和牛B 的成長日記

STEAM已經成為每個小朋友，成長、學習嘅一部分了。 我亦不厭其煩再分享一次 S.T.E.A.M 係點解先~ S=科學（Science）、T=技術（Technology）、E=工程（Engineering）、A=藝術 （ Arts ） 及數學（Mathematics） 有時，唔想買太多STEAM有關嘅玩具。 不如，考慮去一啲中心上堂或享用佢哋提供嘅設施一樣係唔錯選擇。 最近，我哋嚟到位於荃灣區嘅南豐紗廠入面嘅「TECHBOB」。 入面有多種唔同嘅玩樂設施，有部份仲係玩樂嘅科技產品。 入面分咗四個區域；- 1.發明家天地 2.創客天地 3.挑戰者天地 4.探索者天地 總共有成14個遊戲，遊戲仲適合3歲或以上小朋友及大人一齊玩。 挑戰者天地 此區域有4個遊戲，有 機械人足球、大王 機械人足球 一般人都係用腳踢足球，你又有冇試過配合平板電腦控制機械人嚟踢足球呢? 職員仲話，如果小朋友有興趣，仲可以自己組裝專屬機械人落場踢波添呀。 你睇下牛爸玩得幾開心~ 要控制機械人帶波，都係一件好有技巧嘅事~ 無人機探索 呢個遊戲區，可以盡情玩航拍機，聽店務員講遲啲區內仲要加入障礙物，考驗小機師嘅技術~ 速度挑戰賽 喺賽車場內利用平板電腦遙控場內嘅機械車，進行極速飄移。 小小建築師及小小工程師 呢張台分咗兩組唔同嘅組件，有Lego及專門創作屋子模型嘅組件，可以俾小朋友發揮創意，創作佢地嘅夢想小屋。 管道設計師及機械探索 而呢張遊戲台同樣都係Lego，不過所有配件同「 小小工程師」係唔同嘅。 呢張台嘅配件可以創作機械有關嘅作品，而另一邊就係以管道為主。 STEAM樂園 此區係以Lego Duplo配件為主，可建設小城市，有橋有馬路。 除咗小朋友玩得開心，就連大人都好開心咁創作。 小 小創客 利用小配件創意小朋友心目中嘅成品，和牛B話佢整梗BB床呀~ 機械人游擊戰 利用平板電腦程式，嚟遙控機械人進行遊戲~ 遊戲小創客、Osmo編程及AR探索遊戲 而旁邊仲設有三款唔同嘅遊戲，適合唔同年齡小朋友玩。 發明家天地 此區為STEAM工作坊上課地點，入場套票入面其中一項係包括STEAM工作坊。 年幼嘅小童可以進行類似以下嘅小遊戲，而 其他年齡嘅可學習砌機械人或學編程寫遊戲或手機應用程式。(**除蝸牛機械人遊戲外，還有其他遊戲) 蝸牛機械人，小朋友可以利用遊戲卡制定路線、指令讓蝸牛機械人移動。 ...

和牛 B 話咁快就升上 K2 ，真係好快呀！而 K2 下學期，就會開始準備升小學嘅嘢。 而和牛 B 所讀嘅學校，唔係咩名牌學校。學校 K1 課程主力學好 26 個英文字母，學校亦有派發字卡並配有生字，但K1就未開始學習執筆寫字。 不過，現時以和牛 b 嘅程度。學校老師亦有建議和牛 B 要出去揾一啲英文班去學 Phonics ，學Phonics嘅好處係有助日後記生字。咁除咗出去學，老師都建議家長可以喺屋企同佢睇光碟學習、溫習。但老實講，我自己都唔識 Phonics ，所以就算有光碟，我都怕教錯佢啦。 ^ 唔識睇多啲書，係咪就會學到? 當然唔係啦… 所以我就著手出去搵一啲英語教育中心，而坊間都有唔少學 Phonics 嘅英語教育中心選擇，但點揀先係最好呢。好多時，和牛 B 入咗課室試堂，佢到底學咗咩？老師教咗咩？坐喺外邊等落堂嘅我，其實真係咩都唔知㗎。到落堂問老師，老師最多會答表現如何。 而重點係，有時教育中心導師係外藉老師的話，自己英語唔好或者都未能完全溝通得上同聽得明。 但係導師只講上課表現，咁呢點只係俾我知，佢有無投入同專心，有無浪費學費啫。但報得英語課程，我都想和牛 B 有進步，基礎打得好，之後再讀上去，就唔會咁辛苦。 如果有一間教室，可以做到同家長協調到，讓家長喺空餘時間，同小朋友溫習返課堂學過嘅嘢，你話幾咁好呢？ ^ 多做練習，都可以鞏固記憶 平時學校已經係三十多人一班，所以到底學到幾多，吸收到幾多真係唔清楚。老師又唔可以為咗一、兩個同學跟唔上而唔再教，等佢追到進度再教新嘢。 所以，選擇校外嘅英語教育中心上堂，我都期望係可以小班教學，等和牛B可以學有所成。 我哋之前有去過唔同教育中心試堂，但我發現和牛 b 投入度不大。試堂 1 小時，有一半時間喺熱身同適應上面，原因係導師係外藉老師，佢好怕金頭髮嘅外國人。對於家長嚟講，課程教學係唔錯嘅，但如果小朋友無辦法專心、唔投入、環境令佢壓力、唔舒服、唔享受課堂嘅話。其實佢根本學唔到、進步唔到，仲有可能令佢驚咗英文。 所以我都揾咗好多間，最近聽朋友講「明師教育」係唔錯嘅英語教育中心。有好多喺九龍塘讀名校嘅小朋友，都會嚟呢到學好英文，而口卑仲好好。所以，我都去了解咗。 「明師」 唔同坊間教育中心，想報就隨時可以報...