購物日誌 –BB學習杯

加固係除左要BB學習自己吞、咀嚼固體食物之外, 訓練BB自己拎起水杯/奶樽飲水/奶都係一個重要環節。

 


 

我其實對於悠悠B要學習自己飲水、拎起杯/奶樽飲水都唔覺得係一件容易嘅事黎。雖然, 之前睇過嘅文章講學習杯, 都係話唔駛買咁多隻杯架, 因為BBD就會識~但係性急嘅我, 最後我買下買下, 已經買左3隻學習杯返屋企。

 

悠悠B第一隻學習杯, Richell嘅軟膠吸管雙耳嘅杯仔護協價$7X/PC。結果呢, 悠悠B係唔識用個吸管~得淡笑呀~唯有擺下先啦, 總有一日佢係會識得飲嘅。

 


 

悠悠B第二隻學習杯係一隻平價之選, 鴨咀杯~日本城$10/PC有交易~仲有兩隻色~不過唔好之處係, 冇蓋, 出街嘅話唔適合攜帶外出用。二黎係冇防溜功能, 如果一打翻就溜晒D水出黎

 


 

重點係, 因為個鴨咀係硬膠, 悠悠B又未識用就不停用牙肉啃咬個咀, 終極都係吞唔切D, 流晒出黎多過飲呀~

 


 

悠悠B第三隻學習杯Nuk Hello Kitty杯杯(悠悠嘅堂姑媽買嘅, 所以我唔知咩價)。呢隻杯我覺得好好嘅係:1) 鴨咀部份係軟膠, BB學以慢慢適應。 2)防溜功能, BB吸啜鴨咀部分先有水出, 不用擔心打翻水杯時倒晒D水出黎 3) 有蓋, 方便攜帶出街 4) 內附一個防漏蓋, 唔飲/攜帶出街時, 可以蓋返個防漏蓋, 就真係萬無一失啦~ 5) 出水部分唔會過於太大量, 引致BB吞唔切而親。

 


 

因為呢隻杯係防漏, 所以我決定放手~放開所有~俾悠悠B自己摸索, 同隻杯做個朋友先~舔一舔~啜一啜~咁就識得用啦~

 


 

不過, 悠悠B仲未識/夠力得拎起隻杯杯自己飲。但冇得急嘅, 等佢再大個D佢就會做得到~

 

留言

此網誌的熱門文章

【濕疹! 真心推薦】CUBED 無藥性、真正止痕、有效之濕疹修理產品 | 文末優惠碼

【召集! 角落生物Fans】必去! 期間限定《角落小夥伴》打卡主題餐廳 | 附book台小貼士

【餐廳推介】超人氣! 日式一人定食燒肉$48起一份