【大阪親子遊】瘋狂購物日、豪食蟹宴「蟹道樂」、整蠱人雪糕。Day 6 (Part 1)

話咁快嚟到第6日了,特別加插行程。就係滿足大人嘅一個超正行程,亦係唯一一個大人行程「瘋狂購物」行程。


今日唔需要揸車,因為我哋主黑門市場附近,行去齋橋都好近。

今日行程主要活躍於心齋橋一帶,所謂行到邊到邊嘅自由行。



沿路好多嘢睇,好多嘢買。就連食物都係,超多食店。


當日係6月11日,日本首日推出透明可樂~行咗好幾個街口,先遇到汽水機有得買330円/支,而家香港都有得買了~味道…都係飲返正常可樂罷啦~

^放棄狀態,飲可樂本身就係唔健康嘅~

整蠱人雪糕
整蠱人雪糕其實係源自土耳其,之前睇過Youtube見過人哋嘅分享。今次我哋竟然喺大阪遇到土耳其整人雪糕~

而賣雪糕嘅人,主要整蠱對象都係小朋友~所以和牛B,係你啦~

俾人玩咗一輪,和牛B終於有得食~


俾人玩都值,因為雪糕真係好好食,好軟滑~


食到件衫,同成個咀圍圈都有~幾開心!


嚟到大阪,一定要去心齋橋Qlico固力果到影相打卡,先叫嚟過大阪!!




【豪食蟹宴
嚟到大阪,除咗要食神戶牛同埋鐵板燒之外,仲有蟹道樂 (かに道楽)都係好必食嘅食店。


蟹道樂 (かに道楽)嘅分店亦都係超級多,我哋當日太即興無上網預約,所以行咗好多間,最後去到道頓堀本店先有位。其他分店都要等到好晏先有得食,如果想舒舒服服我建議大家先網上預約。【網上預約


一入到舖入面,已經見到好多蟹!!!!


^ 和風設計

^ 午餐同晚餐相比,其實午餐真係超值! 

^ 行程玩咗幾個鐘,因為土耳其雪糕之後,和牛B心情靚咗好多。

我揀咗ききょう套餐,含稅3,500円嘅套餐; 

水煮螃蟹配醋

蟹肉蒸蛋

奶汁烤蟹肉通心粉 螃蟹酱 

烤螃蟹 

腌菜及清湯,另有一客抹茶冰淇淋

蟹肉釡飯 (大概40分鐘就可以食了)

另外,我哋再點咗份兒童餐俾和牛B,含稅1,800円; 

^ 兒童餐盒有蟹肉燒賣、蟹肉炸餅、水煮螃蟹配醋(沙律)、蟹肉壽司及果汁。

^另外再點多咗份蟹肉青瓜卷壽司。


<大阪市分店資料:>
大阪市內 
道頓堀本店 - 電話:06-6211-8975/地址:大阪府大阪市中央區道頓堀1-6-18 
道頓堀中店 - 電話:06-6211-1633/址:大阪府大阪市中央區道頓堀1-6-2
道頓堀東店 - 電話06-6211-0417/址:大阪府大阪市中央區道頓堀1-1-3
梅田店 - 電話:06-6366-5575/址:大阪市北区曽根崎2-15-20 スイング梅田ビル 8階
北新地店 - 電話:06-6344-5091/:大阪市北区曽根崎新地1-6-7
十三店 - 電話:06-6302-3281/:大阪市淀川区十三本町1-11-14

蟹道樂的內客廳 
網元本館 - 電話:06-6213-1010/:大阪市中央区西心斎橋2-13-15
網元別館 - 電話:06-6213-0055/:大阪市中央区西心斎橋2-9-16

大阪府下 
豐中店 - 電話06-6854-0808/:大阪府豊中市少路1-1-5
江坂店 - 電話06-6388-0288/:大阪府吹田市江坂町1-22-1
茨木店 - 567-0004大阪府茨木市南耳原2-1-3
枚方店 - 573-0002大阪府枚方市出屋敷元町2-3-7
東大阪店 - 06-6618-0097/址:577-0063大阪府东大阪市川俣3-1-48
松原店 - :580-0013大阪府松原市丹南3-2-12
堺店 - :590-0077大阪府堺市堺区中瓦町1-1-1
岸和田店 - :596-0821大阪府岸和田市小松里町2570

各分店之營業時間【請按此

蟹道樂 (かに道楽)

食飽有氣力之後,繼續大人嘅行程「瘋狂購物」。


^ 當日嘅心情「爆買」

但係由於和牛B好忙地要揀嘢買同俾錢、睇實和牛B,所以有少少走馬無時間影相啦。

唔入迪士尼都會見到迪士尼精品店!!


仲有Sanrio精品店,足足有成3層咁高!!

 

全日勁行,由日頭行到天黑!! 好彩,有帶BB車。唔係…點拎好呀??


其實,又唔係買咗好多啫~


第6日嘅行程,食完個快飯。就趕尾水俾小朋友放電「Round 1 Stadium 」。

下篇就為大家介紹Round 1 Stadium 」,放電好去處。

2018年大阪親子遊行程

--------------------------------------------------

留言

此網誌的熱門文章

【濕疹! 真心推薦】CUBED 無藥性、真正止痕、有效之濕疹修理產品 | 文末優惠碼

【召集! 角落生物Fans】必去! 期間限定《角落小夥伴》打卡主題餐廳 | 附book台小貼士

【餐廳推介】超人氣! 日式一人定食燒肉$48起一份