澳門親子遊 | 限定主題史諾比冬日假期 x 澳門上葡京綜合度假村 [2日1夜]
趁住和牛b考完試，爸爸又生日，今年我哋就去咗澳門慶祝生日同埋過年前去個短Trip放鬆一下~
我知道最近史諾比與好友去咗「澳門上葡京綜合度假村」(Grand Lisboa Palace Hotel )，原來不經不覺《花生漫畫》已經75周年啦~所以酒店內外都設有史諾比嘅擺設及裝飾，真係好可愛呀!! 如果鍾意史諾比嘅你，真係千祈唔好錯過呀!!
我哋今次仲入住咗澳門上葡京綜合度假村，和牛b同妹妹一到酒店，見到酒店大堂嘅史諾比大型賀年裝置，就已經超級開心啦!!
酒店亦有史諾比同查理. 布朗嘅見面會~
名額有限，先到先得 (記得留意日期及時間哦)
^ 不過我哋趕唔上，已截龍，所以只能遠遠地影張相留念~
見面會時段及地點:
時段一: 下午2時至2時20分 - (拍照時段) 地面層史諾比打卡牆 (上葡京禮品廊旁)
時段二: 下午3時至3時20分 - (拍照時段) 一樓《花生漫畫》紀念品店
時段三: 下午4時至4時20分 - (巡遊) 一樓《花生漫畫》紀念品店
而酒店入面嘅「上葡京大堂酒廊」仲特意推出全新Snoopy 主題美食，好味道之餘，打卡絕對都係一流㗎!!
主題美食有意粉、飯、漢堡包選擇，仲有甜品同特式飲品。
呢個史諾比番茄豬肉餅飯，真係超可愛，完全唔捨得食呀!!!
(點餐時，我本來想點Latte，不過店員好窩心，佢同我講小朋友飲的話可以轉做朱古力!!)
除咗主題美食之外，又點少得精品呢?
酒店入面仲有史諾比嘅期間限定紀念品店，真係超級多佢哋嘅精品呀!!
限定史諾比主題嘅照相亭，又點可能錯過呢?! 即睇以下參加方法啦~
1. 只要出示澳娛綜合旗下指定酒店餐飲或零售店 (包括澳門上葡京綜合度假村、新葡京酒店及回力海立方酒店)單筆消費滿澳門元300或以上的當天收據。
2. 出示於上葡京「史諾比冬日假期」展覽拍攝的照片。
3. 登入/ 加入澳娛綜合至尊卡會員> 我的錢包> 出示指定電子禮券
^ 等候Check in期間，酒店職員送俾和牛b同妹妹嘅小禮物 (森仔填色簿及顏色筆)。
酒店房間衛浴方面，係乾濕分離，有浴缸亦有淋浴間，亦有衣帽間。
就好似酒店三樓嘅綠茵勝境花園 (Jardim Secreto)，歐陸式庭園設計，以歐式石柱走廊和樹籬迷宮。
至於晚餐我哋就去咗酒店二樓嘅Lisboa Bistro到食葡國菜，嚟到澳門我覺得葡國菜真係要必食。Lisboa Bistro係最近新開，餐廳內都係以葡國風格裝修，真係好靚呢!
第二朝，早餐我哋去咗自助山食早餐! 比起一般酒店自助早餐，呢到真係超級多嘢食~~亦都好好食!
食飽後，我哋就去咗近年好興嘅沉浸式光影展參觀。今次呢個展係為咗慶祝澳門特別行政區成立25周年，所以澳娛綜合攜手享譽世界嘅日本創意公司NAKED INC.一齊打造是次限定展覽，「澳娛綜合呈獻Macau Art City 之 NAKED OCEAN 海洋濠鏡沉浸式光影展」。
展覽以突破傳統嘅方式融合藝術、科技與創意，以光、影展現出豐富多彩嘅海洋世界，好似真嘅一樣呀!!
海洋主題投影、配以互動螢幕及視覺裝置，營造出虛擬嘅海洋空間。
展覽入面分成8個主題區，每一個主題區都各具特式!!
而且，畫面真係超真實呀! 真心推薦，一定要嚟!!
碧海銀沙
光影打造出沙灘與澳門風景，好似去咗澳門海邊一樣! 然後我哋就從呢到進入海底世界啦~
印度洋—幻海浮光
只要將手放喺牆身郁動，畫面就會出現不同變化!!
南大西洋—魚潮奇觀
深入海底世界，我哋都會化身成一條...魚 (哈)
北大西洋—魔域星火
可以透過燈籠魚嘅微光，探索未知嘅海底世界!! 一齊同小朋友一齊探索同發掘新事物。
北冰洋/南冰洋—冰海天使
燈光同影像會不停轉變，每一個畫面都好靚!!!
南太平洋—珊瑚密堡
北太平洋—深海奇遇
濠鏡洋—生命樂章
呢個區小朋友最開心，因為有一個小小嘅白色沙池。
每隔4分鐘，就會有一場歷時大概5分鐘的短片，真心精彩! 一定要睇呀!
另外，商場另一邊仲設有副館。
【澳娛綜合呈獻Macau Art City 之 NAKED OCEAN 海洋濠鏡沉浸式光影展】
展覽日期：即日起至2025年3月16日
展覽地點：澳門上葡京綜合度假村購物中心一樓
展覽門票
澳門元158起
澳娛綜合至尊卡會員尊享正價門票88折優惠（僅適用於現場購票）。
詳情: https://www.sjmresorts.com/tc/happenings/sjm-naked-ocean-exhibition
前往方法:
澳門上葡京綜合度假村設有免費穿梭巴士服務，而且都好多方便，有好多條唔同專線。
如: 港珠澳大橋、氹仔客運碼頭、外港客運碼頭、澳門國際機場等)
詳細資料: https://www.grandlisboapalace.com/tc/shuttle-bus-service
澳門上葡京綜合度假村Grand Lisboa Palace Hotel
地址﹕澳門路氹射擊路
https://www.grandlisboapalace.com/tc
我哋發掘最新、至好玩嘅好去處呀。
https://www.facebook.com/
http://www.instagram.com/
https://www.youtube.com/@
留言
發佈留言