文章

【和牛媽媽手工班】在家抗疫生活。復活節蛋畫創作 x 環保創作 | 第二篇

圖片
就快又來到復活節,往年復活節都會有唔少活動舉辦。 例如尋找復活蛋 (掘蛋)、復活節故事等。 因為疫情,呢啲活動已經唔可能舉行。 今年我就同兩個寶貝女,提早喺屋企進行復活節興趣班活動。 和牛B玩完之後,已經再同我講想再玩!! 佢話佢有好多靈感,想快啲再創作蛋畫。 今次嘅興趣班「蛋畫創作」,有個「蛋」字一定同蛋有關啦~ 材料好簡單,就係需要蛋殼數個、食用色素、畫紙、漿糊。 ^ 洗乾淨蛋殼,清水浸過蛋殼,加入數滴食用色素 (顏色深、淺,隨個人喜好),浸至少6小時或以上。 其實今次都係環保創作之一,平時煮蛋,蛋殼通常都會隨手扔掉。 而家可以洗乾淨蛋殼,染色,風乾就可以進行創作。 ^ 因為想蛋畫畫面豐富啲,所以我盡量染咗6隻唔同顏色俾佢哋創作。 今次嘅蛋畫,除咗可以讓小朋友發揮創意之外,仲可以訓練小朋友手指肌肉發展、手眼協調。 ^ 訓練小朋友手指肌肉發展 首先,喺畫紙上畫好蛋形。 再塗上適量漿糊,方便黏上蛋殼碎。 揀選鍾意嘅顏色,用手指將蛋殼搣成小碎片,再黏到畫紙上。 ^ 用手指將蛋殼搣成小碎片 ^ 再將蛋殼碎,黏到畫紙上。 ^ 妹妹唔鍾意漿糊黏住手指嘅感覺 (哈) 最後,可以喺畫紙空白地方填顏色或者畫圖畫都可以。 ^ 呢一幅完全係和牛B自己畫嘅圖畫,好可愛呢! 佢哋專注地創作,大人就可以輕鬆喺旁邊指導一下。 寧靜地過咗30分鐘至一小時~ <作品分享> ^ 妹妹作品 (2Y1M) ^ 和牛B作品 (6Y11M) 我自己自細就好鍾意畫畫、藝術創作、手工藝,所以都希望將自己嘅興趣分享俾自己兩個寶貝女。 因為畫畫、創作能夠抒發自己內心嘅情感。 我立場係小朋友參興藝術,並非一定要攞獎先有作為。 今個復活節,大家都可以試下同小朋友一齊玩哦~ 【在家抗疫生活】媽媽減壓的減壓球的做法 【在家抗疫生活】Messy Play。仿真雪、學ABC與認知 【在家抗疫生活】Messy Play。Painting 污糟貓 | 創意畫室 【和牛媽媽手工班】在家抗疫生活。輕鬆在家做彩沙瓶 x 消磨時間 | 第一篇 ========== ================== 記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.i...

【和牛B個妹。Login成長日記】幼兒散光、斜視問題 (三) | 香港眼科醫院

圖片
上文分享過,我家妹妹跟進斜視問題嘅病情及流程。  [  上文重溫  ] 本篇只相隔數天再回去,醫生及 矯視師 跟進視力方面嘅問題。 先到繳費處排隊等候登記及提交費用 (舊症診金$80),然後到一樓診症室等候領取排板。 領取排板後,再回到地下 視覺 矯正部取籌號,輪候診症。 吸取早幾日嘅經驗,今次我帶定小法寶俾妹妹解悶。 大概等咗30分鐘,今次主要同妹妹驗眼及檢查。 驗眼部份,妹妹好合作。 但遮眼檢查及試戴鏡,妹妹就開始扭計,唔肯合作... 試咗一陣,都係做唔到... 最後 矯視師為免妹妹日後返嚟,唔肯乖乖做檢查,所以放生佢。 然後,我哋再返上一樓,等見醫生。 等候時間都好快,醫生睇返排板,都知道妹妹頭先檢查方面唔太合作。 所以,嚟到醫生診症都係簡單檢查,都係再嘗試做少少遮眼睇嘢嘅檢查。 醫生話,今日睇斜視嘅情況又唔係好覺得好明顯。 對上紀錄低斜視輻度大概20,唔算好嚴重。 做下眼部運動,都會治療到。 其次睇返視力部份,近視遠視合格水平,散光大概2百至3百度。 但考慮到妹妹年紀較細,都未必肯戴。 或者等佢4個月後,大少少再返嚟驗眼跟進視力嘅問題。 另外,醫生亦有問到妹妹有冇捽眼情況。 因為捽眼都會令到散光加深,所以要盡量避免。 為安全起見,醫生開定潤眼藥水及止痕眼藥水俾妹妹看門口。 今日嘅診症,妹妹暫時唔需要做四眼妹住~~ 不過,都係要好好保護妹妹雙眼!!! 診金: 新症 $135 舊症 $80 【關於妹妹斜視問題文章】 第一篇:  幼兒眼睛問題「斜視」| 健康院轉介眼科醫院 第二篇:  幼兒散光、斜視問題「斜視」(一) 第三篇:  幼兒散光、斜視問題「斜視」(二) 【和牛B個妹。Login成長日記】訓練BB獨立自己進食 【和牛B個妹。Login成長日記】疫情下的寶寶。戴口罩訓練 【和牛B個妹。Login成長日記】一至三個月大嬰兒發展 【和牛B個妹。Login成長日記】1歲半健康院檢查 【和牛B個妹。Login成長日記】技能解鎖 – 刷牙 【BB成長日記】二寶與大寶嘅成長分別 | BB大不同 【二寶媽媽】湊B心得。第二胎比第一胎照顧得更輕鬆 【BB成長日記】疫症下的QE新生嬰兒黃膽 | 私家醫院跟進服務公院收費 【二寶孕記】疫症下生BB,政府醫院生BB (QE) 陪產? 探病? ========== =...

【和牛B個妹。Login成長日記】幼兒散光、斜視問題 (二) | 香港眼科醫院

圖片
文分享過,我家妹妹到香港眼科醫院接受檢查及診斷嘅病情及流程。  [  上文重溫  ] 本篇係關於我哋第二次,再到香港眼科醫院跟進斜視問題。 我哋第二次嘅覆診期,非常快。 呢方面以公立醫院嚟講,我真係預料之外,感恩可以快啲幫妹妹治療!! 今次覆診,主要係到視覺 矯正部進行檢查。 而每次覆診記得提前15分鐘到達進行登記處及繳費,然後再到詢問處取排板。 今次,只需到同層 視覺 矯正部取籌號,輪候診症。 當日等候時間都長,我前面有3個籌號,我大概等咗1小時左右。 幸好,妹妹一直瞓晏覺。 到我哋嘅時候,佢已經養足精神啦~~ 入到去主要問返妹妹斜視情況, 1. 幾時發現 2. 生活習慣 3. 覺得係點樣先會出現斜視 然後,開始進行檢查。 測試眼睛斜視嘅問題,再解說及教我哋同妹妹做眼部運動。 不過,醫生同今次嘅 矯視師講嘅嘢有少少唔同... 佢話妹妹眼睛斜視唔係望遠嘢好明顯,望近嘢比較明顯... (剛剛相反) 而針對斜視做嘅眼部運動, 矯視師話並 唔係要強化眼內肌肉,而係要訓練妹妹眼睛識得平衡睇嘢。(醫生話強化眼內肌肉) 所以,我聽到有少少一頭霧水... 最後,都係先建議我同妹妹做下眼部運動。 同時矯視師話,妹妹及早發現只要勤做眼部運動,可以醫治到斜視嘅機會好高。 矯視師同時 唔建議妹妹戴眼鏡,除非有好差嘅近視、遠視就一定要戴啦。 而 矯視師亦話,佢哋唔會同妹妹驗眼。 再講出下個約期係,醫生會診症。 同時,亦唔排除醫生會要求妹妹一定要配鏡嘅可能。 另外,安排三個月後再同妹妹跟進斜視問題。 診金: 新症 $135 舊症 $80 【關於妹妹斜視問題文章】 第一篇:  幼兒眼睛問題「斜視」| 健康院轉介眼科醫院 第二篇:  幼兒散光、斜視問題「斜視」(一) 【和牛B個妹。Login成長日記】訓練BB獨立自己進食 【和牛B個妹。Login成長日記】疫情下的寶寶。戴口罩訓練 【和牛B個妹。Login成長日記】一至三個月大嬰兒發展 【和牛B個妹。Login成長日記】1歲半健康院檢查 【和牛B個妹。Login成長日記】技能解鎖 – 刷牙 【BB成長日記】二寶與大寶嘅成長分別 | BB大不同 【二寶媽媽】湊B心得。第二胎比第一胎照顧得更輕鬆 【BB成長日記】疫症下的QE新生嬰兒黃膽 | 私家醫院跟進服務公院收費 【二寶孕記】疫症下生BB,政...

【和牛B個妹。Login成長日記】幼兒散光、斜視問題 | 香港眼科醫院

圖片
上文分享過,我家妹妹眼睛嘅問題。 [ 上文重溫 ] 我都係第一次嚟到眼科醫院,今次妹妹亦係新症。 所以我哋可以直接去到5號窗辦理手續,辦理手續須出示小朋友出世紙/身份證明文件、最近三個月住址證明(我用我嘅銀行信)、及醫生轉介信正本。 而今次去到眼科醫院跟進,診金為$135。 之後,職員就將「病歷紀錄冊」交俾我,入面夾好妹妹嘅醫生轉介信。 然後上到一樓,去診症室交低,等拎 牌版。 拎到牌板之後,就要落返去地下嘅視覺矯正部等候視光師嘅初步檢查。 檢查完,再將 病歷紀錄冊交返一樓診症室,之後再會見醫生。 就安排同妹妹滴放大瞳孔藥水,作進一步檢查。 妹妹都好叻女,因為前前後後加埋滴咗4次藥水... 佢都好叻女,雖然後尾有少少反抗,但最後佢都做得到! 不過,姑娘有提到小朋友咁細用呢啲藥水,或會出現下面嘅情況。 所以,叫我一定要留意住妹妹今日嘅情況!! 完成4次藥水,又需再到地下 視覺矯正部等候視光師嘅檢查。 今次視光師用一個節單儀器,就幫妹妹度到有冇近視、遠視同散光... 然後,視光師話妹妹散光都幾嚴重,有200度同250度...!! 小朋友有散光,係因為眼球形狀問題,所以呢個係天生... 之後,再來到醫生進一步檢查。 醫生檢查後,佢同我講一次散光問題,而醫生話散光係冇得根治。 只可以控制,所以妹妹都需要開始配戴眼鏡... 另外,妹妹亦診斷為有「間歇性外斜視」。 原來係妹妹眼部肌肉鬆弛,所以我哋由而家開始需要同佢做一啲眼部肌肉訓練遊戲。 醫生仲話...嚴重嘅話係需要做手術去治療!!! 配合妹妹嘅眼部(外斜視)情況,呢組眼部肌肉訓練遊戲其實好簡單。 大概一隻手臂距離開始,拎住小物件吸引小朋友。 要小朋友眼睛望實小物件,然後小物件慢慢移向小朋友眼睛前,令小朋友眼睛呈現「鬥雞」,保持5秒,就可以重新再嚟。 ^ 引導小朋友眼睛望實小物件 ^ 然後小物件慢慢移向小朋友眼睛前, 呈現「鬥雞」狀況。 最後,大家如果有留意到小朋友 睇嘢亦會瞇起眼、經常捽眼、側頭或者側頸。 小朋友或者有可能係視力上出現小問題,要及早就醫哦!! ^ 與斜視相關之資訊 ^ 與惰視眼相關之資訊 疫情期間要去醫院,其實我都好擔心... 但係,考慮到妹妹眼睛嘅問題。 我哋都唔想拖,希望儘早就醫。 去到醫院,儘量唔俾小朋友除口罩進食飲水。 同時間,等候時間亦比較長。 所以,建議如果小朋友仲可以用Hip Seat盡...