2018年5月3日 星期四

【好物分享】我的家居、戶外驅蚊恩物。惹蚊人士無有怕

每逢假期我哋都會帶住和牛B四圍去玩,而我同和牛B都係好惹蚊。至於我每次被蚊叮完,粒「蚊冷」仲要發到5蚊銀咁大,其實都唔緊要,重點係超級超級痕,同埋我亦好擔心會患有登隔熱等。

 

所以每次去戶外、郊區,都一定會帶備唔少蚊怕用品。但其實我唔係咁鍾意用蚊貼,覺得覆蓋範圍唔夠。亦唔鍾意蚊怕水,因為又嫌一噴完好濕,之後就痴笠笠。重點係我鼻敏感,真係好唔鍾意嗰陣味! 每次噴完,都一定會打返好幾個乞痴,仲要定時定候補蚊怕水。

 

今次我好想同大家分享來自西班牙嘅已有27年歷史嘅Radarcan,我哋而家都用梗佢。佢係經歐洲大學及化驗所檢測過,可高效驅蚊嘅產品。


Radarcan無味、不含化學噴霧,正合我我意。Radarcan採用全球專利嘅低音頻技術SONUERIT 驅蚊,音頻係模仿雄性蚊子拍翼嘅聲音*

點解會模仿雄性蚊子拍翼聲?
因為雌性嘅蚊子,經交配後需要製造大量營養,供產卵。所以主要吸血嘅蚊都係雌性嚟嘅,而雌性嘅蚊子,已經有BB需要準備產卵,所以當雌性嘅蚊聽到有雄性蚊子嘅拍翼聲,就會即刻掉頭走。

細少又輕巧嘅家用/戶外驅蚊器

佢係一個細細嘅小方盒,佢可以全方位咁發射低音頻技術SONUERIT 驅蚊超聲波,而發出嘅超聲波碰到硬物(例如牆),就會回彈及折射到其他地方。

我屋企蚊患重災區係房,有時夜晚俾蚊咬醒,又聽到佢喺耳邊飛過,真係搞到成晚都瞓唔到呀。

而家我每晚都會將Radarcan嘅驅蚊器放喺床頭,佢嘅低音頻技術超好,超細聲,要放埋耳邊先聽到。

 

細細個又唔需要駁電線,方便到我喺屋企都會隨身咁用,如果我行出廳我都會將佢放埋出廳。

只要放入43A電池,就可以用大概3個月。無開關掣只要一放入4粒電池,驅蚊器就會自動啟動。

屋企而家有咗佢,我行到邊都唔需要俾蚊叮,晚晚都有覺好瞓。


^ 細細個放窗台又得


^ 放喺飾物櫃又唔會覺得好礙眼


^
放喺梳化放飲品嘅格入面,都一樣得。


^ 簡潔設計,唔會影響屋內裝飾嘅設計。

其實唔止可以放喺屋企每一處,野餐帶埋佢我都唔洗驚俾蚊咬。

*正常運作: 大概3-5秒就會有綠燈閃一下
**無電: 會顯示紅燈

2-Way 手帶、驅蚊扣。外出用驅蚊器

每逢假日我都同帶和牛B進行戶外活動,就算平日和牛B亦會跟婆婆到公園玩,所以外出絕對唔少得驅蚊手帶/扣。

同樣都係採用全球專利嘅低音頻技術SONUERIT 驅蚊,可以扣上手帶戴住、亦可以變成驅蚊扣,扣喺衫上面、背囊到。

驅蚊手帶/扣仲有兩種音量,中度以及強度嘅音頻。Radarcan驅蚊手帶聲音會比家用盒子型嘅較為大聲,因為手帶通常係喺戶外用,所以音頻要大聲先可以有效驅蚊。

和牛B超鍾意驅蚊手帶,能夠發聲亦係最吸引佢嘅地方。佢覺得係一隻會發聲嘅手錶嚟,戴咗上去都唔捨得除,亦唔想熄咗佢。

而手帶係低敏感矽膠物料,可以減低敏感嘅機會。

手帶亦可以自行調節,好似戴手錶一樣,所以大人細路都啱戴。

 

Radarcan VS 蚊貼、蚊怕水
Radarcan優勝之處係,無濃濃刺鼻嘅氣味,亦唔需要擔心任何敏感。對人禽無害都好重要,對於我嚟講真係好啱用,因為我屋企有養小動物。而孕婦、幼兒使用都絕對適用。

 

我唔需要再擔心蚊貼貼得唔夠,又或者要定時補蚊怕水,同埋痴痴笠笠嘅感覺啦。

Radarcan驅蚊手帶仲有四隻顏色: 深藍、灰白、粉藍及粉橙 (和牛B手上戴住嘅係粉橙色)

購買點都好多,最方便就係上HKTV mallYahoo Store,實體店可以到百老匯電器、中華書局、商務印書館、三聯書店。

--------------------------------------------------
歡迎聯絡我&和牛B: chungying56@hotmail.com
Facebook專頁和牛B嘅成長專頁

Instagramwagyubmami


            
--------------------------------------------------
姊妹合作**Precious M accessories**
利用剩餘、過期的母乳,自己動手做屬於自己的首飾,母乳媽媽給自己的小獎勵,做法簡單自己都做得到。

沒有留言:

張貼留言