[湊B記日] 腦筋急轉彎 - 冇帶泵奶裝備點算好!
放完產假復工都已經就快5個月,
第一次咁大頭蝦冇帶泵機+裝備、奶樽…今次就當係一個教訓啦…
其實冇帶泵機,
有奶樽都冇咩大影響...但係原來以上都冇帶, 後果都真係幾嚴重!
幸好,
我都有奶袋放o係公司,
雖然話有奶袋都好似好好彩,
但其實…都唔係好好架咋。
只有奶袋,
我就再o係公司拎個紙杯裝住奶袋,
直接用手擠奶。聽落去好似幾舒服,
其實並唔係想像中咁好…因為奶袋都係薄身而且軟身嘅。所以成日都會因為兜唔住造成漏奶…嘩!
好浪費!!
母乳真係滴滴皆辛苦架!!
亦因為咁,
我對眼真係出盡力啤到實!!
務求做到一滴都唔可以放過…但係梗係冇可能全部接得住啦…手擠時間,
我都係同平時一樣30分鐘到,
但係今日呢30分鐘攰過平時好多倍…一來做左30分鐘低頭族,
二來30分鐘金精火眼睇到實…
所以話,
今次嘅教訓,
真係好夠了!!
下一次要醒目D唔好帶溜野…
阿媽, 你係得嘅!
留言
發佈留言