文章

【打卡餐廳】懷舊老香港風格 X 茶餐廳 X 紅VAN主題 X 兒童玩樂設施

圖片
  香港相比其他國家,其實唔係太多特式、主題餐廳。 就算係特式又有主題,價錢都相對貴... 而今次我哋去嘅呢間餐廳,係我收藏咗好耐,好想去嘅餐廳之一。 佢係我鍾意嘅懷舊老香港風格,而且食物同價錢都係平民價。 所以,好值得同大家推介一下。 第一次就同咗和牛B兩個人平日夜晚去,我哋行完街就去呢到食飯。 最近就帶埋老公同妹妹去,佢哋都好鍾意~ 餐廳特別之處,除咗係懷舊老香港風之外,仲有紅Van造型嘅卡位雅座。 可能我哋係平日夜晚啦,所以人流唔多。 好多位揀,包場咁濟~ 而且,餐廳職員都好友善。 呢本好似小朋友練習簿嘅書仔,其實係餐牌嚟~ 食物選擇都多,雖然係茶記,但佢都有扒餐。 餐廳另一邊,都係打卡位嚟~ 懷舊老家嘅感覺,牛龜電視機,舊式鐵扇風扇,仲有撥輪電話!! 英女皇嘅大大幅相!! 餐廳出面,直頭係小朋友天地! 因為有多款單車,免費借玩。 ^ 呢個氹氹轉腳踏車真係超好玩~ ^ 餐廳對出嘅空地 食物方面 ^ (右) B仔鴛鴦 (即係小朋友鴛鴦,柯華田 + 好立克) 本身應該有一大粒棉花糖,不過姨姨話咁啱冇晒。  但店員超好,佢哋轉頭就出去買咗棉花糖返嚟,仲另上俾和牛B。 同埋店員姨姨仲好好,因為最初少咗粒大棉花糖。 仲特意送上幸運曲奇俾和牛B補償返~ 我點咗一碟和牛B最愛嘅肉絲炒麵,麵底脆卜卜,熱辣辣! 而且好足料~ 另外,我再點咗一份法蘭西多士。 個多士超級厚身!! 起碼兩吋厚呀!! 從Fashion Walk外圍一直行,見到呢個燈牌轉入小巷就去到啦~ 【喜喜冰室 @ 銅鑼灣】 地址: 香港銅鑼灣百德新街57號Fashion Walk地下C&D號舖 電話: 2868 0363 營業時間:  星期一至日: 7:30am. - 9:45pm. ========== ================== 記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.instagram.com/wagyubmami/ ============================ 和牛B & 和牛媽媽 YouTube Channel  https://www.youtu...

【入學準備】簡易自製學生/面試相 | 幾蚊就有一打相

圖片
轉眼間,妹妹又係時候要準備K1幼稚園面試啦... 我呢啲慳家媽媽,一如以往都係自己操刀幫佢哋影面試相、學生相~ 自己影,大概幾蚊就有一打相~ 只要喺光線充足嘅地方,重點係喺白色牆身到影相~ 影一大堆慢慢揀,之後喺手機下載「證件照專家」app。 真心超容易用!! 亦唔需要任何技術,只要揀一張相,等一陣就整好!! 我完全冇修圖,亦唔需要自己退地 (白色牆身) 佢就可以幫我將妹妹嘅相,變成證件相。 背景顏色仲有得揀,有6隻色選擇。 尺寸方面,經我測試後。 拎去相舖沖曬4R,4R一出8張,每張證件相尺寸係比較適合使用!! 一張4R $2,如果我晒2張(總共16張證件相)都只係$4!! 4蚊就有一打面試用證件相,真係平靚正!! 分享一下,我哋今次係喺網上快圖美都沖曬。 揀喺分店領取,係免運費。 如果揀第二天取件,4R $2/張,如果急的話即日取件一張4R就要$2.3。 另外,佢哋最低消費係$20。 https://www.fotomax.com/zh-hk/photo-printing/ ========== ================== 記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.instagram.com/wagyubmami/ ============================ 和牛B & 和牛媽媽 YouTube Channel  https://www.youtube.com/c/Wagyubmami ============================ 我的網店C.Mozo Store https://cmozostore.mallogram.com/zh-hk/

【主題餐廳】飛機餐廳 x 求旅行感 x 偽飛機餐 | 打卡餐廳

圖片
到底有幾多年冇飛過呢? 我諗我足足有三年半冇飛過啦... 真係好想搭飛機去旅行呀... 唯有去呢間飛機主題餐廳,來個偽搭飛機去旅行啦!! 今日約咗姊妹們去呢到放鬆一下,呢間餐廳唔算好大。 而且餐廳最特別嘅窗口位 (卡位),亦都只係得四張台。 我哋當晚係平日,訂台時有要求窗口位。 不過,店員亦有說明「會盡量安排」。 所以,訂咗台就算要求窗口位,都係唔一定有呢~~ 好好彩,當晚客人唔多。 總算坐到打卡窗口位~~ Yeah~~我飛啦 (哈) 我個飛機餐,幾豐富~~ ^ 空姐專用手推車 餐廳嘅另一邊,打卡都一樣靚!~ 門口打卡位~~ 以前去旅行指定必影嘅打卡位~ 食物方面,我哋係晚市時段。 餐廳只提供晚市套餐,晚餐有一個主菜,另有餐湯、餐包、生果、甜品及一杯飲品。 ^ 如果餐包係熱嘅會更好 ^ 香煎盲曹魚柳配大蒜、雪莉醋及橄欖油 ^ 和牛漢堡包配薯角 ^ 大蝦意大利粉 是日甜品 食物整體都好好味,不過上菜時間就比較慢... 甜品雪得太冰,咬入口時有少少沙冰感覺。 詳細餐牌: 【Cabin Crew Coffee @ 尖沙咀】 地址: 尖沙咀彌敦道132號美麗華廣場一期2樓228號舖 電話: 2618 6191 營業時間: 星期一至日: 11:00am. - 10:00pm. ========== ================== 記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.instagram.com/wagyubmami/ ============================ 和牛B & 和牛媽媽 YouTube Channel  https://www.youtube.com/c/Wagyubmami ============================ 我的網店C.Mozo Store https://cmozostore.mallogram.com/zh-hk/