2016年1月10日 星期日

湊B日記 – 睇皮膚科醫生 (斷症為:嚴重濕疹)

飽受濕疹煎熬7個月嘅悠悠B, 之前睇過2個普通科醫生, 每次都係開左類固醇, 皮膚只係好到一陣。最近, 情況實在更加唔穩定, 而悠悠B亦晚晚都因為皮膚痕癢半夜痕醒, 甚至乎要抱睡先可以瞓得冧。除左咁, 悠悠B嘅皮膚已經抓到爛晒我同老公、婆婆見到心都碎了…全身除左個肚dum之外, 其餘嘅皮膚都係爛架!



經朋友介紹下, 去了睇皮膚科醫生。醫生話, 悠悠B屬於嚴重濕疹…醫生建議我地用Cetaphil RESTORADERM嘅潤膚露。奶方面, 如果可以盡量全人奶, 要補奶粉嘅話, 都介紹左一隻低敏配方奶粉俾我地S26 HA
 





另外, 醫生就開左2盒藥膏俾我地用一星期, 身體同面部係兩款唔同嘅藥, 每日用1, 所以相信都幾藥力呢。仲開左盒沖涼用嘅膏, 沖濕左個身之後就搽上去, 再沖一次過水。





呢隻舒特膚倍加叔口護潤膚露295ml (萬寧$290), 唔係間間萬寧都有, 要大間少少/有藥劑師嘅分店先有得買。而且唔平...不過, 真係有用&醫生推薦嘅話, 一定要買!!



仲有一樣就係醫生同我地講嘅, 原來BB係唔可以搽蘆薈!! 之前唔知道, 仲有幫悠悠B!!!

睇完醫生當晚, 即刻用醫生嘅藥。效果好顯著, 第二朝悠悠款面嘅紅敏已經減少左, 係有D勤同有少少甩皮。另外, 都少左皮膚痕癢!! 醫生, 你真係好犀利!! 果然係Professional! 希望今個星期五返去覆診, 醫生有好消息俾我地啦!


睇醫生當日嘅悠悠B...淨係睇到面仔咁樣紅敏起晒粒粒又痕, 真係睇見都心痛...


用左一次藥, 第二朝皮膚已經明顯減淡紅敏了, 就連痕癢都少左, 所以終於可以瞓返個靚覺, 繼續賣萌。

 


用左第三日藥之後, 已經冇再紅敏。係皮膚有D甩皮, 我諗脫過呢轉皮, 皮膚會滑溜返嘅!!

 


我的Facebook專頁: 80's Mami - 悠悠B嘅成長專頁

 
B日記心痛篇 - 轉天氣BB皮膚又痕到瞓唔著
B日記針對濕疹BB嘅內衣
B日記對付長期戰 - 濕疹
BB成長日記 - BB濕疹

沒有留言:

張貼留言