文章

【主題餐廳】期間限定唐老鴨Donald Duck主題餐廳 (至8月31日)

圖片
  當媽咪約咗朋友去MeTime嗰陣,爸爸又帶咗兩位小姐去食好嘢! 今次係帶咗兩姊妹去唐老鴨主題餐廳,打卡兼食嘢。 妹妹超開心,因為妹妹都好鍾意Donald~ 如果鍾意唐老鴨嘅話,千祈唔好錯過呀! 因為今次主題都係期間限定,唐老鴨主題將做到2023年8月31日就完~ ^ 我哋去嘅係T.O.P分店 食物選擇都多,有啲仲有禮品贈送添㗎~~ 除此之外, 山下菓子旺角及荃灣分店同時仲有唐老鴨期間限定店,發售多款期間限定夏日用品,包括輕便摺傘、摺合式旅行袋、手提扇仔、T 恤等。仲有多款實用環保產品例如Thermos 保溫樽、Rolleat 食物袋、輕便環保購物袋,旅行收納袋等。 以下嘅禮品,都係隨食物贈送㗎~ [ 餐牌 ] 【山下菓子Kingsley Café and Meal】 分店: - 九龍旺角彌敦道700號T.O.P商場3樓315號舖 - 新界荃灣大河道88號如心廣場二期210 號舖 更多詳細資料及預約: https://www.facebook.com/KingsleyDesserts ========== ================== 記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.instagram.com/wagyubmami/ ============================ 和牛B & 和牛媽媽 YouTube Channel  https://www.youtube.com/c/Wagyubmami ============================

【開飯啦】懶人串燒、室內輕鬆BBQ | 特式餐廳

圖片
  我同老公都好鍾意食串燒,以前食串燒想自己燒的話。 只有戶外嘅「重慶燒」,但帶住小朋友天氣又熱,又大陣味... 所以,我哋都好耐冇食啦... 今次我哋嚟到係室內嘅串燒食店,食物種類都多,坐得舒服又唔大油煙。 都有小朋友鍾意食嘅嘢,亦可以嗌飯~ 不過我哋當日,飯就已經售罄了。 但都唔怕,都有啱兩姊妹嘅食物。 而呢到最正就係,串燒架非常窩心! 放串燒上去,佢會自己轉動,所以食物都燒得好均勻。 仲好方便,真係零技術呀! 和牛B都可以自己放上燒烤架到燒~ 平時打邊爐食卜卜蜆相信好多人食過,但成串嘅蜆,你哋又試過未呀? 我都係第一次咁樣成串蜆去燒~ 掃QR Code點完食物,食物就陸續送上~ 真係超興奮呀!! 食物方面,全部本身都冇添加醃料,所以客人要自行調味。 餐廳方面,有提供三種味道嘅調味粉、同埋三款醬料。 食物種類分成豬、牛、雞、腸、海鮮、丸、甜、菜、羊等。 豬肉有美國豬肉眼、豬五花、豬肩胛及豬大腸。 牛肉有M6和牛牛柳、紐西蘭牛西冷、牛舌、美國牛肋腩。 雞肉有雞腎、雞翼、雞軟骨、雞皮、雞卷肉。 腸有芝士腸、廚師腸、台灣腸。 海鮮有蜆肉、鯖魚、多春魚。 丸類都係不外乎魚片頭、墨魚丸、貢丸、魚蛋、蝦卷、魚肉年糕、豬肉丸以及必食燒賣!! 甜屬於甜品類有小朋友至愛棉花爆、雞蛋仔、菠蘿。 菜類有豆卜、雞脾菇、翠玉瓜、車厘茄、冬菇、日本甜薯及秋葵。 羊方面就只有羊肉卷可以選擇。 100%推介嘅邪惡食物,雞皮!! 一定要燒到脆卜卜,再灑上味粉,超級正呀!! 食棉花糖食得超級開心嘅妹妹~ 埋單後,仲有Haagen Dazs雪糕送,每人一杯~ 大人先會明白嘅,特別濕紙巾~ 價錢:  【串Grill 自助燒烤專門店】 地址: 九龍旺角彌敦道558-560號譽發廣場7樓 ========== ================== 記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.instagram.com/wagyubmami/ ============================ 和牛B & 和牛媽媽 YouTube Channel  https://www.youtube....