【限定活動】一個有意義,又有得飲靚湯嘅活動「飲啖湯見吓對方」


我同和牛b都好鍾意飲湯,不過我平時要返工,放假又鍾意帶住和牛B出去玩,所以都無時間去煲湯。



同我一樣都鍾意飲湯,又無時間煲嘅你機會嚟啦。領展喺5月期間舉行「盛湯廚房」,進行義賣湯水活動,而捐出款項全數撥捐惜食堂。


留意呀,只有四個領展商場先有舉行呢個限定活動。每個活動日期都會喺唔同地點進行,樂富廣場、黃大仙中心、鯉魚門廣場、屯門蝴蝶街市。

呢個活動係由國際名廚王凱傑(Jason Wang),將領展街市商戶回收嘅食物,再設計咗四款獨家靚湯。鼓勵市民「飲啖湯見吓對方」,同時仲宣揚惜食文化。

大家只要捐出$10予惜食堂,即可以換領一張換湯券、有湯飲之餘仲可以影返張靚相留念。


四款靚湯都有特別嘅意思,神級Fusion湯(黃芽白葫蘆瓜冬菇濃湯)、助「辣媽」清熱除煩惱嘅下火蛋花湯(菠菜豆腐蛋花湯)、讓「仙氣媽媽」繼續美麗示人嘅抗氧化仙氣養顏湯(焗南瓜木瓜紅蘿蔔濃湯),仲有增強「佛系媽媽」免疫力嘅全素佛系番茄湯(番茄青瓜湯)。

事不而遲,馬上分享我嘅活動流程啦~

捐錢後,就可以馬上揀湯,工作人員就會俾換領券及貼紙俾我。


我揀咗「下火蛋花湯」,再去用換領券拎湯,新鮮滾熱辣嘅湯,馬上送到!!


拎咗湯之後,仲可以去Topping區,加配料上去。配料有成8款咁多,有芫荽、 櫻花蝦乾、炸蒜、有色爆谷、南瓜籽、ABC 字母餅、黑胡椒、心型及星型麵包多士,仲有樂富廣場限定嘅食用花。


和牛B幫我裝飾完之後,成個湯錦上添花咗好多。


再將工作人員俾我嘅貼紙貼埋喺個湯蓋到就完成~



湯碗外其實仲有地方可以寫上心意句子,送俾你想送嘅人。

完成之後,仲可以去「潮拍長輩圖」影相留念添呀~


有四個相框可以揀~和牛B揀咗「記得唔好空肚食早餐唷!」~


張相即時打印出嚟,仲可以二維碼(QR Code)下載原相。


講返最重要嘅嘢,就係湯嘅味道。
我揀嘅係「下火蛋花湯」,超墨綠色嘅湯底,味道好香好濃,好濃嘅菠菜。
味道一啲都唔咸同埋唔係味精湯,所以飲完都好想再飲多碗呀!!

咁有意義嘅活動,你哋記得留意每場活動地點、日期及時間呀! 


<活動日期、時間及地點>
1. 5月12及13日 / 下午1時至9時 / 樂富廣場A區
2. 5月19及20日 / 下午1時至9時 / 黃大仙中心北館
3. 5月26日 / 下午1時至9時 / 鯉魚門廣場
4. 5月27日 / 上午11時至晚上7時 / 蝴蝶街市
--------------------------------------------------

            
--------------------------------------------------


姊妹合作**Precious M accessories**
利用剩餘、過期的母乳,自己動手做屬於自己的首飾,母乳媽媽給自己的小獎勵,做法簡單自己都做得到。

留言

此網誌的熱門文章

【濕疹! 真心推薦】CUBED 無藥性、真正止痕、有效之濕疹修理產品 | 文末優惠碼

【召集! 角落生物Fans】必去! 期間限定《角落小夥伴》打卡主題餐廳 | 附book台小貼士

【餐廳推介】超人氣! 日式一人定食燒肉$48起一份