【全新！】9千呎兒童樂園。超大波波池、繩網陣、Playgroup班 (文末優惠)

九龍區再開咗一個激新、超大嘅兒童樂園「Wellcome Paradise」，呢到佔地面積超過9000平方呎，而且佢哋嘅波波池係全港最大嘅，波波嘅數量仲有成15萬個咁多！入面仲有好多唔同嘅遊戲設施，仲有配合唔同年紀嘅小朋友都設有不同嘅玩樂設施。

  

樂園以森林做主題，所以到處都會有唔同動物、森林相關嘅裝飾、佈置。

 

撲波波池海，撲到腳都軟

當我見到入面嘅波波池，我同和牛B都一齊叫出嚟！！因為園內有三個波波池，重點就係繩網陣下面嘅波海實在係超大超深呀！！真係可以喺入面游波波池水，潛入去真係會唔見咗！！
**建議較年幼嘅小朋友，必須由家長陪同先好進入。

**有無人見到和牛爸爸呀?? 哈哈

當我進入最大嘅波波池(園區稱為「波波潭」)，如同進入忘我境界一樣呀！真係好興奮呀！！

*和牛爸爸話，呢個玩法叫做坐船仔~

而波波潭係可以直接通往上面嘅繩網陣，我形容佢為樹幹。

波波潭最入嘅地方，仲有遊戲玩。只要將波波掟到屏幕，被掟中嘅海洋生物就會消失o架啦。

至於通往波波潭嘅方法有五個方法，水管旋轉式長滑梯「歷奇迷旋」，有透明設計，小朋友就唔洗驚啦。

 

另外三個入口都係穿過迷宮陣進入嘅。

而第五個方法就係從繩網陣落嚟。

 

幼兒區嘅波波池有兩邊，呢一個係可以連接歷奇迷旋及波波潭嘅，波波池比較淺。

 

仲有一隻大甲蟲，小朋友可以坐上去玩。

幾乎每個位置都有嘢玩，有一個活動式嘅七巧板，另一邊就有動物砌圖。

幻想，我哋喺到浸梗波波池浴。

 

另外一個幼兒區波波池有一個斜台滑梯，重點就係上面投射嘅畫面都有得可以玩。只要感受到有壓力/ 掟波波過去，畫面都會變。

 

 

園內每個角落都有嘢玩，所以好適合6個月至10歲小朋友。

超放電，Free Style嘅彈床區

大人可以陪同進入，而為安全起見，每次只限一個家庭。

繩網陣 「宏美林蔭」

只准小朋友進入，挑戰小朋友膽量嘅遊戲，下面就係「波波潭」啦！！

 

而中間部份都係繩網嚟，靚到好似藝術品一樣！絕對係挑戰小朋友膽量、身手嘅玩樂設施。

 

*其實我估唔到和牛B夠膽挑戰繩網陣，佢夠膽行出佢第一步。

從波波潭望上去繩網陣，個感覺好似阿凡達嘅仙景咁，好靚呀。

 

滑梯組

大家可能會問，呢到多唔多滑梯? 呢到數數手指，大概有3組滑梯，不過係通往唔同嘅地方嘅。

六角型蜂巢攀格

睇落去好似裝飾，其實都可以鍛鍊小朋友嘅肌肉。

 

旁邊仲有一個細啲嘅繩網，可以望到近大堂位置嘅部份o架~

 

好多唔同嘅障礙物通道，小朋友最鍾意探索。

 

  

有兩條平衡木，一條係斜一條係平路。

 

嚴格的衛生監控，自設洗波波機

「Wellcome Paradise」仲設有專用嘅清洗波波機、每小時可以清潔一萬個波波，及同時烘乾波波。園內會根據幼稚園清潔嘅標準，會定時噴灑1:99消毒清潔劑、 每日早晚及每個時段中間都會進行大規模清潔，所以我哋都玩得好放心同安心。

優質興趣班、遊戲小組

「Wellcome Paradise」入面仲設有空間予各種不同類別嘅遊戲小組、興趣班等，而遊戲小組嘅活動係專為 1歲半至10歲兒童度身訂造，絕對係安全嘅智能培育環境，亦係親子學習和歡樂嘅好去處。「Wellcome Paradise」於上午時段設有興趣遊戲小組，共有2節，每節約1.5小時。

而興趣遊戲班嘅導師仲由香港著名國際幼稚園嘅高校監同校長親自領軍同督導，帶領一班資深嘅導師授課，如果有興趣嘅話，一定要密切留意官方時間表，報名參加及後仲有優惠試堂添呀。

有一間活動室，亦有進行遊戲小組時的地方。

BB車泊車處

呢到地方夠晒大，近大門口仲有一個BB車泊車處，如果全部BB車都唔摺埋，呢到都足夠泊十幾架BB車o架。

 

高身鞋架，數量超多

之前去過好多Playhouse，鞋架嘅數量都好少，好多時迫住散落地下，又或者全部都係用矮櫃，要俯身擺鞋。

 

而呢到鞋架數量好多，仲係高櫃，可以唔洗俯身都擺到鞋。

鞋架旁仲有多張小梳化方便除/ 著鞋時坐。

免費Locker

每次去Playhouse玩，我覺得最麻煩就係隨身嘅個人物品，要孭住個袋又要追住和牛B，真係玩都玩得唔自在。呢到好細心，Locker仲係免費借用，只要於入場前，同職員登記就可以使用Locker，將手袋放入去，咁就玩得輕鬆又唔洗驚唔見咗個袋啦~

育嬰設備

場內仲有一間育嬰室，可以俾BB換片 (仲提供濕紙巾添呀)。仲有一張櫈，方便媽媽餵奶/ 餵母乳時使用。

 

*以我所知eMax只有地下先有育嬰室，所以「Wellcome Paradise」真係好細心，照顧周到，唔洗行到咁遠就可以換片/ 餵奶。

『溫韾小貼士』

- 每位進場嘅家長及小朋友請穿着襪子
- 為確保場地清潔衛生樂園內係不准飲食嘅

而我嘅總結就係，呢到超級好玩，超級放電!!!帶和牛B嚟呢到玩，除咗可以放晒佢啲電之外，自己啲電都放埋。亦係鍛鍊小朋友手腳肌肉、手眼協調、膽量嘅好場所。

【**和牛媽媽獨立優惠**】

只要於預約時與工作人員說明有「Blogger獨立優惠」，並於當日出示我嘅文章及Like Wellcome Paradise Facebook專頁，即可享免費多一位大人入場。(即$200/2大1小入場，若再多一小朋友就要照原價收費加$140)

Wellcome Paradise 宏美兒童樂園

電話：2155 4228

地址：九龍灣展貿徑1號 九龍灣國際展貿中心 3樓 302號舖

開放時間：9:00am – 7:00pm

入場費用：
- 早上時段 (9:00am – 12:30pm)為興趣遊戲班，分為2節，每節1小時30分，費用為$200 (1大人1小孩)
- 下午至黃昏時段 (2:00pm – 6:30pm)為公眾玩樂，分為2節，每節2小時，新張期費用為$200 (1大人1小孩)，可玩足4小時，優惠至到3月23號。
- 如加多1個大人，另收$60
- 如加多1個小朋友，另收$140

#宏美樂園 #wellcomeparadise #復活節親子好去處 #親子好去處 #室內遊樂場 #玩轉宏美樂園 #小朋友天堂 #放電好去處 #九龍灣國際展貿中心 #假日好去處

--------------------------------------------------歡迎聯絡我&和牛B: chungying56@hotmail.comFacebook專頁: 和牛B嘅成長專頁

Instagram: wagyubmami

            
--------------------------------------------------

姊妹合作**Precious M accessories**

利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。