【簡易食譜】手殘都做到「迷你牛角酥」。輕食早餐、茶點

-
天氣開始凍，每朝早餐我都想整一啲暖笠笠、熱辣辣嘅食物俾和牛B。
但天氣凍，自自然然都唔想早起。
所以，唯有做一啲準備時間較短嘅食物就似乎比較適合，要返工又要帶和牛B返學嘅我。

牛角酥合乎快、靚、正嘅效果。


準備材料都好簡單，現成嘅酥皮。其餘食材相信大家屋企都會有，蛋、糖漿/蜜糖。

材料:
1.酥皮一塊 (我呢塊大概15cm x 15cm)
2.蛋一隻 (蛋漿)
3.糖漿/蜜糖

做法:
1.酥皮從冰上拎出嚟解凍 (軟身就可以了)

2.將酥皮砌成4塊三角形

3.用麵棍碌平

4.喺三角形部份嘅中間位置剪開

5.從底部開始卷起 (如果想甜啲，可以搽上糖漿/蜜糖)

6.喺牛角酥上掃上蛋漿，再掃上糖漿/ 蜜糖

7.放入爐焗160℃，焗20分鐘

8.完成!

酥軟可口，自己整仲新鮮~

我只係喺牛角酥面掃上蜜糖，唔會好甜，如果想甜少少就喺卷嘅時候搽埋蜜糖，咁就由內到外都會有甜味。

*溫韾提示*
由於每個焗爐的新舊型號關係，爐溫都會有差異。所以喺烤焗時，建議定時留意牛角酥嘅情況，以免焗燶。

我的幼兒食譜分享

--------------------------------------------------

歡迎聯絡我&和牛B: chungying56@hotmail.com
Facebook專頁: 和牛B嘅成長專頁

Instagram: wagyubmami


            
--------------------------------------------------
姊妹合作**Precious M accessories**
利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。

留言

發佈留言

此網誌的熱門文章

【濕疹! 真心推薦】CUBED 無藥性、真正止痕、有效之濕疹修理產品 | 文末優惠碼

-
圖片
  一直有追看我文章嘅讀者，相信都知道和牛B由幾個月大嬰兒時期已飽受濕疹折磨... 轉眼間和牛B已經8歲了，其實濕疹問題一直有，佢每晚瞓得好差。 真心非常困擾，以前我哋都會喺濕疹發作得嚴重，就去睇皮膚科醫生。 每次都係搽幾日，皮膚好返8、9成。 但日子耐咗，其實我唔想再依靠類固醇藥膏去治療。 因為每一次使用類固醇藥膏，皮膚雖然係快速治療。 但類固醇始終係藥，亦有副作用... 所以有時媽媽們pm我想要醫生資料，其實我也不太想分享。 而且最重點係，首先要解決係和牛B皮膚痕癢、乾燥問題。 因為皮膚乾燥導致痕癢，忍唔到手，其實都會再抓傷皮膚，然後不停循環濕疹問題。 每搽一次類固醇，其實皮膚亦會愈來愈薄... 最地獄嘅情況....就係遇上類固醇反彈... 類固醇反彈係超級超級的痛苦...有時看到網民分享... 睇到相片都覺得超心痛、超辛苦, 完全想像唔到到濕疹患者係點樣過生活 T^T... 所以，我哋已冇再去睇醫生用類固醇及口服止痕藥。 你會問，咁和牛B係咪好返晒啦? 我都好肯定答你，唔係，從未完全根治到問題... 和牛B濕疹問題一直都存在。 每一晚佢都會痕醒好多次...特別係轉季嘅日子，更加係會抓破皮膚... 睡衣通常都係有血漬嘅.... 佢最嚴重嘅地方就係手、腳摺位。 喺坊間有好多濕疹配方嘅Cream，但真心冇一隻可以完完全全地止痕... 重點係，聲稱有止痕作用嘅Cream，我哋用過好多隻，普遍都無助止痕。 如果只全輕微濕疹，某啲係有效改善皮膚嘅。 最近喺一個機緣巧合下，興趣班導師同我哋分享佢濕疹經歷。 佢介紹咗我哋用香港品牌CUBED，佢話我哋知CUBED有止痕作用、仲有明顯效果。 CUBED有分成人及兒童系列。 https://cubedskincare.com/pages/kids-line-landing-page 所以，我哋都從官方網站購入。 雖然喺價錢上，會覺得佢係偏貴。 但係真心，佢真係價錢反映到質素、效果。【優惠碼「wagyub10」可享10% off優惠!】 https://cubedskincare.com/collections/all-products/products/kids-ultra-moisturizing-set 由於和牛B嘅濕疹算嚴重，嚴重到有滲水、紅腫、破損、嚴重痕癢情況。 所以我哋購入套裝「兒童濕疹紓緩護理油」及「兒童低敏紓
Read more »

【餐廳推介】超人氣! 日式一人定食燒肉$48起一份

-
圖片
  今次我哋去咗主打日式一人定食燒肉，和牛b開始大個女。 所以佢可以開始自己燒，自己食~ 今次呢間餐廳，係採用先進無煙烤爐及抽氣系統。 所以，食完燒肉之後我哋都唔會有一陣油煙味~ 餐廳最平嘅套餐，只係$48一份~ 定食仲有豬 / 牛 / 雞定食、豬&雞定食及豬&牛&雞定食，任均選擇。 我哋一家四口食，叫咗三份定食。 燒肉拼盤之盛盒、牛胸腹&牛舌及牛小排&牛胸腹。 ^ 和牛b呢個定食係牛胸腹&牛舌 (100g) $68 妹妹超鍾意食，仲不停同我哋添飯~ 而我推薦一定要加配紫菜珍珠飯，個紫菜飯超級好食，仲超多紫菜!! 燒肉拼盤之盛盒 (定食包括有豬、牛及雞)+ $6升級紫菜飯~ 每份定食都會附上嘅麵豉湯 燒肉拼盤之盛盒 (定食包括有豬、牛及雞) 牛小排&牛胸腹，另外加了日式一口甜薯。 定食嘅所有肉類都沒有醃製，如果想濃味一點，就要沾醬汁。 餐廳有提供三款醬汁，蒜蓉汁、燒肉汁及檸檬薑汁。 玫瑰荔枝冷泡茶 餐廳座位唔算好多，而且真係超級受歡迎!! 我哋都等咗一個鐘頭有多先有座位呢~ [ 餐牌 ] 【RUD 燒肉】 九龍灣牛頭角道77號淘大商場3期地下G301-320號舖 其他分店地址:  https://www.tasteofasia.com.hk/brand/rud ========== ================== 記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.instagram.com/wagyubmami/ ============================ 和牛B & 和牛媽媽 YouTube Channel  https://www.youtube.com/c/Wagyubmami ============================
Read more »

【親子度假】小島風情 x 陽光與海灘 | 銀鑛灣渡假酒店

-
圖片
  今年暑假我哋冇出國旅行，所以留港Staycation度假。 7月太忙...所以安排咗8月去StayCation。 今次終於離開唔去迪士尼樂園酒店，揀咗一個小島風情嘅地方度假。 我哋今次經KKday買咗銀鑛灣渡假酒店 (Silvermine Beach Resort)住宿連食優惠，由於我哋係4人家庭，所以需要額外加購同行兒童費用（3-11歲）。 我哋係揀咗「 Silvermine Beach Resort - 標準雙人房+ 雙人晚餐連早餐 (西式晚餐、中式晚餐、自助燒烤) ＋ 自選活動」，2人$1,045，另外加購兩個女嘅費用總共$484。所以今次旅費為$1,529，其實都好抵，因為包早、晚2餐。 酒店訂購優惠傳送門>> https://www.kkday.com/zh-hk/product/101133-silvermine-beach-resort-staycation-package?cid=14923 不過呢個地方，係比較唔方便，因為銀礦灣係位於梅窩。 所以需要去中環搭船又或者東涌搭車入去。 文末部份會提及點去梅窩>> 我哋就選擇咗搭渡輪去梅窩，坐普通渡輪(即俗稱大船)。 船程大概50-55分鐘左右就去到， 都好舒服同方便。不過，如果怕會暈船浪，就要搭巴士啦。 出發前要記得留意船期表，以免趕唔到船又要呆等~ ^ 船程大概50-55分鐘左右就去到， 都好舒服同方便。 而落船後大概行7分鐘就去到酒店啦~ 去到酒店第一件事就係Check in先，Check In時間下午3時，Check Out時間為曜日上午11時。 簡單登記，就可以拎到房咭，馬上入房放低行李了~ 房間唔算好大，不過都好舒服，有家嘅感覺。 提供嘅個人衛生用品方面 (牙刷套裝) 只有成人用的，如果帶小朋友去的話，就建議自行準備了。 酒店用拖鞋都一樣，只有成人碼。 酒店內設有泳池，有大人池及兒童池。 同時留意，酒店泳池開放時間 (如有變更，一切以酒店資料為準) 分享一下 酒店設施， 戶外設施: 小公園、打卡位 室內設施: 兒童遊戲室、康樂室 (部份係需付費) 大家都會發現點解有啲係官方圖呢?  由於我哋只玩2日1夜，再加上我哋預到剛剛3時左右Check In，所以我哋係玩唔晒所有設施。 因為咁我哋都計劃會再嚟玩，下次我諗會玩3日2夜了! 呢到最方便就係離開酒店，行去對面就係沙灘
Read more »