2016年1月4日 星期一

準媽、母乳媽媽病左冇藥好食?!

當我陀B嘅時候, 我都有d少病, 正所謂少病是福。之不過, 食西藥, 又驚有副作用對BB唔好, 但食中藥又怕藥材唔乾淨唔適合所以病親都係冇咩藥o岩食! 但係Touchwood, 我陀B O個陣算係好少病, 病親都係瞓足一日就正常返~睇醫生, 都係為求醫生俾張假紙我, 唔返工係咁瞓, 望住D藥煉一煉仙。
 
其實由陀B, 到而家餵人奶, 講真嘅, 我一粒藥都未食過。就算個頭好痛, 我都死忍爛忍點知
 
最近, 悠悠爸又病左好唔好彩, 明明背住悠悠爸嚟瞓覺、又冇親熱, 都被佢傳染左真係勁灰! 仲要撞正元旦呢個短假期, 有得霸住悠悠B嘅日子先黎病, 激死呀!
 
我忍左咁耐有病都唔食藥, 唯獨是今次喉嚨痛, 我真係有睇醫生食西藥嘅念頭。咁好啦, 於是我踏大步咁去睇醫生, 睇完。由於要照顧悠悠B嘅關係, 我包藥都係放低左, 唔得閒食。好喇到我可以坐低食藥, 我先拎D藥出黎再望一次, ! 等我講一次我今次咩病先: 我有喉嚨痛、有鼻水、有輕微咳。
 
醫生知我餵人奶, 所以開左以下嘅藥俾我:
1.   止痛藥一包 注明:「需要時服」 (我喉嚨又未痛到就黎死, 我諗唔需要食)
2.   收鼻水藥一包 (食左會令人昏迷嘅藥, 我要照顧悠悠, 咁仲食唔食好? 定係悠悠你自己照顧自己啦, 媽咪瞓先)
3.   咳藥水一支 (我其實2個鐘先可能咳一次, 唔食啦)
4.   喉糖 (傳說中勁難食嘅oD)
 
老老實實, 我心目中, 喉嚨痛應該要有一包消炎藥, 但既然冇嘅話。我就綜合左我個人觀點後, 我最終都係擺低左包藥又繼續煉仙!
 
由於, 悠悠爸係超級病魔, 所以佢放棄瞓大床嘅權利。所以悠悠B就填補左呢個床位, 方便我照顧之餘, 又可以溫韾一下! 但留意, 因為我都病, 悠悠B都有少少傷風, 但我唔想一己私慾令佢嘅病加劇, 所以我有少少變態我係戴住口罩黎瞓覺~唔知有冇人好似我咁? 個口咁臭焗住成晚~唔焗暈自己都偷笑~
 
 
 
但係, 我煉仙左一日, 我靠不停飲水, 我竟然好返晒!!! 但係超級病魔悠悠爸病情就有點反覆! 老公, 你快D好返啦! 我同悠悠B下半世都要靠你養架天父, 請您快D賜悠悠爸一個強壯嘅Body!
 
 
有時候, 陀住BB, 又驚對BB唔好, 生完餵人奶, 又驚食左西藥對D奶唔好, 影響BB。你話喇, 做媽媽有時都幾慘, 乜都要驚住就住。但係又咁講嘅, 真係好病就要食藥, 只係我個人條頸比較硬, 所以先至成日煉仙。
 
點都好, 祝天下間嘅準媽媽、餵母乳嘅媽媽, 身體健康!!
 
備註: 其實大肚婆同餵人奶嘅媽媽係有藥食, 只不過藥力會較為輕微d ge~希望我嘅硬頸, 唔好為大家造成恐慌。
 
悠悠B: 爸爸媽媽你地要快D好返, 等悠悠運功先~媽哩媽空, 病魔捐山窿
 
 
我的Facebook專頁: 80's Mami - 悠悠B嘅成長專頁
 

沒有留言:

張貼留言