【暑期活動】親子StayCation推介 X 超充實 Ｘ 新加坡主題親子度假 | 香港黃金海岸酒店
之前已計劃好，等和牛B考完試就同佢嚟個StayCation。
我哋左揀右揀，考慮咗好幾間酒店。
最後我哋揀咗香港黃金海岸酒店，佢哋官網有唔少主題住宿計劃。
而我最後就揀咗魚尾獅Merli新加坡主題住宿計劃，首先小朋友去住酒店已經好開心!
仲要係主題房，就更加特別。
早前喺香港黃金海岸商場仲有超巨型4米高Merli打卡位、新加坡奇趣周末市集。
除咗４米高巨型充氣造型嘅小魚尾獅Merli之外，外圍仲有多個新加坡人氣打卡景點，如新加坡摩天觀景輪（Singapore Flyer）、濱海灣花園（Gardens by the Bay）、濱海灣金沙（Marina Bay Sands）、新加坡佛牙寺龍華院（Buddha Tooth Relic Temple & Museum） 及濱海藝術中心（Esplanade – Theatres on the Bay）等。
市集入面有好多新加坡特產買，去唔到旅行呢到買完當去咗新加坡先啦~!!
^ 啲薯片好好食，我後悔冇買多幾包!!
市集入面，仲有阿女最鍾意嘅彩繪~
行完市集，我哋就去到酒店。
仲可以玩「重新想像新加坡」尋寶遊戲，搵齊咁多個答案，仲可以換領小禮物~~
^ 搵晒所有答案啦~~
^ 仲可以免費換領嘅小禮物
香港黃金海岸酒店大堂內、外都有唔少打卡嘅位置，亦有休息嘅空間。
酒店戶外花園區，亦有打卡、玩樂處。
亦有免費嘅兒童閱讀閣，等候check in一流呀~
^ 好多圖書，妹妹都唔知揀邊本好~
呢個睇書空間，真係好Chill~
兒童閱讀閣開放時間: 10am - 7pm.
去到酒店主題房，當兩個女一開門，見到主題房，佢哋都超級開心呀!!
二話不說，馬上就走上床玩~~
房間入面仲有小魚尾獅Merli嘅可愛咕臣~
亦有小魚尾獅Merli嘅畫~
^ 酒店Package送嘅禮物~
我哋係海景露台房，望到海，超好天!
^ 第二朝清晨6時半嘅天色，好靚呀!!
酒店房間設施及設備:
房間只設有三腳插頭，如果忘記帶三腳插，只有手機充電線，可以打去櫃面借三腳插。
拖鞋，有大人的，也有小童。
p.s 因為妹妹隻腳太細啦，所以我哋冇安排一對俾佢~
浴室:
酒店亦有兒童友善設施，有踏腳用嘅櫈仔。
方便小朋友企高洗水、刷牙、洗臉。
嚟到酒店，一定!一定! 要去酒店泳池玩呀~
(由於人流管制問題，去泳池前，記得預先預約哦。另外，每房每晚可預約一個時段)
泳池開放、每節時間參考:
https://sino-hotels-prod.azureedge.net/cmsstorage/sinohotels/media/gch/facilities/pool/session-schedule.pdf
酒店泳池都算大，亦有分開0.8米池及其他水深嘅泳池。
亦有兩條滑水梯，大人小朋友都可以玩。
而酒店仲有提供水抱、浮床。
呢隻海豚同埋獨角獸，都係酒店泳池免費提供~
打卡一流呀!!
水抱、浮床都係供客人輪流使用~
離開泳池嚟到黃金水動樂園，此區唔需要預約。
入面有一系列嬉水設施如動感噴泉、彩虹隧道、色彩水輪等。
真係好消暑呢~~
好多噴水嘅裝置呀~~
超爽呀!!
我哋當日仲喺呢到，見到彩虹呀!!
而黃金水動樂園旁邊，仲有一個戲沙池呢~~
另外，我哋Package亦免費送咗付費活動「夏日繽紛戶外水上設施」。
所以，我哋都可以玩埋~
充氣彈床嘅滑水梯，所以和牛B都玩得超開心呀!!
不過妹妹太細，所以未玩到~
不過妹妹太細，所以未玩到~
其他付費項目，亦有好多，而且都好吸引!!
不過，實在太充實最後我哋只係付費玩咗兒童小火車。
而我哋酒店Package仲可以用半價玩兒童小火車，如果一般酒店住客需要$40/位小童。
小火車會遊走一個大圈，再返回上車地點。
我諗大概2-3分鐘左右吧，兩姊妹超級開心呀~
頭先都有提及過，酒店有好多付費玩樂設施。
大家如有興趣，都可以參考下面嘅資料。
^ 奇趣高爾夫及戶外迷你保齡
鯊魚冒險島
黃金海岸飛天鋼索
陶藝工作坊
烘焙工作坊
關於酒店嘅康樂、玩樂設施時間表及收費;
酒店大堂樓層，開設嘅陶藝工作坊及烘焙工作坊。
第二朝，我哋就到酒店聆渢咖啡廳食自助早餐。
當日早餐時段係7:00am. -10:30am.
酒店嘅自助早餐，超豐富，選擇亦都多。
早式(點心、炒麵、湯麵、粥品等)、西式、咸甜、生果冷盤亦都有。
食完早餐，我哋就去咗酒店入面嘅戶外兒童遊樂場玩。
公園都大，有攀爬類嘅設施、亦有滑梯、爬繩、韆鞦等。
另外，酒店仲包咗「Merli曲奇製作工作坊」(限1大1小)。
和牛B就跟爸爸去玩水，所以妹妹就跟我去整曲奇。
曲奇有三個口味，牛油、斑蘭及朱古力味。
曲奇去焗期間，我哋可以摺好曲奇盒。
再喺曲奇盒上進行裝飾，貼貼紙、畫圖畫。
焗大概15-20分鐘，就可以拎走了~
曲奇好鬆好脆，轉眼我哋一家四口就食晒啦~~
另外，我哋仲去咗酒店嘅沙嗲軒食「Merli新加坡滋味下午茶」。
呢個下午茶Set都係限定嘅美食嚟(於2022年7月1日至8月31 日期間的周末及公眾假期)。
下午茶入面有九款新加坡著名嘅鹹甜小食，包括小金杯（Kueh Pie Tee）、辣椒蟹肉醬配炸饅頭、彩虹糕（Rainbow Kueh Lapis）及班蘭椰絲卷（Kueh Dadar）等。
和牛B食到津津有味~
下午茶價錢為$320(兩位用) (另收加一服務費)。
而享用此套餐「 Merli新加坡滋味下午茶」，仲有Merli環保袋送添呀~
天氣實在太熱，所以我哋另外再叫咗楊協成菊花茶配金盞花，荔枝水配洛神花，消暑解渴。
妹妹皺晒眉頭，唔知揀咩好~ (哈)
關於我哋今次住宿嘅主題，佢有兩款唔同package，大家可以登入官網查詢哦~
主題「重新想像新加坡夏日奇趣之旅」至2022年8月31日
「重新想像新加坡夏日奇趣之旅」住宿活動時間表:
https://sino-hotels-prod.azureedge.net/cmsstorage/sinohotels/media/gch/offers/2022-merli/merli_activities-tariff.jpg
【香港黃金海岸酒店 | 屯門】
地址: 新界屯門黃金海岸青山公路 1 號
電話: 24528888
============================
記得Follow埋我哋Facebook、MeWe同Instagram呀
https://www.facebook.com/80smami
https://mewe.com/p/和牛b的成長日記
http://www.instagram.com/wagyubmami/
============================
和牛B & 和牛媽媽 YouTube Channel
https://www.youtube.com/c/Wagyubmami
============================
我的網店C.Mozo Store
https://cmozostore.mallogram.com/zh-hk/
留言
發佈留言