【好物分享】媽媽之日常我嘅出門必備「媽咪百寶包」大比拼。

好耐無寫過好物比較文了,今次想同大家分享嘅係關於媽媽/爸爸日常外出嘅袋。

帶小朋友出街,又如走難,你認同嗎?

小朋友唔同階段,就有唔同嘅外出用品需要攜帶。

我今次主要分享我嘅經驗俾大家,和牛B而家3歲,我終於發掘到一個又輕身、間格又好嘅媽媽袋。出街唔需要再一抽二褦,Free返對手出嚟照顧和牛B啦。

曾經有段時間,媽媽界掀起一個熱潮,就係日本嘅Anello背包。佢嘅外型簡約,仲好百搭,無一種媽媽味。

媽媽界當年亦瘋傳,同時都話放到好多嘢容量好大。但係,同咗好短時間就覺得超級唔好用!!!


而我嘅經驗係,袋本身都有少少重量,唔係最輕身。

拉鏈部份,開口像口金包一樣,拉鏈位係硬身,仲要一定開晒成條拉鏈先拎到嘢。
想像一下,如果孭住小朋友,開咗拉鏈係好難閂返個袋。

二嚟,容量雖大,但係開口得頂頭位置。如果成個袋裝滿咗,就會好難拎嘢,背部亦無暗格放銀包、電話。有時老公亦好憫,佢想幫手但搵極都搵唔啲用具。

後期,我轉用咗普通運動品牌嘅袋,容量都大嘅,都方便。
但係個袋亦都好大,我孭住出街就好似去露營咁,實在太誇張了…


終於,俾我搵到一個出街超好用嘅媽媽袋。
老公終於唔再鬧我,搵極都搵唔到濕紙巾,你呢個咩袋嚟!!

【爸爸/ 媽媽 - 好用嘅百寶袋 QueenBee】
QueenBee係香港品牌FX Creations嘅最新媽媽包JMA系列,呢個系列共有 4 個型號選擇包括親子必備嘅大、細後背包、easy-to-carry Tote 及輕便手挽袋,各配有寶藍、黑、深灰及紫色四色選擇。

QueenBee媽媽背包,孭咗上去唔會好累贅,仲好trendy。



不過,我個人比較鍾意用背包,因為可以留返雙手嚟照顧和牛B。


呢個袋,真心好用係因為淨袋重量嚟計係輕身。
而袋嘅間格亦都分得好仔細,仲有內藏保溫料嘅袋格,個袋每一個暗格都係有細心考慮到媽媽嘅需要。



容量特大,仲有成15個口袋。

而拉鍊部分仲揀咗香檳金並加入 Saffiano 十字紋真皮嘅拉牌作點綴,令設計更時尚優雅。


最外有兩個袋,方便我擺放濕紙巾、紙巾等經常用嘅物品。


由上至下,由左至右都有袋,底部最方便我放縮骨遮~隨時都拎到出嚟。


亦因為袋嘅間格設計,令到我可以將帶住和牛B嘅用品擺放得更加有規律同埋更加整齊。

帶寶出街,最怕摷一輪都摷唔到要用嘅物品 (例如:濕紙巾)。

分享一下我同和牛B出街嘅用品先,而家三歲已戒片,用嘅嘢比以前少咗,但係都仲係好多嘢帶。


同埋,帶小朋友出街如果遇上落雨情況,擔遮永遠都係顧住小朋友o個邊,背包同自己一定係全濕。但係QueenBee媽媽包嘅質地係「扇」水,只要輕輕一掃,所有水點都抹得走,同時唔需要再擔心啲嘢會濕晒。


我最鍾意就係呢個位於背部嘅暗格部分,非常方便我放銀包、八達通同埋手機。



【爸爸系列】 - 奶爸袋同樣好用,格數超多!! 亦好適合返寫字樓工嘅專業人士爸爸用。


爸爸款亦有顏色選擇 (黑色/ 軍綠色),但係和牛爸爸都係鍾意黑色。


背部亦有護脊嘅設計,因為奶爸袋可以放嘅嘢係更加多。


第一層,格數都好多。而我會將最常用嘅用品放最前。


第二層 - 保溫比媽媽袋多一個,總共2個保溫。呢一層亦係比較闊落,所以我會將大件少少嘅用品放呢一層到。


第三層 - 適合專業人士型爸爸用。呢層可以放入一部Laptop/ 手提電腦入去。不過,我哋唔需要帶電腦外出,所以我就放其他用品。


媽媽袋背部有暗,爸爸袋當然都有啦~


底部同樣有一個袋


而爸爸袋仲附上一塊墊,如果和牛B仲係初生BB,外出用都好方便,我會當佢係尿片墊咁用。


我嘅超級奶爸袋外出用品展示; 


由於爸爸袋相對可以放得多嘢,所以執好所有物資,個袋嘅重量有返咁上下。
所以,袋包再配上一個胸扣。


【關於FX Creations資料】

分店資料:
香港
太古康怡AEON 2樓 
銅鑼灣軒尼斯道500號希慎廣場10樓L1010號舖 
電話:3419 6759 

九龍
紅磡黃埔花園第二期時尚坊G30A號舖 
電話:2314 8655 
黃大仙正德街103號黃大仙中心南館UG層UG1號舖 
電話:2409 1708 
九龍灣偉業街33號德福廣場1期F23A號舖 
電話:2707 9513 

新界
將軍澳新都城中心商場2期千色Citistore 2樓 
電話:3194 3816 
葵芳興芳路223號新都會廣場1樓180號舖 
電話:2418 1603 
荃灣街市街67-95號荃城市中心2期千色Citistore 2樓
電話:2409 9733 
荃灣廣場2樓一田百貨 
電話:2592 8817 
元朗教育路1號千色廣場千色Citistore 3樓 
電話:2479 8220 
元朗青山道249-251號元朗廣場2樓225號舖 
電話:2778 2236 
屯門屯隆街3號屯門市廣場1期AEON 1樓 
電話:2618 0473 
沙田新城市廣場3期3樓一田百貨 
電話:2191 2737 
大埔南運路9號新達廣場1樓035號舖 
電話:2653 5636 
上水龍運街8號新都廣場281號舖 
話:2672 5237 
馬鞍山鞍祿街18號新港城中心千色Citistore 3樓 
電話:2633 6481

--------------------------------------------------

            
--------------------------------------------------


姊妹合作**Precious M accessories**
利用剩餘、過期的母乳,自己動手做屬於自己的首飾,母乳媽媽給自己的小獎勵,做法簡單自己都做得到。

留言

此網誌的熱門文章

【濕疹! 真心推薦】CUBED 無藥性、真正止痕、有效之濕疹修理產品 | 文末優惠碼

【召集! 角落生物Fans】必去! 期間限定《角落小夥伴》打卡主題餐廳 | 附book台小貼士

【餐廳推介】超人氣! 日式一人定食燒肉$48起一份