回憶 - 再見我的2015
話咁快又一年,
以前未夠18歲o個陣,
仲係學生,
就覺得時間過得好慢,
唯獨是暑假過得特別快。點知,
一過左18歲,
D時間就超快速咁過。
2015年,
對我黎講真係大起大跌嘅一年!
開心唔開心嘅野,
其實年年一定有,
但係今年開心、唔開心嘅事件,
真係影響得我同我屋企人好緊要!
不如先苦後甜啦~
就係3月嘅時候,
足足陪伴左我12年幾嘅愛兔喜寶過左。佢真係一隻好叻,
好堅強,
好可愛嘅兔仔。不過,
我好開心,
因為當佢開始出現退化嘅時候,
我有努力過去照顧佢,
亦好慶幸,
我能夠抱住佢陪住佢直至佢斷氣o個刻。遺憾嘅係,
佢見唔到悠悠呢個妹妹出世。
一不離二,
二不離三…估唔到喜寶年紀大所以衰退致死之後。4月頭嘅一個清晨,
收到屋企人電話通知。我爸爸睡夢中仙遊,
o個陣時,
我都未瞓醒,
你地講咩?
有冇人可以話我知,
我係發梗夢?
爸爸突然嘅離世,
送到殮房,
死因庭o個邊同我地搞左好耐,
因為我地一直唔想做解剖查明死因。但係…原來呢個世界上冇自然死亡呢回事,
來來回回搞左成個月,
都係要解剖查明死因,
先可以批死亡症…死因「心肌梗塞」。之後,
終於定到設靈日期,
但係天意弄人。我一直好希望悠悠B搭正預產期先出世,
好讓我送別到我爸爸。點知…我就係設靈前幾日見紅,
入左醫院等生。最後,
悠悠出世當日,
就係我爸爸設靈當日。遺憾嘅係,
爸爸爭一個月就見到悠悠B出世啦…除此之外,
我去唔到送別我爸爸。我好唔開心…我到而家都唔相信我爸爸過左身。
5月,
悠悠B出世,
我同老公嘅小公主終於出世啦!!
媽媽我o係醫院待產幾日,
等到我人都癲呀~~見紅以為生得…原來見紅都唔係咁易話生就生得。人生第一次住醫院,
就係因為生BB。原來醫院都唔係想像中咁恐怖,
我一直覺得醫院係有鬼ge!!
但我住醫院前前後後,
住左成個禮拜,
就好似退休生活一樣~住老人院…定時定候有人派飯,
指定時間就有人黎探訪。係每到夜晚…個肚就特別硬特別實…跟住就會受到D姑娘冷淡對待。好慘呀…不過,
原來穿上係一件咁恐怖嘅事,
唔識形容~但係覺得自己好似失禁咁!!
完全唔知自己可以做咩,
呆左!
–口-
就係Feel到有水沖出黎,
我即刻企o係床邊…禁完救命鐘,
繼續企左o係到…之後姑娘係嗌我換過條M巾,
上返床等…上返床?!
我條褲,
底褲濕晒呀!!
之後姑娘幫我Check下開左幾多度,
(係未開,
我一度都未開),
由於我係妊娠糖尿,
所以直上產房催生。幸好,
上到產房嘅姑娘都算幾好人,
係開頭有一個好惡…之後o個個好到幫我Call我老公黎陪產。打左催生針之後,
我不停感覺到好急屎呀!!
呢個時候,
老公冇野做到,
但係,
每次我痛我就會大力握實佢隻手一次,
其實老公嘅存在好緊要!!
所以老公們,
千祈唔好以為自己坐o係到冇作為。你試諗下,
一篤屎急到就黎瀨,
但係唔准柯到底係幾痛苦??
但老婆就要忍住呢篤屎,
忍十幾個鐘先准柯!!
我,
忍左十幾個鐘頭,
揀直有少少崩潰,
我每次見到有姑娘行入黎,
我就會嗌佢地~~我由未天光黑蚊蚊,
嗌到天都光晒出晒太陽~都仲未柯得出…悠悠B轉向唔正確…始娘叫我打側身瞓,
等BB可以自己轉身,
但係我一側身就屎急…最後,
姑娘伸手入去幫我轉左2次!!
呢個經歷不身難忘,
我感覺到有成隻入伸左入去!!
人體多奧妙呀!!
去到最後一刻…我真係爆啦!!
爆啦!!
發脾氣啦!!
姑娘話,
差唔多十度,
好啦好啦,
你係咪要生,
你等等,
我地黎幫你俾你試下!!
我o係政府醫院生,
被一大班人圍觀~因為有D學護o係到,
個感覺唔知點形容,
我其實已經忘我,
所以我冇理佢地嘅眼光,
而且我係超級大近視,
所以我乜都睇唔到!!
只係得一個目標同想法!
就係我要柯屎呀!!!
前前後後,
我諗我半個鐘頭到,
悠悠B終於出左黎啦~~~我柯左舊2.89kg嘅屎出黎~好爽呀~~跟住聽到啪啪,
就有BB喊啦~~”呀下~呀下~呀下~”姑娘話,
BB好可愛,
眼仔好大,
你快D睇下~我話…姑娘我咩都睇唔到,
我冇戴眼鏡XD
姑娘都好快手,
抹乾淨之後,
抱左悠悠B放o係我心口~呢個時刻真係好感動!!
我,
終於做左媽媽啦!!
之後時間過得更加快…睇住悠悠B一日一日咁大!
悠悠嘅出世,
令到全家人都好幸福同開心,
亦因為悠悠,
我識左好多朋友&
BB。 因為有了悠悠, 世界變得更闊更大,
有了更多的第一次!
這一年,
雖然唔開心嘅事比開心嘅事多。但係,
日子都係咁過,
而且因為爸爸嘅過身,
令我醒覺到,家人的重要,
特別係關懷父母嘅健康。唔好覺得,
所有野係必然,
我爸爸心肌梗塞其實有先兆,
病發前幾日全家一齊慶祝食飯,
但同住嘅家人都無發現,
其實大家都欠缺了關心。老人家一般唔舒服都唔出聲,
所以作為仔女嘅,
要多D關心老人家,
盡可能熱情嘅,
唔好將愛收埋。因為呢件事,
除左我醒覺之外,
我嘅兄、姐們都多了一點關心,
嘗試唔好因為怕醜、面子而多左關懷。我一直係好勇於表達情感嘅人,
但比較貪玩。所以,
我而家改變嘅,
會係少D貪玩,
留多點時間陪伴我媽媽。因為,
喊都到盲左,
父母、親人都唔會返黎…
最後,
都有一樣開心事。雖然爸爸過身.
但係我地好好彩,
爸爸過身大約8個月左右,
已經好有運氣抽中左政府嘅骨灰位。爸爸已經有自己嘅單位,
唔需要再寄宿o係搞殯儀嘅公司到了!!
留言
發佈留言