【購物日誌】第一個開學日作好準備。我的開學用品推介

講下講下又已經8月了,再眨下眼和牛B又要準備入讀K1幼稚園班。

第一個開學日,我心情好緊張,除咗要開始調節和牛B起床時間,自己同佢嘅心理都要調節一下。

另外,要準備嘅嘢都唔少,防水嘅姓名蓋印、迷你熨斗、通告回條掛袋、姓名貼、打底背心、褲仔同埋襪。

不過,我實在太忙,今次主要同大家介紹防水嘅姓名蓋印、迷你熨斗、通告回條掛袋。

【姓名蓋章】
上個月返學校開新生家長會,先知道所有衣物、鞋、手巾仔、用具都要有蓋名/ 貼上姓名貼。
原因係以免同學仔互相交換咗都唔知,又啱嘅小朋友自己都未必認得,老師又點會認得呢?!

^淘寶價RMB59 

防水洗嘅姓名蓋章,即係拎去洗衣機洗洗完都唔會甩色嘅神奇印。
我從淘寶訂購咗一個,質素都幾好,只係略嫌中文字體太幼身,如果蓋印喺毛巾或紋理較多嘅布料上,就會唔太清晰。


而我訂嘅呢個,只係RMB59 (未計運費)。

^ 蓋於棉質上面,非常清晰。

^ 蓋於校服裙上嘅牌仔。

^ 蓋於紋理較多嘅紗巾上面,會有少少唔清晰。

我分享一下將姓名印印在紋理較多嘅紗巾上再經過浸、洗過程後嘅變化。

^ 蓋印後,力氣不太夠唔算好深色。

^ 馬上浸水浸過夜 (超過8小時)

^ 臨放入洗衣機前,再搓咗紗巾幾下,唔甩色!!

拎埋入洗衣機洗,係矇咗少少!! 

其後再試蓋印時蓋得深色啲,再洗浸過後,仍然保持到顏色。

而以我所知,呢個樣嘅印章外國正貨正品係DIY自己砌英文字母粒嘅。
所以如果有得訂中文名嘅,絕對係淘寶款嚟嘅。
價錢大概由RMB50不等,但我會建議大家睇多幾個賣家入面嘅售後評語再訂購。

雖然係淘寶訂,但係你都可以同賣家講,我要繁體中文字。

同埋佢仲有好多款卡通人物俾你揀,中文名+英文名+卡通公仔。購買連結 ]



迷你熨斗
我本身無買熨斗,因為和牛爸爸唔洗著西裝,所以呢個產品對我嚟講唔係好需要用。但係和牛B返學,要著校服裙,無理由洗完「巢蚊蚊」咁返學嘛。
為咗整齊起見,我就決定買個熨斗。


但係,屋企細唔想再買大型物件,所以我又搵迷你版嘅熨斗。
大家可能會話「買電器我真係唔敢買淘寶」我認同,但係熨斗都係用一陣,熨一件衫不過2-3分鐘。所以我覺得係可以接受嘅,而價錢只係RMB26 (未計運費)

由於係大陸貨,所以插頭係兩個(扁腳),需要用萬能插蘇。

唔好以為佢細細部,其實佢熱力都好夠。
不過,佢就唔同一般家用式有蒸氣噴霧。


由於我無熨斗板,所以直接喺梳化上面熨校服裙。

缺點:電線太短


通告回條掛袋
我哋報讀嘅幼稚園並非採用電子版通告回條,我知道有部份學校都已經轉用電子版。

所以今次主要同有收到「實體回條」嘅家長分享,我試過回條睇過一次放埋一邊後,記錯咗返學時間。

結果…遲大到!

有咗呢個袋,除咗可以擺通告回條之外,仲可以擺信件。


通告掛袋方便及經常提醒我要睇清楚日期、時間,以免又搞到大遲到!

信件通告掛袋 PCA4S購買連結

同大家分享咗部分百寶袋王好用嘅學習型掛袋,其實佢哋仲有好多款式o架。
有興趣可到以下網址睇哦~

【#和牛媽媽 讀者優惠】
憑代碼《happyshare》於百寶袋王選購指定產品即享9折優惠,買滿$300免運費,滿$500即享85折,另外購物滿$200之讀者,可免費獲贈玩具手提袋TH008S一個


^ 購滿$200之本專頁讀者,可免費獲贈玩具手提袋TH008S一個 (贈品數量有限,送完即止)

*贈品代碼需自行輸入,代碼為《freegift》
**優惠期至2018年8月15日




--------------------------------------------------

歡迎聯絡我&和牛B: chungying56@hotmail.com
Facebook專頁和牛B嘅成長專頁

Instagramwagyubmami


            
--------------------------------------------------
姊妹合作**Precious M accessories**
利用剩餘、過期的母乳,自己動手做屬於自己的首飾,母乳媽媽給自己的小獎勵,做法簡單自己都做得到。

留言

此網誌的熱門文章

【濕疹! 真心推薦】CUBED 無藥性、真正止痕、有效之濕疹修理產品 | 文末優惠碼

【召集! 角落生物Fans】必去! 期間限定《角落小夥伴》打卡主題餐廳 | 附book台小貼士

【餐廳推介】超人氣! 日式一人定食燒肉$48起一份