【沖繩親子自駕遊】海洋博公園 x 邊睇鯨鯊邊食晏 x 鯊魚館 Part III
海洋博公園實在太好多玩、值得帶小朋友去參觀嘅地方。今次帶大家嚟到美麗海水族館裡嘅餐廳以及鯊魚館。
美麗海水族館嘅餐廳「Ocean Blue」不得不介紹，如果喺香港海洋公園要睇著水族館入面大玻璃幕用膳嘅話，價錢相當和味。但如果喺美麗海水族館嘅話，要望住鯨鯊游嚟游去邊嘆美食嘅話，呢到真係超級平民價!!!
平民價一邊睇住鯨鯊一邊嘆飯。
食物方面主要以洋食屋為主，即有意粉、飯、炸物、甜點等。而最貴的炒飯大約¥565 (約HKD40)，另加一杯飲品以橙汁為例價錢¥204(約HKD14)，一個人只需大約HKD60內就可以慢慢用膳之餘，同時可以欣賞鯨鯊暢泳，真的超爽！但留意，餐廳以快餐點形式為主，而且座位有限，遊客唔好霸佔座位或坐喺度休息而唔食嘢啦。
以快餐形式，所以需要自行到收銀處落Order及取食物。
我哋一行有３個家庭３個兩歲大嘅小朋友。以下係部份嘅食物，價錢雖然平，但係食物質素都唔差嘅。
蕃茄腸仔意粉、香草意粉、炒飯、炸洋蔥圈以及炸肉丸。
鯊魚館
嚟到美麗海水族館嘅鯊魚館，館內營造嘅氣氛，令人有一種好神秘好想探索鯊魚嘅感覺。
入口旁邊仲有一大塊鯊魚皮。
重點近距離觀賞鯊魚，有魔鬼魚、、鎚頭鯊、大白鯊等。而且環境算光，睇得非常清楚。
超尖嘅牙齒、凶狠嘅眼神，睇見都覺得心寒呀!
呢個係一個解構鯊魚的模型，將鯊魚分成一塊塊，好似平時食三文魚扒咁打平砌，遊客可以一層一層咁睇，了解鯊魚每一個部位。
唔同品種鯊魚嘅牙齒骨，有大有細，不過全部都係尖尖嘅牙齒。
鯊魚(Shilky Shark)標本，第一次見到鯊魚嘅標本。仲有其他唔同嘅介紹，同埋鯊魚資料。
去到鯊魚館必影呀!! 呃Like影相位!!
手信、精品館
行完水族館，鯨鯊必定會喺小朋友心目中，佔咗好大嘅地位。所以精品店入面有好多商品都係以鯨鯊做主題，好多好可愛嘅毛公仔、T恤、文具、食物類型嘅手信。
仲買到我嘅心頭好，蘇眉匙扣，超可愛呀!!!
我哋仲喺入面買咗好多手信，聽朋友講仲好好食添呀~~~
精品店門外有一部好似影即影即有證件相嘅機，其實佢係即影即有以水族館做主題嘅Postcard機嚟，¥500 (約HKD35)一次。
旁邊更有一部紀念金幣機，除咗有唔同圖案之外，仲有配件選擇，每項價錢都唔同，所以視乎你整啲咩，就入幾多錢啦~
打卡影相熱點熱點一：往美麗海水族館方向的巨大鯨鯊石像。
熱點二：美麗海水族館正門口對出的海景。
嬰兒車
場內亦有嬰兒車借用服務，而且係免費嘅。只需要填寫上簡單資料，姓名、地址、電話就可以了。
停車場
海洋博公園設有多個停車場，重點係免費泊車!! ***戶外活動，記得幫小朋友搽密啲防曬、蚊怕水同埋飲多啲水呀。
海洋博公園設有多個停車場，重點係免費泊車!! ***戶外活動，記得幫小朋友搽密啲防曬、蚊怕水同埋飲多啲水呀。
總結海洋博公園真係超大，除咗水族館之外好多地方都係要途經戶外，所以建議帶遮、帶帽、搽好防曬同埋搽定蚊怕水。
至於飲品，其實日本真係到到都有一部自動售賣飲品機喺左近，都真係唔驚會無嘢飲。不過如果小朋友太細嘅話，最好帶定足夠嘅水，又或者預早買定一支水到時溝。因為日本比較鍾意凍水，自動售賣飲品機嘅水一定係冰凍嘅水。
水族館裡的知識卡，當你行晒成個水族館就會收集到10張嘅知識卡。入面有重點介紹嘅海洋生物，據知去到手信/精品店仲可以加錢買一個專用嘅File入住呢10張卡，變成一本書仔。
當日回程嘅時候，仲見到彩虹，真係好幸運呀!
玩咗一日，攬住鯨鯊休息一陣先。
沖繩海洋博公園
＜行程 + 景點＞
【沖繩親子自駕遊】海洋博公園 x 海豚表演 x 好多海龜 x放電公園 (Part II)
【沖繩親子自駕遊】海洋博公園 x 美麗海水族館 x 好多魚&鯨鯊呀!! (Part I)
【沖繩親子自駕遊】親子齊玩 x 裝飾好味雪糕 x 少女味 @ Blue Seal x Ice Park
【沖繩親子自駕遊】TomiTon 醫肚+放電+購物 & 森林家族專門店
【沖繩親子自駕遊】海洋博公園 x 美麗海水族館 x 好多魚&鯨鯊呀!! (Part I)
【沖繩親子自駕遊】親子齊玩 x 裝飾好味雪糕 x 少女味 @ Blue Seal x Ice Park
【沖繩親子自駕遊】TomiTon 醫肚+放電+購物 & 森林家族專門店
--------------------------------------------------
--------------------------------------------------
姊妹合作**Precious M accessories**
利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。
留言
發佈留言