2016年1月17日 星期日

湊B日記 – 樂悠成長日記 – 我怕甚麼?!

每個人BB都有d野係好驚嘅~好驚陌生人、好驚寂寞、好驚被人鬧…咁, 悠悠呢?
 
故事由呢到開始, 自從生完悠悠之後, 其實我已經甚少做家務, 家務大部分都俾晒老公處理。以前我有癖好, 最鍾意吸塵, 因為我鍾意聽到吸到d硬物咔咔聲。而家放假接左悠悠返屋企, 真係好難得先哄到佢瞓覺, 所以真係唔敢吸塵怕嘈醒佢。
 
所以, 假日吸塵嘅時候, 通常我同老公2個人都o係到先吸~因為悠悠……
 
悠悠佢~佢真係好驚吸塵機~~~~
 
平時, 老公負責吸塵, 我負責陪住悠悠, 悠悠就唔理部吸塵機~今次, 我就試下, 老公去左返工, 悠悠玩梗時我就吸塵~~~
 
 
我一拖部吸塵機出黎, 佢已經望實部機~其實開機之前, 我已經同悠悠預告左「悠悠, 媽咪吸塵啦~~嗚嗚嗚架啦~~」點知一開, 佢都係呆左~望實部機~幾秒之後個咀向下反一反~~
 
 
準備~~5.4.3.2.1~~~嗚嘩~~嗚嘩~~喊呀~
 
 
有冇咁驚先??
 

我的Facebook專頁: 80's Mami - 悠悠B嘅成長專頁

沒有留言:

張貼留言