香港醫學博物館 x 人氣器官公仔掛飾

-

上年聖誕前，帶咗和牛b同妹妹去參觀博物館同去特式嘅紅白格仔公園玩。
其實，和牛b兩歲幾三歲嘅時候都有嚟過呢到玩。


今次去呢個博物館，除咗因為未嚟過，想帶佢哋嚟了解更多返學冇嘅知識外，就係想嚟買返個器官公仔掛飾。



我哋今次去嘅係位於上環半山嘅「香港醫學博物館」，鄰近堅道及樓梯街近界，詳細前往方法可以參考官方網站資料 (詳情)。「香港醫學博物館」有一切關於醫學嘅知識、資訊與歷史。



仲有結合中醫與科技嘅「3D針灸銅人」展覽，入面有一啲同中醫學有關嘅知識。


歷年來香港與醫學有關的知識及歷史，當中包括鼠疫爆發期間的人民生活及治療等。除咗展板外，亦有互動形式、模型及當時採用的用品展示。




互動遊戲，郁動身體同時可以欣賞風景。


有過往的醫學實驗的工具展示，解剖老鼠模型，展示過往嘅研究、治療方法。







回顧十年前，香港經歷SARS嘅歷史，感謝當年為香港出力、犧牲嘅醫護人員。


仲有模仿進行微創手術嘅互動體驗，原來都好有難度呀!


展區上有好多書本上未必有嘅體驗，例如不同器官喺X Ray下嘅情況等。










參觀完之後，當然就係購物時間啦~
一系列嘅器官公仔掛飾，仲試過賣斷市，真係好搶手，當日去到亦列明每款器官每人限買2個。




香港醫學博物館仲有唔少打卡位，真係幾靚㗎!








【香港醫學博物館】
地址: 香港上環半山堅巷二號

入場費: 
成人$20
全日制學生、60歲或以上長者、殘疾人士及六歲以下兒童 $10
家庭套票 $50 (包括2位成人及最多3名兒童) 

開放時間: 
星期二至六: 上午10時至下午5時
星期日及公眾假期: 下午1時至5時
星期一、聖誕日、元旦、農曆年初一至三: 休息
聖誕日前、農曆年前夕: 上午10時至下午3時 

https://www.hkmms.org.hk/zh/home-zh/


離開香港醫學博物館，旁邊仲有堅巷花園嘅兒童遊樂設施。









我哋發掘最新、至好玩嘅好去處呀。

https://www.facebook.com/80smami/

http://www.instagram.com/wagyubmami/

https://www.youtube.com/@Wagyubmami/


留言

發佈留言

此網誌的熱門文章

深圳親子遊 | 【Lollypet萌寵樂園】20+種動物零距離接觸 (低至$75全日票)

-
圖片
今次終於嚟咗想去好耐嘅「Lollypet萌寵樂園」佢係與深圳野生動物園合作嘅室內動物園。園區內有20+種動物，並配備深圳野生動物園專業獸醫定期檢查，喺飼養員嘅指引下，園內嘅小動物都係能摸、能抱、能餵食，真正與動物零距離互動。 其實呢個商場我哋都已經嚟過幾次，不過每次都已計劃好行程，所以就未有到訪。 今次我哋做好功課就過嚟啦~ 首先講下門票，門票可於kkday、美團購買或是現場購買。 但係比較過價錢，kkday比起美團、現場購買係最便宜! KKday網上獨家優惠 https://www.kkday.com/zh-hk/product/144301?cid=14923 ^ 票價kkday係最便宜!  「Lollypet萌寵樂園」 園內有20餘種動物，大部分動物都可以零距離互動：梅花鹿、青山羊、小浣熊、貓、安格魯貂、水豚、小香豬、迷你兔、刺蝟、豚鼠、松鼠、孔雀、科爾鴨、龍貓、寵物蛇、鬃獅蜥、藍舌石龍子等等。  入園前小朋友需穿上圍裙、戴上手套。如成人需要手套，亦可向職員免費領取。 另外可選擇買或不購買動物飼料，而不同動物有不同飼料價錢由RMB 10起一份。 我哋就買咗兩桶果蔬套裝(RMB 20)，俾和牛b同妹妹一人一桶去餵動物。 園區內部份動物係自由在園區內走動，所以家長要小心照顧同行小朋友哦。 和牛b同妹妹就比較驚羊駝，因為佢哋係見到草就會好自動波咁行過嚟食。 超進擊呀!! (哈哈) 另外，仲有 梅花鹿都係可以摸同埋餵佢哋食嘢。 嚟到呢到最開心就係，有我哋一家最愛嘅水豚!!! 小動物仲有兔仔、 豚鼠都可以、摸、抱同餵。 另外，仲有 安格魯貂、 松鼠、 刺蝟、 小浣熊、狐獴等。 亦有爬蟲類動物。 同水豚一六嘅孔雀、科爾鴨。 仲有貓貓同狗狗，都係小朋友最愛動物之一。 講起室內動物園，大家必定會想知道氣味問題。 認真我哋當日去到，園內唔係好覺得氣味大問題。 反而因為係農曆假期期間去，場內人數超多...所以有少少迫，想影靚相都有啲難。 但整體滿意度都唔錯，最主要係小朋友好開心，可以抱到小動物。 佢哋都表示好開心，好想再嚟親親小動物。 離場前，園區內仲設有洗手區，記得離開前清潔雙手哦~ 【Lollypet萌寵樂園】 地址：深圳市羅湖區笋崗街道筍西社區梅園路71號萬象食家第4層L418b Lollypet （地鐵7號線笋崗地鐵站A出口 直接進入商場乘電梯到L4層）...
Read more »

親子放電推介 | 香港《JOYPOLIS SPORTS》超動感世界 x 日本知名嘅室內科技遊戲主題樂園

-
圖片
香港 《 JOYPOLIS SPORTS》 超動感世界係源自於日本知名嘅室內科技遊戲主題樂園。 香港首間分店於2024年12月喺啟德體育園開幕，場地面積達 30,000 平方呎！場內有20 種精彩遊戲及多款特色玩樂主題設施，適合唔同年齡層， 提供獨特嘅科技運動遊戲互動體驗，將運動與娛樂完美結合！ 樓高5層，每層設不同主題: NINJA DOJO 忍者道場、SONIC Stadium 超音鼠音速競技場、FUTURE ARENA 未來運動館、“餓虎藏龍”餐廳、接待處及紀念品商店。 kkday獨家網上優惠 (低至77折) https://www.kkday.com/zh-hk/product/262230-hong-kong-joypolis-sports-ticket?cid=14923 SONIC Stadium 超音鼠音速競技場 知名嘅SEGA 角色超音鼠，喺香港分店仲有首個「超音鼠競技場」， 可以同朋友一齊體驗速度與激烈嘅競賽！ 「超音鼠競技場」適合大人小朋友嘅遊，一連幾場嘅運動比賽， 考反應、考速度，真係好刺激好玩呀！ 小朋友一定最鍾意呢一層， 特別係妹妹，因為入面有放電嘅兒童玩樂設施，波波池迷宮陣、 滑梯組、七彩繩網陣等。 超音鼠必影打卡位 FUTURE ARENA 未來運動館 呢一層除咗適合一家大細，都好適合一大班朋友、情侶嚟玩！ 最近最Hit嘅魷魚遊戲，紅綠燈，真係好刺激呀！ 仲有全球首個嘅MR 動感競技場，玩家喺無需穿戴設備，又係考反應嘅遊戲， 真係勁剌激呀，每次最多 6 位玩家同時參與遊戲項目。 魔幻攀峰：全球首個 AR 攀岩牆，結合投影技術與動作感應， 將攀岩挑戰升級為刺激嘅互動冒險，係全新嘅攀岩體驗！ 世一馬王傳奇：以香港傳奇馬王“金鎗六十” 為主題嘅VR 賽馬遊戲，讓玩家化身騎師，體驗金鎗六十在賽場上嘅速度。( 玩家可以選擇用唔用VR) 另外仲有其他適合一家大細玩嘅遊戲，都係好創新好好玩~ NINJA DOJO 忍者道場 亦設有特色玩樂主題「忍者道場」，挑戰大家嘅敏捷與反應， 體驗手裡劍對戰、劍刃挑戰和忍者訓練等多項活動。 玩到餓都唔怕，因為頂層係「餓虎藏龍」餐廳，以西餐為主嘅美食，可以食飽飽先離開。 仲有一樓入口處，都有超音鼠人物一系列角色精品發售。 記得先上網買門票，即買即用，唔洗排隊購票，輕鬆入場！ kkday獨家網上優惠 (低至77折) ...
Read more »

沖繩親子遊 | 沖繩寶可夢中心 Pokémon Center

-
圖片
如果係寶可夢Pokemon嘅粉絲，呢個景點絕對唔可以錯過! 沖繩寶可夢中心位於 永旺夢樂城沖繩來客夢(AEON MALL Okinawa  Rycom)，入面有超級多寶可夢周邊商品、精品。包括沖繩限定版公仔、手信、居家用品、文具精品、服飾配件、卡牌及卡牌周邊商品，絕對係會滿載而歸呀! 正門口有超大隻嘅風速狗 正門外有兩層樓高嘅阿羅拉椰蛋樹!  店內都有小精靈打卡位 商場中庭仲掛住大大個比卡超頭，超可愛呀!  此外 永旺夢樂城沖繩來客夢(AEON MALL Okinawa  Rycom)，都超大仲有好多嘢睇㗎。 沖繩縣寶可夢人孔蓋一覽，Pokemon熱潮實在太犀利，沖繩地區都有Pokemon人物嘅坑渠蓋。 下面嘅官方網站有齊佢哋嘅款式，以及位置。 https://local.pokemon.jp/tc/manhole/okinawa.html 【 沖繩寶可夢中心 Pokémon Center 】 營業時間: 10am - 10pm. 地址: 901-2306 沖繩縣中頭群北中城村字來客夢1番地 永旺夢樂城沖繩來客夢1樓 官方網站:  https://www.pokemon.co.jp/ ----------------------------------------------------- 我哋發掘最新、至好玩嘅好去處呀。 https://www.facebook.com/ 80smami/ http://www.instagram.com/ wagyubmami/ https://www.youtube.com/@ Wagyubmami/
Read more »