湊B日記 – BB第一個聖誕節(2)

上篇提到我其實好喜歡聖誕節, 今日繼續講返今年悠悠B第一個聖誕係點樣過嘅。
 
 
往年, 聖誕都好忙碌, 忙碌在於開Party, 今年其實都唔例外。
 
而每次, 1226, 娘家都會有一個大型嘅拆禮物儀式~由於, 我出生於一個唔算大唔算小嘅家庭。爸爸未過身時, 一家六口的家庭。而我亦係拉女, 所以我一直很幸福, 有爸爸媽媽錫之餘, 仲有哥哥、姐姐。
 
當兄、姊妹都長大, 大家都成家立室之後, 整個家庭人口更加增多左。而家, 每逢聖誕, 娘家嘅聖誕樹都會好壯觀, 因為樹底會堆滿一堆有大有細嘅禮物。
 
 
睇見都覺得興奮同埋幸福, 唔知有幾多人好似我地咁呢? 我老公o個邊係冇呢個傳統, 所以我老公都開始被我地感染左~
 
 
今年雖然少左我爸爸, 但係大家會依然保留呢個傳統。
 
咁當然, 除左要拆禮物之外, 仲有就係大食會啦~相信大家呢個假兼都食唔少壽司、Pizza、炸雞~我都唔例外~~但係, 好為食嘅我, 其實仲係好鍾意食呢D~
 
 
每年都係一窩蜂咁拆禮物, 影相~今年都一樣係咁, 悠悠都唔知我地做乜事~呢班人騰黎騰去~但係, o係到食花生嘅悠悠, 都好幸福~因為佢代媽媽我收左好多禮物~(d禮物過晒戶俾悠悠…T__T)
 
 
呢個聖誕節雖然已經過左, 但係大人小B Party都仍然未完~一月仲有Party~真係好忙好忙呀~~~
 
我的Facebook專頁: 80's Mami - 悠悠B嘅成長專頁

留言

此網誌的熱門文章

【濕疹! 真心推薦】CUBED 無藥性、真正止痕、有效之濕疹修理產品 | 文末優惠碼

【召集! 角落生物Fans】必去! 期間限定《角落小夥伴》打卡主題餐廳 | 附book台小貼士

【餐廳推介】超人氣! 日式一人定食燒肉$48起一份