和牛B 的成長日記

3月 17, 2018

今個復活節森家家族迷必定要去新蒲崗Mikiki朝聖『森林家族の樂活莊園』，商場中庭將森林家族2018最新推出嘅「城堡幼稚園系列」變大咗，一眾粉絲可以走入森林家族嘅夢幻世界啦。

由即日至4月2日，大人細路都鍾意嘅森林家族仲以最新推出系列「城堡幼稚園系列」帶到Mikiki，重點展覽期間仲設有「童趣期間限定雜貨店」，全場貨品仲有85折！

五大場景超可愛呀

樂活森林城堡嘅前面有松鼠哥哥同大家Say Hello!

野餐樂遊遊兔哥哥準備好食物、野餐墊同大家野餐。

森林搖搖樂有小狗BB同你玩搖搖板~超可愛呀~

小火車收藏站有朱古力兔姐姐連同小火車，載住好多森林家族嘅最新系列玩具同埋小村嘅精品。真係好靚呀，我全部都好想要!!

童趣期間限定雜貨店 同得意嘅人物影完相之後，當然唔可以錯過限定商品店啦!! 重點係貨品都有85折，購物滿指定金額仲有禮物送添呀!!

森林薄餅店/ 最新嘅幼稚園校巴原價$299，85折後$254.2

2018最新嘅城堡幼稚園系列玩具係全港首賣商品，原價$149，85折後$126.7。

仲有新成員棉花糖老鼠家族，佢哋都係全港首賣嘅商品嚟o架~

全部都有折，真係買得好爽呀!!家族成員都好齊呀，趁住有折就快啲掃貨啦。

購物優惠

1. 購物滿$200即送森林家族貼紙一張

2. 購物滿$800即送森林家族限量版BB套裝一位盒

*數量有限，送完即止!!!

而場內仲有展出森林家族嘅公仔、屋仔等。

由我細個嘅候，就已經好鍾意森林家族了，都儲埋唔少珍藏。所以和牛B好自然就同我一樣好鍾意森林家族，而我亦將我啲珍藏同佢分享一齊玩，其實每次玩我都非常緊張，好擔心會少梗一件配件。今日一齊嚟到一齊影相，真係好開心呀!

今日趁住有折，都一齊去揀啲無嘅返屋企玩~

*不過家長要留意森林家族嘅配件都比較細，三歲以下玩嘅話就要留意了。

其實除咗Mikiki之外，屯門卓爾廣場、屯門錦薈坊、荃灣荃錦中心、荃灣新領域廣場及屯門寶怡商場都有森林家族「城堡幼稚園系列」嘅佈置，而且每個商場都有唔同嘅佈置o架。

『森林家族の樂活莊園』 @ Mikiki 新蒲崗

日期：3月17日至4月2日
時間：11am - 9pm
地址：新蒲崗太子道東638號

--------------------------------------------------歡迎聯絡我&和牛B: chungying56@hotmail.comFacebook專頁: 和牛B嘅成長專頁

--------------------------------------------------

姊妹合作**Precious M accessories**

利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。