑 )   不過 , 講到尾我最驚都係佢蛀牙 , 如果我真係好怕佢咬到我 nipple 我唯一可以揀就係泵出黎俾佢。不過 , 埋身又真係好 Close ge, 我會盡量堅持落去嘅 ~   阿媽贏在爸爸嘅起跑線 , 就係因為媽媽有得埋身同有鮮奶供應。   悠悠:識食 ( 手指 ), 一定係咁樣食   我的 Facebook 專頁 : 80's Mami - 悠悠B嘅成長專頁

湊B日記 – BB第一個聖誕節(2)

圖片
上篇提到我其實好喜歡聖誕節 , 今日繼續講返今年悠悠 B 第一個聖誕係點樣過嘅。     往年 , 聖誕都好忙碌 , 忙碌在於開 Party, 今年其實都唔例外。   而每次 , 12 月 26 日 , 娘家都會有一個大型嘅拆禮物儀式 ~ 由於 , 我出生於一個唔算大唔算小嘅家庭。爸爸未過身時 , 一家六口的家庭。而我亦係拉女 , 所以我一直很幸福 , 有爸爸媽媽錫之餘 , 仲有哥哥、姐姐。   當兄、姊妹都長大 , 大家都成家立室之後 , 整個家庭人口更加增多左。而家 , 每逢聖誕 , 娘家嘅聖誕樹都會好壯觀 , 因為樹底會堆滿一堆有大有細嘅禮物。     睇見都覺得興奮同埋幸福 , 唔知有幾多人好似我地咁呢 ? 我老公 o 個邊係冇呢個傳統 , 所以我老公都開始被我地感染左 ~     今年雖然少左我爸爸 , 但係大家會依然保留呢個傳統。   咁當然 , 除左要拆禮物之外 , 仲有就係大食會啦 ~ 相信大家呢個假兼都食唔少壽司、 Pizza 、炸雞 ~ 我都唔例外 ~~ 但係 , 好為食嘅我 , 其實仲係好鍾意食呢 D 野 ~     每年都係一窩蜂咁拆禮物 , 影相 ~ 今年都一樣係咁 , 悠悠都唔知我地做乜事 ~ 呢班人騰黎騰去 ~ 但係 , 坐 o 係到食花生嘅悠悠 , 都好幸福 ~ 因為佢代媽媽我收左好多禮物 ~( 我 d 禮物過晒戶俾悠悠 …T__T)     呢個聖誕節雖然已經過左 , 但係 … 大人小 B Party 都仍然未完 ~ 一月仲有 Party 開 ~ 真係好忙好忙呀 ~~~   湊B日記 – BB第一個聖誕節 我的 Facebook 專頁 : 80's Mami - 悠悠B嘅成長專頁

湊B日記 – BB第一個聖誕節

圖片
一直以來 , 我都好鍾意聖誕節。細個時覺得好熱鬧 , 又好鍾意唱聖誕歌嘅氣氛 , 當然 , 非常膚淺嘅我 , 最鍾意聖誕嘅首要原因就係因為可以收禮物、拆禮物 ! ( 原來我細細個已經係咁港女性格 ) 人大左 , 唔係唔鍾意呢個節日 , 只係好多時 , 一到 12 月過後就會收到一張金光閃閃嘅信用卡 Statement~ 正所謂有咁耐風流 , 得咁耐乜乜啦 ~~ 有借有還丫嘛 ~ 而且 , 禮物方面唔付出點有收獲嘅道理 , 令我開始對聖誕嘅熱情冷卻左 dd~~ 不過 , 而家好多時 , 買禮物真係出於一份心意 , 我想送就會買 ~   而今年 , 係悠悠 B 首個聖誕節 , 其實對一個 BB 黎講 , 佢根本唔知係做乜。就只有我呢個阿媽好興奮 , 因為可以幫悠悠 B 著件聖誕衫、扮到紅噹噹、買禮物俾佢拆咁 ~ 今年亦比往年多左 Party, 因為多左 BB party~ 真係好開心 , 亦好 enjoy BB 嘅 party 。       今晚係平安夜 , 但悠悠 B 已經去左 2 場 Christmas Party 啦 ~ 你地呢 ? 又去左幾多場先 ??   第一場係大人嘅主場 , 第二場就係同 wow 友 ( INBRIDE 和楊小寶 , orangecelia 橙媽媽和摩摩 ,  wingyincat 和芷攸 ,  patpatchi 和 wu bb ,  winwinwin 和 chum chum , ,  roy1103jo 和幸晴 , awong 和姚 bb ) 開嘅大中小 B Party x DIY 絲帶聖誕樹 ~ 真係好開心 ~ 感謝 Monei 俾大家踩場 ~ 反轉左佢屋企 ~ 超熱鬧 , 個個 BB 我都好鍾意 ~ 但唔知點解 , 我同老公都會特別偏愛 Chum Chum~~ 佢真係好活潑可愛 ~~ 如果悠悠 B 學到 Chum Chum 一半咁好動就好啦 ~!! 唔好成日坐 o 係到食手指啦 … 仲有仲有 ~~ 好多謝幸晴爸扮演聖誕老人黎氹大家開心 ~     Monei 的 Party 文章 : [ 人妻生活 ] wow 媽媽 & babies 聖誕趴 +DIY 工作坊之手作聖誕樹 ♥