和牛B 的成長日記

最近我同妹妹去咗參觀一個超有意義同長知識嘅地方，就係惜食堂 嘅「粒粒皆辛館」。 「粒粒皆辛館」真係好有意義， 惜食堂亦 幫到好多長者!! 去完呢次參觀，再次提醒返我唔好浪費食物。 食物係好珍貴，就算連廚餘其實亦都好有用。 例如橙皮咁，可以製作橙皮酵素成為天然嘅清潔劑。 蛋殼用天然色素染色後，仲可以同小朋友一齊整手工。 今次，我真係長知識啦!! 講返「粒粒皆辛館」嘅背景，佢其實係全港首間融合惜食、關愛嘅實體展館，喺呢次參觀過程入面，大家將會接觸惜食冷知識，仲會了解到香港以至全球嘅食物浪費及飢餓問題。同時館內亦會反映香港長者現況，讓參加者更關注社會，關心有需要嘅長者。 藉此令大人反思，以及教育小朋友不浪費。 ^ 生動有趣嘅主持人 Mark叔叔 「粒粒皆辛館」特設 6個展區;  - 惜食270 - 惜食冷知識區 虛擬實況影片區 廚餘較量區 模擬劏房區 紙皮回收區 *每一個區，都有唔同嘅知識同埋意義 惜食堂每日會從領展鮮活街市、商場回收箱、9噸貨車及流動惜食實體店收集捐贈之食物，再製作成飯盒，免費送贈長者或有需要人士。 透過互動遊戲，學習正確食物保存方法。 甚麼是廚餘? ，其實每日每個家庭都會產生廚餘... 你同我都一定有.... 館內仲有模擬廚餘重量，一個四人家庭一個月嘅廚餘重量....重到我都拎唔起... 嚟到尾聲，就進入香港嘅糧食問題。 獨居老人以及劏房長者嘅生活... 透過遊戲，讓小朋友體驗老人執紙皮嘅生活。 好辛苦先賺得少少錢....有時甚至乎努力過後，1蚊都冇.... 今次嘅參觀，仲整咗橙皮酵素清潔劑以及蛋殼聖誕咭。 ^ 橙皮酵素清潔劑 原來好容易整，只要一個乾淨水樽、橙皮、糖同埋水，就可以整到天然嘅清潔劑!! 過程入面，仲可以訓練小朋友手指肌肉同埋手眼協調。 完成之後，等3個月就可以用啦~~ 估唔到蛋殼除咗可以整雞蛋布丁之外，仲可以染上天然色素後，變成手工材料。 如果大家都想帶小朋友去參觀，可以到官網報名。 親子體驗精華遊 (星期一至五)  歡迎個別家庭報名，每家庭最少一位家長及一位小童(年齡須為4至15歲)。每時段可有多於一個家庭參與。  時間：1.5小時  語言： 廣東話  活動內容：  •認識惜食堂的工作  •參觀展區及觀賞虛擬實境(VR)影片  •橙皮酵素工作坊...

今年聖誕氣氛好過舊年，尖沙咀區話大唔大，話細唔細~ 原來呢區都真係有唔少聖誕裝飾、燈飾可以影!! 今篇就等我為大家介紹尖沙咀區，各個聖誕裝飾、燈飾打卡地點啦~ 整理好後，本篇會有尖沙咀9個打卡點 (尖東、1881  HERITAGE、海港城、LCX、The One、Mira Place、I Square及K11 Musea)，方便大家決定去邊到打卡影相。 尖東 嘅百年花園，一如以往商廈外牆都會亮起聖誕燈飾。 另外喺附迎嘅帝國中心外牆，今年仲有以「Disney Winter Celebration」為主題外除咗有聖誕燈飾，另一邊更與 尖沙咀中心打造由 8萬2千顆變色LED圓點 組成、總面積4,000平方米嘅臨海巨型LED燈幕牆，仲會獨家播放 Disney+ 六大品牌嘅聖誕燈飾影片!! 亮燈日期：2021 年 11月 11 日至 2022年 1 月 2 日 時間：晚上 6 - 11 時（平安夜、聖誕日、除夕之亮燈時間將稍為延長) 尖沙咀1881 HERITAGE ，係以超巨大聖誕松鼠 小鎮 做主題。 都一樣好可愛好吸引呀!! 尖沙咀海港城 多年嚟都係有好大型嘅聖誕裝置，今年佢哋以「Ch ristmas Terminal」為主題，打造一個歡欣快樂嘅聖誕客運站，主角係曲奇企鵝。打卡位由海運大廈正門延伸至近天星碼頭，在靠向海邊預留出入通道。今年仍然設有慈善攝影區，市民須網上預約。 喺海港城入面嘅 LCX 又有另一主題嘅聖誕裝飾，就係「LCX x SOAP STUDIO CHRISTMAS PARTY」。呢到有華納兄弟嘅經典卡通人物Tom & Jerry及Tweety。現場有兩米高嘅巨型Tom & Jerry漢堡包、甜美可愛嘅Tweety甜筒。 由尖沙咀港威開始至海運大廈，都有Snoopy嘅聖誕裝置。 如果鍾意歐陸氣氛嘅話，就一定要去 Mira Place 啦~ 主題為「Jingle All The Rail」聖誕歐陸車站，有架火車頭、車卡~ 鍾意動漫嘅話，又鍾意近期超HIT動漫「鬼滅之刃」，就一定要去 The One 啦!! 至於尖沙咀另一個大商場 I Square，都有一大班可愛企鵝同大家一齊過聖誕~ 最後一個景點，就係 K11 MUSEA 嘅 「聖誕節村」Pop-up，入面金光閃閃，相信夜晚去影仲靚呢!! 如果大家想去，記得上官網預約入...

和牛B由細到大，放假嘅時候我哋都會帶佢出戶外玩。 所以佢都好鍾意去戶外玩，以及親親小動物同大自然。 最近再去以前和牛B細個有去過嘅農莊玩~~ 大致上轉變唔太大，不過驚喜位多咗好多!! 我哋今次再去就係元朗區嘅448農莊，呢到有停車場。 所以，我哋駕車去都好方便。(文末有詳細地址及前往方法) 農莊嘅活動時間表，建議大家可以預先影低~ 如果冇影低都唔緊要，因為活動前15分鐘，農莊職員就會用廣播通知大家去集合。 448農莊園區分佈都好多，所以以下我會分為遊樂、動物、打卡分類為大家詳細介紹。 一進入農莊，就有一片色彩繽紛嘅花海!! 絕對係一個好靚嘅打卡位呀!! 有一大片草場，草場上跑跳，農莊仲有提供三輪車、車仔遊玩等。 ^ 超型嘅懷舊汽車車仔~ ^ 啱晒佢哋兩姊妹玩嘅三輪車 ^ 幼兒最愛嘅車仔 而我相信去到448農莊，必影嘅一定係呢架紅色退役巴士! 而呢架巴士，亦絕對係448農莊嘅Icon!! 除咗可以企前面影相打卡之外，仲可以走入巴士影相~ ^ 扮揸巴士 ^ 上層仲改裝成梳化同台 ^ 農莊地圖 遊玩設施都多，呢到仲設有沙池區。 入面有提供玩沙工具~ 仲有戶外嘅兒童遊樂場設施，都足夠小朋友放電呀~ 設施亦適合幼兒遊玩~ 仲有3間得意可愛嘅小朋友屋仔~ 此外，仲有動力沙遊戲區。 有戶外兒童遊樂設施，呢到亦有有蓋兒童遊樂設施。 兩姊妹玩得超開心呀~ 兒童遊樂設施旁，仲有一部鋼琴可以俾訪客彈奏一曲~ 離開有蓋兒童遊樂設施區，再往山上走走~ 呢到又有一間好有特式嘅屋仔~ 妹妹二話不說，就衝咗入屋啦~ 呢到一定要玩!! 就係呢條建於山坡嘅七彩長滑梯啦!! 超刺激!! 最初和牛B都不停話好驚唔玩，結果到我哋準備離開回家之際。 和牛B就話好想試下玩... 結果，玩完一次佢來回跑上山跑左3次!! 佢超級開心，仲超放電呀! 另外，仲有海盜船鞦韆!! 如果鍾意做小手工嘅小朋友，農莊入面亦有小手工(需額外付費)。 不得不提，去過多個農莊。 我今次都係第一次見，莊主會親力親為，同訪客一齊玩團體活動、仲有唱遊時段!! 大家都相當投入，而且小朋友完成任務仲有小禮物。 所以，和牛B都玩我好開心，好落力!! 親親小動物 來到了小動物部份，448農莊入面有好多動物。 而農莊每日嘅餵羊時間有兩節，如果想餵羊咩咩嘅話，就要留意當日時間表同集合地點啦~ 飼料由職員派發，亦係免費。 農莊除咗有羊咩咩之外，仲...