【親子好去處】來自芬蘭嘅SuperPark。一家大細都啱玩

來自芬蘭嘅「香港SuperPark」喺1216日正式開幕啦,佢哋係全球最友善、集多項運動遊戲嘅一站式室內活動樂園。我哋好開心,可以獲邀出席開幕儀式,仲優先試玩咗入面嘅遊戲。
 
佔地45,000平方呎,係香港最大嘅一站式室內活動樂園。入面有超過20項有趣、健康及激發體能的遊戲運動。佢咃仲分咗三個園區添,有「冒險地帶」、「遊戲競技場」及「自由式殿堂」,所有運動遊戲都適合一家大細玩。所以家庭活動,又多一個好去處選擇啦。

馬上去片~~

 

開幕儀式當日,會場有好多彩色汽球,真係超有氣氛呀。


而進入園區之前,必須要穿上防滑襪先可以入場。
 

入場用嘅手帶,千祈唔好唔見呀!要用入場嘅手帶「TOUCH READER」先可以過閘入場。

超好玩。三大園區
冒險地帶
呢個園區嘅遊戲適合幼兒、年輕人同埋家長,入面有迷你賽車場、超級車呔滑梯、空中滑索、粒粒障礙牆、兒童歷奇城市、幼兒體操區。
 
和牛B仲係幼兒階段所以我哋停留喺幼兒體操區嘅時間最長,有得玩滑梯、有得行樓梯,重點仲有波波池!
 
體操區有各項遊戲都好好玩,有轉盤形式的鞦韆,也有布包袋的。
仲有森林動物造型嘅公仔。
體力鍛鍊嘅遊戲組。
訓練平衡嘅平衡木。
 
大人細路最愛嘅波波池!

小朋友嘅健身玩樂組,係鍛練體力嘅遊戲。

兒童歷奇城市

由於和牛B仲係比較細個,所以佢要去歷奇探索,我哋為安全起建都會跟住佢一齊去。不過玩完之後,大人真係會好攰,因為入面有好多障礙物,對小朋友體型細小當然無影響啦但對於大人嚟講就…haha!
 
為咗條滑梯你可以去到幾盡?
 
歷奇城市由上又落,圍住一圈有好多唔同嘅小考驗,可以訓練小朋友。
彎彎曲曲嘅路,要行可以好易,亦可以好難。
而和牛B就選擇咗爬過去
 
歷奇城市入面仲有大型板嘅彈珠機遊戲,好好玩呀!!! 不過,係要用手將個波用力推上去嘅。

  
終極高嘅旋轉滑梯,你夠唔夠膽挑戰先? 真係超刺激呀!!瀡嘅時候記得要瞓低呀,唔係唔夠快同埋會撞到頭架~
超級車呔滑梯,睇到官網介紹已經超級想玩啦!呢個遊戲比芬蘭版更加刺激呀!
 
迷你賽車場,所有車款都好有型!而重點就係佢哋係法拉利、寶馬踏板車嚟架!

遊戲競技場
呢個區好適合青少年同埋一大班朋友玩,可以一齊挑戰SuperPark獨有嘅勁力投球王,同朋友Battle一下、彈珠足球場、棒球練習場(*可以訓練擊球、專注力、反應),仲有高爾夫球練習場、當然唔少得街頭籃球場啦~而現場仲設有雷達及其他電子系統測量表現成績,友誼賽可隨時一觸即發呀。
 
高爾夫球練習場,未玩過Golf可以嚟試下揮桿,其實要打中個波都係有難度,係唔可以睇少佢。
 
園內仲有多款唔同嘅可以選擇。
街頭籃球場,快啲嚟露一手啦~
彈珠足球場,呢個用腳玩嘅彈珠機你哋又試過未呢?
仲有考你反應嘅小遊戲,運用雙眼與雙腳嘅遊戲。

自由式殿堂
年輕人嚟到呢到,可以盡情咁享受Freestyle嘅遊戲活動,場地亦免費提供滑板/ 踏板車,而活動場地有3,600平方呎,仲要喺由主辦東京World Cup Skateboarding的頂級歐洲品牌操刀設計及建造!
 
呢到高手宏集,真係好犀利呀!
彈床區,和牛B好鍾意玩彈床。當日仲有職員專業示範咗點樣玩,要雙腳合實然後跳,嘩~~個離心力真係好勁,而且我即刻可以彈到好高~~SuperPark嘅彈床係用頂級彈床品牌MaxAir,所以玩都玩得好放心呀!而且要注意安全呀,每張彈床只可以一個人進行彈跳。
 
攀石牆,唔好睇少佢,佢並唔係簡單嘅攀石牆。佢係數碼形式嘅攀石牆,會投射任務俾你,可謂鬥智鬥力的遊戲嚟。

SuperPark有別於一般Playhouse,應該話同Playhouse係兩回事,因為入面嘅遊戲,係100%適合一家大細,而並非專為幼兒而設,今次爸爸終於有得發圍啦。仲有唔少與鍛鍊相關嘅遊戲,而且係室內唔需要受到天氣影響、又唔怕有蚊叮咬。而場內嘅活動都有經驗豐富嘅工作人員在旁指導,亦有提供運動、安全配備,所以玩得非常放心。

而SuperPark入面亦有一間餐廳喺到。

前往方法
1.揸車,建議泊喺奧海城。
2.MTR,奧海城A1出口,沿路面行就會好快行到。
3.巴士,13D/ 87B/ 971/ 701
4.
小巴,46/ 78  

門票 (全日)
星期一至五 $180 (*不包括星期六、日、公眾假期及學校假期)
星期六、日、公眾假期及學校假 $240
**3歲以下小童免費入場

立即預訂

在場內所有時間必須穿上襪子;而在彈床時必須穿著SuperPark嘅防滑襪。
**票價不包括防滑襪,一對HKD 15,兩對HKD 20
 
SuperPark嘅防滑襪有分小童及大人碼,而且襪底嘅防滑真係做得好好,好啜地。

溫韾提示: 部份活動不適用於3歲以下小童進入。詳情請參閱官方網站資料 [ 按這裡 ]


SuperPark Hong Kong
地址:九龍大角咀海輝道18號一號銀海地下 (近奥運站)

            
--------------------------------------------------


姊妹合作**Precious M accessories**
利用剩餘、過期的母乳,自己動手做屬於自己的首飾,母乳媽媽給自己的小獎勵,做法簡單自己都做得到。

20161005_creativity01

留言

此網誌的熱門文章

【濕疹! 真心推薦】CUBED 無藥性、真正止痕、有效之濕疹修理產品 | 文末優惠碼

【召集! 角落生物Fans】必去! 期間限定《角落小夥伴》打卡主題餐廳 | 附book台小貼士

【餐廳推介】超人氣! 日式一人定食燒肉$48起一份