【親子露營】兩日一夜 x 有型地農莊 | 季尾露營
天氣一熱，親子露營活動我哋就會停。
因為始終係戶外活動，就算夜晚都會擔心小朋友瞓覺出晒汗，好熱。
所以，露營又嚟到季尾啦~~
稍後要等天氣涼，我哋會再去過~
最後跟大家分享兩個場地，本篇先介紹「有型地農莊」。
場地位於天水圍，大家經常會問多唔多蚊、有冇豬屎味、有冇廁所、浴室?
由於我哋都會帶住小朋友去收費露營場，所以有企理廁所及浴室都係優先考慮。
^ 沐浴花灑有3格，門後有數個掛鈎。
^ 廁格有3個。
^ 女廁及浴室 (儲水式電熱水爐)
^ 男廁及浴室 (一開即著電熱水爐)
至於有冇豬屎味，真係要實地去過先知道~
因為有啲場地，近豬場會有豬屎味，再加上當日大唔大風。
^ 亦有公用休憩空間
蚊患方面，我覺得戶外活動一定有的，所以防蚊用具係唔可以帶少的。
今次呢個場地我覺得有好，亦有唔好嘅地方。
我哋當日去，每個營之間嘅分隔空間都算多。
所以，瞓覺嘅時候都唔會好受其他人影響。
明白，總會有人話「要瞓覺就返屋企瞓啦」。
但去戶外露營，都係想感受一下大自然，聽住昆蟲叫聲、大自然嘅聲入睡。
(而非人類發出嘅嘈吵聲、喧嘩聲 (如: 猜枚) 等)
(而非人類發出嘅嘈吵聲、喧嘩聲 (如: 猜枚) 等)
^ 感受大自然
空間足夠俾小朋友跑、跳、玩樂。
場地亦可以租燒烤爐。
我覺得唔好嘅地方，就係去要洗手間或沖涼的話，必須要推開營地大閘，過條小馬路先去到。
^ 搬家式的親子露營 (哈)
我哋去嘅收費場地，都係自己準備裝備，自己搭營。
不停食嘅妹妹~
帶住小朋友的話，呢一張露營摺櫈真心好坐，就算大人坐喺到煮食亦都好方便，高度係剛好!
另外，每次露營都係不停地食的我們...
每一次出發前，都要預先諗定大人、小朋友菜單 (第一日午餐、下午茶、晚餐、宵夜; 第二日早、午餐)。
特別係帶著幼兒，菜單更加要分開煮。
所以，唔想帶太多嘢，菜式一定要諗清楚計劃好。
所以，唔想帶太多嘢，菜式一定要諗清楚計劃好。
^ 朋友嘅燒和牛，超正!!
^ 日式炒麵
^ 麻辣雞煲
^ 從12蚊店購入嘅煮飯神器，一人份量
而每一次露營，都會遇上新挑戰，因為永遠都會帶漏嘢。
今次，我哋忘記帶鑊剷，所以早餐炒蛋要用匙~
但係，完全冇問題!
但係，完全冇問題!
分享完美食，當然都需要清潔餐具、廚具吧。
營地入面，有洗碗、洗食材嘅地方。
也有提供洗潔精，不過我通常會自己攜帶。
最後，我最鍾意營地入面小花園呢個位置，因為可以同小朋友影相留念。
費用:
日營入塲費成人$100（小童*$50）
停車場：日泊$50
夜營收費每位$200（小童*$100）
停車場：過夜$100 （下午2:00至翌日正午12:00）
備註：
小童：4歲至11歲。
停車場：日泊$50
夜營收費每位$200（小童*$100）
停車場：過夜$100 （下午2:00至翌日正午12:00）
備註：
小童：4歲至11歲。
【有型地農莊】
地址: 天水圍馮家圍 23 號
============================
記得Follow埋我哋Facebook、MeWe同Instagram呀
https://www.facebook.com/80smami
https://mewe.com/p/和牛b的成長日記
http://www.instagram.com/wagyubmami/
============================
我的網店C.Mozo Store
https://cmozostore.mallogram.com/zh-hk/
留言
發佈留言