【叮噹迷必到】終於可以見到隨意門啦!!「多啦A夢秘密道具研究所」@奧海城

「多啦A夢」(叮噹)係陪住我長大嘅卡通片之一，多啦A夢有好多法寶，咁有邊樣又係你最想要嘅呢??

隨意門、時光機都係我最想要嘅嘢。

由2018年11月20日，奧海城將會率開放「研究所實驗室」(拍照區)及「多啦A夢未來百貨公司」(精品購買區)。而11月24日隆重開放「秘密道具測試站」(遊戲區)俾一眾粉絲去玩。

所以鍾意多啦A夢嘅你，千祈唔好錯過！

「研究所實驗室」(拍照區)

有大家好熟悉嘅大雄房間，最記得就係跳入櫃桶就可以坐時光機啦~

同多啦A夢一齊坐時光機~你想返去幾時呀?? 

多啦A夢嘅隱形斗篷，你又想唔想要呢??

呢到仲有聖誕必影靚位~

如果想玩「秘密道具測試站」，大家只要喺商場內，以即日電子消費滿$500或以上，或以Olympian Kids 300積分，即可換領研究所「萬事通行證」一張，參與研究所嘅遊戲。

隨意門測試站

我哋用隨意門到底會去咗邊到呢?

我哋去咗落梗雪嘅歐洲呀~~

而每節時段都會有唔同主題唔同地方~

仲有「動畫噴霧測試站」，參加者可在電腦上揀選鍾意嘅畫框，再填上喜歡嘅顏色及裝飾，限時內完成。作品就會顯示到屏幕上~

每節只限4位參加者。

專心嘅和牛B~

搵唔搵到自己嘅作品呀?

空氣炮測試站，呢個遊戲超得意好玩~
要玩合參加者嘅反應速度同埋聲音去玩。

只要完成三項不同遊戲，即可以參加獎賞遊戲一次，仲有機會獲得多啦A夢秘密道具禮品一份。禮品數量有限，先到先得，送完即止。

我哋有3次機會，技術唔好~只係夾到一個獎品~哈哈~

場內仲有多啦A夢嘅精品售賣機，仲有啲聖誕限定款~

場內仲有經典情節入面嘅人物拍照區，成個商場都有多啦A夢，你哋又搵齊未? 

【多啦A夢秘密道具研究所@奧海城】

秘密道具測試站
日期：2018年11月24日至12月23日 (逢星期六及日) & 2018年12月24日至2019年1月1日
時間：中午12時至晚上9時(截止參加時間為8:30pm)
地點：奧海城2期地下主題中庭商場即日電子消費滿HK$500或以上，或以Olympian Kids 300積分，即可換領研究所「萬事通行證」一張，參與研究所的測試項目。


研究所實驗室
日期：2018年11月20日至2019年1月1日
時間：中午12時至晚上9時 (截止參加時間為8:30pm)
地點：奧海城2期地下主題中庭設置多項秘密道具讓大家任影，定必成為聖誕打卡熱門地點！

多啦A夢未來百貨公司

日期：2018年11月20日至2019年1月1日
時間：中午12時至晚上9時
地點：奧海城2期地下北翼中庭「未來百貨公司」將穿越時空到21世紀的奧海城開店，大量多啦A夢精品及多款最新獨家秘密道具禮品將會於店內發售

多啦A夢秘密道具禮品換領
日期：2018年11月24日起
時間：中午12時至晚上9時
地點：奧海城2期地下禮賓處
顧客憑指定會員積分，即有機會換領多啦A夢「隨意門道具套裝」及「百寶袋餐具套裝」。

--------------------------------------------------

歡迎聯絡我&和牛B: chungying56@hotmail.com
Facebook專頁: 和牛B嘅成長專頁

Instagram: wagyubmami

            
--------------------------------------------------

姊妹合作**Precious M accessories**

利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。