【二寶孕記】醫院預約登記方法 及 第一次QE產檢分享

相隔四年後，我再決定到QE生二寶。

同時，相隔四年科技亦進步咗好多。

想申請QE生BB，唔需要親身交表，用手機應用程式就可以申請預約，手續亦非常方便。

手機應用程式：「預約通 BookHA」

完成下載之後，就可以選擇「遞交預約」

預約專科亦有好多，而我哋當然係產科啦～

填妥個人資料，及選擇所屬專科（產科），再選擇你想預約之醫院。

然後再上傳相關醫生轉介信（即註冊西醫嘅醫生證明紙）

最後，核實個人資料再按「下一步」。

同日就會收到SMS短訊通知，申請正在處理中。

數天之後，就會收到醫院姑娘致電聯絡約期。

————————————————————————

第一次QE產檢，需要前往日間醫療中心4樓。

登記後，排隊度高、磅重。

然後等候嗌名，助產士與你會面問症。

同時當日需要帶備醫生轉介信、身份證、老公身份證副本。

由於我係第二胎，上一胎都係喺QE生過，助產士都會問返關於當年大寶嘅資料。

問完症後，會派產檢期。
1.早期唐氏篩查

2.妊娠爆尿測試期 (簡稱飲糖水)

3.大概21週後見醫生(帶同結構超聲波報告)*

然後，再去2樓抽4支血驗血。

之後，就走得架啦~

*而家QE會將列為高危嘅孕婦，先可安排於院內進行結構超聲波，所以一般孕婦都要自行外出搵醫生照結構。

--------------------------------------------------

歡迎聯絡我&和牛B: chungying56@hotmail.comFacebook專頁: 和牛B嘅成長專頁

Instagram: wagyubmami

            
--------------------------------------------------

姊妹合作**Precious M accessories**

利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。