【親子露營】兩日一夜 x 中秋節賞月露營 x 風車農莊| 開季露營
最近見夜間時份都有秋意，有涼風。
所以，就趁住中秋節一家四口去露營。
2022年我哋開季露營啦~~
今次呢個場地我哋都係第一次嚟。
不過，有好亦有唔好嘅地方，所以我哋都會同大家分享。
詳細Vlog分享>>
場主用圍欄分隔開每個客人嘅營地，所以一定唔會過晒界。
不過，場地嘅草相對之前去過嘅場地，呢到嘅草都似乎比較長。
當日來到，因為未到旺季場地唔爆滿，仲有好多空間多出。
所以場主俾我哋將私家車停喺對面，俾更多活動空間我哋。
當我哋努力起帳幕同天幕嘅時候，就叫佢哋兩位小姐喺車到等。
^ 每一次露營，都會塞滿架車!
我哋架餐實在太多，有點誇張的豪華營 (哈)
不過，自己喜歡就可以了。
待喺車上太久，兩位小姐都忍唔住要落地幫手~
日間部份，天氣都幾熱。
所以，我哋都不停飲水。
帳幕起好，兩個小姐就可以入去吹住風扇休息啦~
呢把風扇購自毅城「KRUCA 超聲波驅蟲戶外露營風扇」，佢係一把集台扇、吊扇、LED夜燈照明及超聲波驅蟲於一身嘅風扇。最正就係運行時間長達 44 小時，即係1日半，我日頭、夜晚都用到!!
試過堅係work!! 真係用到佢所講咁上下嘅時間!!
講咗咁耐，係時候要介紹返我哋今次去嘅收費營地「風車農莊 Garden Green」。
我哋自己帶齊裝備、食物、用品。
收費場嘅好處，就係有衛浴、洗碗碟、洗食材等設施。
因此帶住小朋友就會方便得多，特別係去廁所嘅問題。
不過 **注意注意**，有關衛浴問題，此場地只係有三格「衛浴」。
即係廁所連淋浴花灑 (有熱水)，如果踏入旺季的話，廁所一定唔夠用...
重點係，帶住小朋友的話。小朋友急起上嚟，真係唔等得....
我哋當日加埋只係4家人，佢哋全部都係大人，佢哋大概6個人左右。
所以，使用廁所就冇大問題。
如果旺季問題就比較大了...呢點我覺得就唔太理想了。
(文末部份會展示場地設施相片，包括衛浴)
場地入面都有走動空間，當然如果旺季期間盡量都要注意自己嘅行為唔好影響到其他人哦~
亦有唔少打卡嘅地方
如果有亮燈仲靚，當天日、夜間時間都冇亮燈....
^ 粉紅色小風車屋
^ 仲有呢個彩虹色嘅舞台，兩位小姐超鍾意!
打卡嘅蝴蝶牆，旁邊就係衛浴，公用雪櫃、洗手、洗碗、洗食材嘅空間。
^ 場地最近的出租帳幕，不過確實資料請參閱官方Facebook。
上面提及過的，只有三格「衛浴」。
即係廁所連淋浴花灑 (有熱水)，如果踏入旺季的話，廁所一定唔夠用...
重申一點如果旺季的話，問題就比較大了...
呢點我覺得就唔太理想了。
其實今次都係我哋第一次一家四口去露營，對上幾次露營都係約埋朋友一齊去。
原因係怕兩個女，不停嗌悶...
^ 當日場哋除咗我哋，另外只有3家人。所以，可以喺通道型水彈而唔影響其他人。
誰知，去過先知係冇問題!
相反兩個女一樣玩得好開心，而和牛B都好照顧妹妹。
因為天氣熱，所以俾佢哋玩水彈，濕身稍後去沖涼換衫就可以了。
其實氣球充水，都一樣可以變水彈~
一樣好玩~(哈)
一樣好玩~(哈)
幸好，兩個女都鍾意大自然生活。
夜晚聽住昆蟲叫聲瞓覺，真係好舒服。
夜晚，先炒個麵俾兩個小朋友食。
然後就開始中秋節BBQ啦~
^ 第一次中秋節去露營，都好有氣氛呀
^ 當晚大大個橙紅色圓圓嘅月亮
^ 燒羊架!!
今次係和牛B第一次燒大大粒棉花糖，不過佢食咗一半就已經唔食啦~
因為佢話太甜~
夜晚，好大霧呢。
到瞓覺嘅時候，帳幕入面有少少焗促。
所以，我哋掛起咗3把風扇。
瞓醒第二朝，當然又係要準備小朋友早餐同自己嘅早餐啦~
西多士、蒸燒賣。
第一次用$12蚊店買嘅飯盒仔蒸燒賣，唔好睇少佢，一個盒可以蒸到10粒。
而我同老公個早餐，就係豬扒包同埋食剩嘅羊架!
當日我哋嘅入營時間係下午1時至3時，同時場地為安全起見，亦有要求全部客人需要進行快速測試或提供當天自行檢測嘅結果照片，檢測結果正常才可安排入營。所以，我哋都安心嘅。
而場地方面，場內亦冇提供大型垃圾桶供客人將包好垃圾棄掉。
所以，我哋都需要自行於離場時將一袋、二袋垃圾包好帶上車，自己帶到就近垃圾站棄掉。
如果客人唔自行清理及帶走垃圾，場地就會收取垃圾處理費HKD$500。
大家可能會問，到大江浦露營，會唔會長期聞到陣陣豬屎香呀?
當日只係落雨期間，真係間中有陣陣豬屎味飄香...不過，之後又冇了。
場地多唔多蚊?
戶外地方，蚊蟲一定有。而我比較惹蚊，所以都有蚊咬我...但幸好兩個小朋友同老公都冇俾蚊咬。
而場主會於晚上時間就離開場地，場主離場後，大閘亦會鎖上。
要等到第二朝，場主返回先可以離開。
【風車農莊Garden Green @ 元朗】
元朗錦田大江浦村冶河路 錦田鄉村俱樂部附近 (關帝廟旁入)
============================
記得Follow埋我哋Facebook、MeWe同Instagram呀
https://www.facebook.com/80smami
https://mewe.com/p/和牛b的成長日記
http://www.instagram.com/wagyubmami/
============================
和牛B & 和牛媽媽 YouTube Channel
https://www.youtube.com/c/Wagyubmami
============================
我的網店C.Mozo Store
https://cmozostore.mallogram.com/zh-hk/
留言
發佈留言